ಈ ಬಾರಿಯ ಟಿ20 ವಿಶ್ವಕಪ್​ನಲ್ಲಿ ಇವರದ್ದೇ ಅತ್ಯಂತ ದುರದೃಷ್ಟಕರ ತಂಡ! ಮಾಜಿ ಕ್ರಿಕೆಟಿಗನ ಹೇಳಿಕೆ ಒಪ್ಪಿದ ಫ್ಯಾನ್ಸ್​

ನ್ಯೂಯಾರ್ಕ್​: ಪ್ರಸಕ್ತ ಟಿ20 ವಿಶ್ವಕಪ್​ ಟೂರ್ನಿ ಅಮೆರಿಕಾದಲ್ಲಿ ನಡೆಯುತ್ತಿದ್ದು, ಗ್ರೂಪ್ ಸ್ಟೇಜ್​ನ ಪ್ರತಿ ಪಂದ್ಯಗಳು ಉತ್ತಮವಾಗಿ ಸಾಗುತ್ತಿವೆ. ಈ ಪೈಕಿ ಆಯಾ ವಿಭಾಗದಲ್ಲಿ ಭಾರತ, ಯುಎಸ್​ಎ, ಆಸ್ಟ್ರೇಲಿಯಾ, ಇಂಗ್ಲೆಂಡ್​, ಆಫ್ಗಾನಿಸ್ತಾನ, ವೆಸ್ಟ್​ ಇಂಡೀಸ್​, ದಕ್ಷಿಣ ಆಫ್ರಿಕಾ ಮತ್ತು ಬಾಂಗ್ಲಾದೇಶ ತಂಡಗಳು ಸದ್ಯ ಸ್ಪರ್ಧೆಯಲ್ಲಿ ಸಖತ್ ಪೈಪೋಟಿಯಲ್ಲಿವೆ. ಇದೆಲ್ಲದರ ನಡುವೆ ಮಾಜಿ ಕ್ರಿಕೆಟಿಗರೊಬ್ಬರು ನೀಡಿದ ಹೇಳಿಕೆ ಮಾತ್ರ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ಅಪ್ಪ ನಿಮ್ಮನ್ನು ಮಿಸ್ ಮಾಡಿಕೊಳ್ತಿದ್ದೀನಿ, ನೀವೇ ನನ್ನ ಹೀರೊʼಎಂದು ಫಾದರ್ಸ್‌ ಡೇಗೆ ವಿಶ್​​ ಮಾಡಿದ ದರ್ಶನ್‌ ಪುತ್ರ ವಿನೀಶ್​​

ಟಿ20 ಪಂದ್ಯಾವಳಿಗಳನ್ನು ಬಹಳ ಸೂಕ್ಷ್ಮವಾಗಿ ಗಮನಿಸುತ್ತಿರುವ ಆಸ್ಟ್ರೇಲಿಯಾದ ಮಾಜಿ ಆಟಗಾರ ಬ್ರಾಡ್​ ಹಾಗ್, "ನನ್ನ ಪ್ರಕಾರ ಯುಎಸ್​ಎ ಅದೃಷ್ಟ ತಂಡ ಎಂಬುದನ್ನು ನಾನು ಒಪ್ಪುವುದಿಲ್ಲ. ನೀವು ಹೇಳಿದಂತೆ ಕಳೆದ ಪಂದ್ಯದಲ್ಲಿ ಯುಎಸ್​ಎ ಪಾಕಿಸ್ತಾನವನ್ನು ಮಣಿಸಿತು ಎಂಬ ಕಾರಣಕ್ಕೆ, ಅವರನ್ನು ಲಕ್ಕಿ ಎಂದು ನಿರ್ಧರಿಸುವುದು ಸೂಕ್ತವಲ್ಲ. ಪಾಕ್​ ಒಂದು ಟೆಸ್ಟ್​ ಆಡುವ ದೇಶ. ಸೂಪರ್ 8ನಲ್ಲಿ ಆಡುವ ಅರ್ಹತೆ ಅವರಿಗಿಲ್ಲ" ಎಂದು ಹೇಳಿದರು.

"ಈ ಬಾರಿಯ ವಿಶ್ವಕಪ್​ನಲ್ಲಿ ಸ್ಕಾಟ್ಲೆಂಡ್ ಅತ್ಯಂತ ದುರದೃಷ್ಟಕರ ತಂಡವಾಗಿದೆ. ಅವರು ಆಸ್ಟ್ರೇಲಿಯಾ ವಿರುದ್ಧ ಉತ್ತಮ ಪ್ರದರ್ಶನ ನೀಡುವ ಮೂಲಕ ಪಂದ್ಯವನ್ನು ಬಹಳ ಸಮೀಪಕ್ಕೆ ತೆಗೆದುಕೊಂಡು ಹೋದರು. ಬಾರ್ಬಡೋಸ್‌ನಲ್ಲಿ ನಡೆದ ಪಂದ್ಯಾವಳಿಯಲ್ಲಿ ಸ್ಕಾಟ್ಲೆಂಡ್ ಮೊದಲು ಇಂಗ್ಲೆಂಡ್ ವಿರುದ್ಧ ಆಡಿತ್ತು. 10 ಓವರ್‌ಗಳ ನಂತರ 90/0 ಆಗಿತ್ತು. ಬೌನ್ಸ್ ಇದ್ದ ಆ ವಿಕೆಟ್‌ನಲ್ಲಿ ಇಂಗ್ಲೆಂಡ್ ಸೋಲಿಸಲು ಅವರಿಗೆ ದೊಡ್ಡ ಅವಕಾಶವಿತ್ತು. ಆದ್ರೆ, ಅಂದುಕೊಂಡಂತೆ ಅದು ನಡೆಯಲಿಲ್ಲ. ಅಂದು ಅವರು ಆಡಿದಿದ್ದರೆ, ಖಂಡಿತ ಎರಡನೇ ಸುತ್ತಿಗೆ ಪ್ರವೇಶ ಪಡೆಯುತ್ತಿದ್ದರು" ಎಂದಿದ್ದಾರೆ.

ಇದನ್ನೂ ಓದಿ: ಶ್ರೀಗಂಧ ವಸ್ತುಸಂಗ್ರಹಾಲಯ ಮೃಗಾಲಯಕ್ಕೆ ಸ್ಥಳಾಂತರ

"ಸ್ಕಾಟ್ಲೆಂಡ್ ಐದು ಅಂಕಗಳೊಂದಿಗೆ ತನ್ನ ಅಭಿಯಾನವನ್ನು ಪೂರ್ಣಗೊಳಿಸಿದೆ. ಆದರೆ ಜೋಸ್ ಬಟ್ಲರ್ ನೇತೃತ್ವದ ತಂಡವು ಉತ್ತಮ ರನ್ ರೇಟ್ ಹೊಂದಿರುವ ಕಾರಣ ಮುಂದಿನ ಹಂತವನ್ನು ತಲುಪಿದೆ" ಎಂದು ಹಾಗ್ ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/what-are-the-next-challenges-for-darshan