ಪ್ಯಾರಿಸ್: ಭಾರತದ ಎರಡೂ ಕೈಗಳಿಲ್ಲದ ಬಿಲ್ಗಾರ್ತಿ ಶೀತಲ್ ದೇವಿ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ನ ಆರ್ಚರಿ ಸ್ಪರ್ಧೆಯ ಮಹಿಳೆಯರ ವೈಯಕ್ತಿಕ ಕಂಪೌಂಡ್ ವಿಭಾಗದ ರ್ಯಾಂಕಿಂಗ್ ಸುತ್ತಿನಲ್ಲಿ 2ನೇ ಸ್ಥಾನ ಸಂಪಾದಿಸಿದ್ದು, ನೇರವಾಗಿ 16ರ ಟ್ಟಕ್ಕೆ ಪ್ರವೇಶ ಪಡೆದಿದ್ದಾರೆ. ಜಮ್ಮು-ಕಾಶ್ಮೀರದ 17 ವರ್ಷದ ಶೀತಲ್ 720ರಲ್ಲಿ 703 ಅಂಕ ಕಲೆಹಾಕಿದರೆ, ಟರ್ಕಿಯ ಒಜ್ನುರ್ ರ್ಗಿಡಿ ವಿಶ್ವದಾಖಲೆಯ 704 ಅಂಕ ಗಳಿಸಿ ಅಗ್ರಸ್ಥಾನ ಪಡೆದರು. ಕಾಲಿನಲ್ಲೇ ಬಿಲ್ಲು-ಬಾಣ ಹಿಡಿದು ಗುರಿಯಿಡುವ ಶೀತಲ್ ಕೂಡ ಹಿಂದಿನ ವಿಶ್ವದಾಖಲೆಯಾದ 698ಕ್ಕಿಂತ ಹೆಚ್ಚಿನ ಅಂಕ ಗಳಿಸಿದರು. ಪುರುಷರ ವಿಭಾಗದಲ್ಲಿ ರಾಕೇಶ್ (696) 5ನೇ ಸ್ಥಾನ ಪಡೆದರು. ಇದರಿಂದ ಶೀತಲ್ ದೇವಿ-ರಾಕೇಶ್ ಜೋಡಿ (1,344) ಮಿಶ್ರ ತಂಡ ವಿಭಾಗದ ಸ್ಪರ್ಧೆಗೆ ಅಗ್ರ ಶ್ರೇಯಾಂಕ ಪಡೆದುಕೊಂಡಿದೆ.
