ಗೌತಮ್ ಗಂಭೀರ್ ಮೊರೆ ಹೋದ ಬಿಸಿಸಿಐ! ರಾಹುಲ್ ದ್ರಾವಿಡ್​ ಜಾಗಕ್ಕೆ ಗೌತಿ ಫಿಕ್ಸ್​?

ನವದೆಹಲಿ: ಟೀಂ ಇಂಡಿಯಾದ ಮಾಜಿ ಆಟಗಾರ, ಪ್ರಸ್ತುತ ಐಪಿಎಲ್​ನ ಕೊಲ್ಕತ್ತಾ ನೈಟ್​ ರೈಡರ್ಸ್​ ಮೆಂಟರ್ ಆಗಿರುವ ಗೌತಮ್ ಗಂಭೀರ್​​ ಇದೀಗ ಕ್ರಿಕೆಟ್ ಲೋಕದಲ್ಲಿ ಹಾಗೂ ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚು ಸಕ್ರಿಯರಾಗಿದ್ದಾರೆ. ಸದಾ ಒಂದಲ್ಲ ಒಂದು ವಿಚಾರಗಳಿಂದ ಎಲ್ಲರ ಕೆಂಗಣ್ಣಿಗೆ ಗುರಿಯಾಗುವ ಗಂಭೀರ್​ ಅವರಿಗೆ ಮತ್ತೊಮ್ಮೆ ಸುದ್ದಿಗೆ ಬಂದಿದ್ದು, ಈ ಬಾರಿ ಪಾಸಿಟಿವ್ ಚರ್ಚೆಗೆ ಗ್ರಾಸವಾಗಿದ್ದಾರೆ.

ಇದನ್ನೂ ಓದಿ: ಮೇ 19ರಿಂದ 21ವರೆಗೆ ಹೇರ್ ಕಲರಿಂಗ್ ಅಭಿಯಾನ

ಕಳೆದ ಹಲವು ದಿನಗಳಿಂದ ಭಾರೀ ಚರ್ಚೆಯಾಗುತ್ತಿರುವ ಟೀಂ ಇಂಡಿಯಾದ ಹೆಡ್​ ಕೋಚ್​ ಸ್ಥಾನ, ಇದೀಗ ಮತ್ತೊಂದು ತಿರುವು ಪಡೆದುಕೊಂಡಿದ್ದು, ರಾಹುಲ್ ದ್ರಾವಿಡ್​ ಜಾಗವನ್ನು ಗೌತಮ್ ಗಂಭೀರ್ ತುಂಬಲು ಸಾಧ್ಯವಿದೆಯಾ ಎಂಬ ಮಾತು ಕೇಳಿಬಂದ ಬೆನ್ನಲ್ಲೇ ಇದೀಗ ಬಿಸಿಸಿಐ ಗೌತಿ ಮೊರೆ ಹೋಗಿದ್ದು, ಹೆಡ್​ ಕೋಚ್ ಆಗುವಂತೆ ಮಾತುಕತೆ ನಡೆಸಿದೆ ಎನ್ನಲಾಗಿದೆ.

ವರದಿಗಳ ಪ್ರಕಾರ, ಗಂಬೀರ್ ಅವರ ಆಸಕ್ತಿಯ ಬಗ್ಗೆ ತಿಳಿಯಲು ಭಾರತೀಯ ಕ್ರಿಕೆಟ್‌ ಮಂಡಳಿಯ ತಂಡ ನೇರವಾಗಿ ಗೌತಮ್ ಅವರನ್ನು ಸಂಪರ್ಕಿಸಿದ್ದು, ಟೀಮ್ ಇಂಡಿಯಾದ ಹೆಡ್​ ಕೋಚ್ ಹುದ್ದೆಗೆ ಅರ್ಜಿಯನ್ನು ಮೇ. 27, ಐಪಿಎಲ್ ಫೈನಲ್‌ಗೂ ಒಂದು ದಿನ ಮುಂಚಿತವಾಗಿಯೇ ಸಲ್ಲಿಸಬೇಕಿದೆ ಎಂದು ತಿಳಿಸಿದೆ. ಸದ್ಯ ಈ ಸುದ್ದಿ ಕೆಲವರಿಗೆ ಬಹಳ ಶಾಕಿಂಗ್ ಆಗಿದ್ದು, ರಾಹುಲ್ ದ್ರಾವಿಡ್​ ಅವರನ್ನು ಕೈಬಿಡಲಾಗುತ್ತದೆಯೇ ಎಂಬ ಪ್ರಶ್ನೆ ಭುಗಿಲೆದ್ದಿದೆ,(ಏಜೆನ್ಸೀಸ್).

https://www.vijayavani.net/naman-dhir-talks-about-lack-of-support-in-mumbai

https://www.vijayavani.net/this-will-be-your-last-match-in-this-season