IPL 2025: ಜಸ್ಪ್ರಿತ್​ ಬುಮ್ರಾಗೆ ಇಷ್ಟು ಕೋಟಿ ರೂ. ಸಿಗಲಿದೆ! 'ಬಜ್ಜಿ' ಊಹಿಸಿದ ಸಂಖ್ಯೆ ಕೇಳಿದ್ರೆ ಹುಬ್ಬೇರೋದು ಖಚಿತ

ನವದೆಹಲಿ: 17 ವರ್ಷಗಳ ಬಳಿಕ ಭಾರತಕ್ಕೆ ಟಿ20 ವಿಶ್ವಕಪ್ ಟ್ರೋಫಿ ತಂದುಕೊಡುವಲ್ಲಿ ಪ್ರಮುಖ ಪಾತ್ರವಹಿಸಿದ ಟೀಮ್ ಇಂಡಿಯಾ ವೇಗಿ, ವಿಶ್ವದ ಬೆಸ್ಟ್​ ಬೌಲರ್​ ಜಸ್ಪ್ರಿತ್​ ಬುಮ್ರಾ (Jasprit Bumrah ) ಸದ್ಯ ಟೂರ್ನಿ ಮುಕ್ತಾಯಗೊಂಡ ನಂತರ ದೀರ್ಘ ವಿಶ್ರಾಂತಿಯಲ್ಲಿದ್ದರು. ಇತ್ತೀಚೆಗೆ ನಡೆದ ಯಾವುದೇ ಟಿ20 ಮತ್ತು ಏಕದಿನ ಪಂದ್ಯಗಳಲ್ಲಿ ಕಾಣಿಸಿಕೊಳ್ಳದ ಬುಮ್ರಾ, ಸದ್ಯ ತಮ್ಮ ಅನುಪಸ್ಥಿತಿಯಲ್ಲಿಯೂ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿರುವುದು ವಿಶೇಷ. ಇದಕ್ಕೆ ಕಾರಣ ಮುಂಬರುವ 2025ರ ಐಪಿಎಲ್ (IPL 2025)​. ಒಂದೆಡೆ ರೋಹಿತ್​ರನ್ನು ಹರಾಜು ಪ್ರಕ್ರಿಯೆಯಲ್ಲಿ ತಂಡದಿಂದ ಕೈಬಿಡಲು ತುದಿಗಾಲಿನಲ್ಲಿರುವ ಎಂಐ ಫ್ರಾಂಚೈಸಿ, ರಿಟೆನ್​ಷನ್​ನಲ್ಲಿ ಉಳಿಸಿಕೊಳ್ಳಬೇಕಾದ ಮೊದಲ ಆಟಗಾರನ ಸ್ಥಾನದಲ್ಲಿ ಜಸ್ಪ್ರಿತ್​ ಹೆಸರನ್ನು ಇರಿಸಿಕೊಂಡಿದೆ. ಈ ಮಧ್ಯೆ ಮಾಜಿ ಆಟಗಾರ ಹರ್ಭಜನ್​ ಸಿಂಗ್​, ಆಕ್ಷನ್​ನಲ್ಲಿ ಬುಮ್ರಾಗೆ ಬಿಡ್​ ಆಗುವ ಹಣ ಎಷ್ಟು ಕೋಟಿ ರೂ. ಎಂಬುದನ್ನು ಇದೀಗ ಊಹಿಸಿ, ಹೇಳಿದ್ದಾರೆ.

ಇದನ್ನೂ ಓದಿ: Viral News| ಈ ಕುಟುಂಬದ ವಾರ್ಷಿಕ ಆದಾಯ 2 ರೂಪಾಯಿ; ಆದರೆ…

ಮುಂಬರುವ ಐಪಿಎಲ್​ ಹರಾಜು ಪ್ರಕ್ರಿಯೆಯಲ್ಲಿ ಸಾಕಷ್ಟು ಬದಲಾವಣೆಗಳು ಕಂಡುಬರಲಿದ್ದು, ಈ ಬಾರಿ ಆಯಾ ಫ್ರಾಂಚೈಸಿಗಳು ಹಾಕಿಕೊಂಡಿರುವ ಲೆಕ್ಕಾಚಾರಗಳು ತಲೆಕೆಳಗಾಗಲಿದೆಯೋ ಅಥವಾ ಅಂದುಕೊಂಡಂತೆ ಈಡೇರಲಿದೆಯೋ ಎಂಬುದನ್ನು ಸದ್ಯ ಕುತೂಹಲದಿಂದ ಕಾದು ನೋಡಬೇಕಿದೆ. ಆಕ್ಷನ್​ಗೆ ದಿನಗಣನೆ ಶುರುವಾದ ಬೆನ್ನಲ್ಲೇ ಮುಂಬೈ ಇಂಡಿಯನ್ಸ್ ತಂಡದಿಂದ ಕೈಬಿಡಲು ಫ್ರಾಂಚೈಸಿ ಎದುರುನೋಡುತ್ತಿದೆ. ಇದೇ ಸಮಯದಲ್ಲಿ ರೋಹಿತ್​ ಕೂಡ ಎಂಐ ತಂಡದಲ್ಲಿ ಉಳಿದುಕೊಳ್ಳುವ ಆಸಕ್ತಿ ಹೊಂದಿಲ್ಲ ಎಂಬುದು ಕೆಲ ವರದಿಗಳ ಮೂಲಕ ಸ್ಪಷ್ಟವಾಗಿದೆ. ಒಂದೆಡೆ ಹಿಟ್​ಮ್ಯಾನ್​ ಆರ್​ಸಿಬಿ ಪಾಲಾಗುತ್ತಾರೆ ಎಂದು ಒಂದಷ್ಟು ವರದಿಗಳು ಸೂಚಿಸಿದರೆ, ಇನ್ನೂ ಕೆಲವು ಶರ್ಮ ಲಖನೌ ಸೂಪರ್ ಜೈಂಟ್ಸ್​ ಸೇರಲಿದ್ದಾರೆ ಎಂದು ತಿಳಿಸಿವೆ. ಇದೆಲ್ಲದರ ಮಧ್ಯೆ ಟೀಮ್ ಇಂಡಿಯಾದ ಮಾಜಿ ಆಟಗಾರ ಹರ್ಭಜನ್​ ಸಿಂಗ್​ ಮಾತನಾಡಿ, ಈ ಬಾರಿಯ ಐಪಿಎಲ್​ ಹರಾಜಿನಲ್ಲಿ ಮ್ಯಾಚ್​-ವಿನ್ನರ್​ ಆಗಿ ಗುರುತಿಸಿಕೊಂಡಿರುವ ಬುಮ್ರಾಗೆ ಬಹಳ ದೊಡ್ಡ ಮಟ್ಟದ ಬಿಡ್​ ನಡೆಯಲಿದೆ ಎಂದು ಹೇಳಿದ್ದಾರೆ.

ಹುಬ್ಬೇರಿಸಲಿದೆ 'ಬಜ್ಜಿ' ಊಹೆ

ಒಂದು ವೇಳೆ ಜಸ್ಪ್ರಿತ್ ಬುಮ್ರಾರನ್ನು ಹರಾಜಿನಲ್ಲಿ ಕೂಗಿದರೆ, ಐಪಿಎಲ್ ಇತಿಹಾಸದಲ್ಲಿ ನಾವೇ ಅತಿ ಹೆಚ್ಚು ಸಂಭಾವನೆ ಪಡೆಯುವ ಐಪಿಎಲ್ ಆಟಗಾರರಾಗಿ ಹೊರಹೊಮ್ಮುತ್ತೇವೆ ಅಲ್ಲವೇ? ಇದಕ್ಕೆ ನೀವೇನು ಹೇಳ್ತೀರಾ? ಎಂದು ಟ್ವೀಟ್​ನಲ್ಲಿ ಬರೆದುಕೊಂಡಿರುವ ಹರ್ಭಜನ್ ಸಿಂಗ್, “ಈ ಸಂಭಾಷಣೆಯನ್ನು ನಾನೇ ಮುಂದುವರಿಸಲು ಇಚ್ಛಿಸಿ ಹೇಳುವುದಾದರೆ, ಮುಂಬೈ ಇಂಡಿಯನ್ಸ್​ ಸ್ಟಾರ್​ ವೇಗಿ ಜಸ್ಪ್ರಿತ್​ ಬುಮ್ರಾ ವರ್ಷಕ್ಕೆ 30ರಿಂದ35 ಕೋಟಿ ರೂ.ಗಿಂತ ಹೆಚ್ಚು ಹಣವನ್ನು ಸುಲಭವಾಗಿ ಪಡೆಯುತ್ತಾರೆ. ಐಪಿಎಲ್​ನ ಎಲ್ಲಾ 10 ತಂಡಗಳು ಅವರಿಗಾಗಿ ಹರಾಜು ಪ್ರಕ್ರಿಯೆಯಲ್ಲಿ ದೊಡ್ಡ ಸೆಣಸಾಟವನ್ನೇ ನಡೆಸುವುದು ಖಚಿತ" ಎಂದು ಅಭಿಪ್ರಾಯಿಸಿದ್ದಾರೆ. ಸದ್ಯ 'ಬಜ್ಜಿ' ಮಾಡಿರುವ ಈ ಟ್ವೀಟ್ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ,(ಏಜೆನ್ಸೀಸ್).

https://www.vijayavani.net/nita-ambani-hairstylist-tips

https://www.vijayavani.net/ips-manoj-kumar-sharma-the-inspirer