ಹಂಗಾಮಿ ಕೋಚ್ ನೌಶಾದ್ ಮೂಸಾ ಮಾರ್ಗದರ್ಶನದಲ್ಲಿ ಗೆಲುವಿನ ಹಳಿಗೇರಲು ವಿಫಲವಾದ ಬಿಎಫ್ ಸಿ, ಅಸ್ಥಿರ ನಿರ್ವಹಣೆ ಮೂಲಕ ಮತ್ತೊಮ್ಮೆ ನಿರಾಸೆ ಅನುಭವಿಸಿತು. ಪಂದ್ಯದ 20ನೇ ನಿಮಿಷದಲ್ಲೇ ಎದುರಾಳಿ ತಂಡಕ್ಕೆ ಗೋಲು ಬಿಟ್ಟುಕೊಟ್ಟ ಬಿಎಫ್ ಸಿ, ದ್ವಿತೀಯಾರ್ಧದಲ್ಲಿ ಕನಿಷ್ಠ ಸಮಬಲ ಸಾಧಿಸಲು ವಿಫಲವಾಯಿತು. ಲೀಗ್‌ನಲ್ಲಿ ಇದುವರೆಗೆ ಆಡಿರುವ 10 ಪಂದ್ಯಗಳಲ್ಲಿ ತಲಾ 3 ಗೆಲುವು, ಡ್ರಾ ಸಾಧಿಸಿತ್ತು. ಆರಂಭಿಕ 6 ಪಂದ್ಯಗಳಲ್ಲಿ ಅಜೇಯ ಸಾಧನೆ ಮಾಡಿದ್ದ ಸುನೀಲ್ ಛೇಟ್ರಿ ಪಡೆ ಕಡೇ ನಾಲ್ಕು ಪಂದ್ಯಗಳಲ್ಲಿ ನಿರಾಸೆ ಅನುಭವಿಸಿತು. 12 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 6ನೇ ಸ್ಥಾನದಲ್ಲೇ ಉಳಿದ ಬಿಎಫ್ ಸಿ ತಂಡ ಮುಂದಿನ ಹಾದಿ ತೂಗುಯ್ಯಲೆಯಲ್ಲಿದೆ.
