ಸೌಥಾಂಪ್ಟನ್: ಪಾಕಿಸ್ತಾನ ನಿಗದಿತ ಓವರ್ಗಳ ತಂಡದ ನಾಯಕ ಬಾಬರ್ ಅಜಮ್, ರಾಷ್ಟ್ರೀಯ ತಂಡದೊಂದಿಗೆ ವಾಪಸಾಗದೆ ಕೌಂಟಿ ಕ್ರಿಕೆಟ್ನಲ್ಲಿ ಆಡುವ ಸಲುವಾಗಿ ಇಂಗ್ಲೆಂಡ್ನಲ್ಲಿಯೇ ಉಳಿದುಕೊಂಡರು. ಇಂಗ್ಲೆಂಡ್ ವಿರುದ್ಧದ ಟಿ20 ಸರಣಿಯಲ್ಲಿ ಸಾಧಾರಣ ನಿರ್ವಹಣೆ ತೋರಿದ್ದ ಬಾಬರ್ ಅಜಮ್, ಇದೀಗ ಕೌಂಟಿ ಕ್ರಿಕೆಟ್ನಲ್ಲಿ ಸಂಪೂರ್ಣ ವೈಫಲ್ಯ ಅನುಭವಿಸುತ್ತಿದ್ದಾರೆ. ಇದಕ್ಕೆ ಎದುರಾಳಿ ತಂಡ ಟ್ರೋಲ್ ಮಾಡುವ ಮೂಲಕ ಪಾಕ್ ಕ್ರಿಕೆಟಿಗನ ಕಾಲೆಳೆದಿದೆ. ವಿಟಲಿಟಿ ಬ್ಲಾಸ್ಟ್ ಟಿ20 ಲೀಗ್ನಲ್ಲಿ ಸೋಮರ್ಸೆಟ್ ತಂಡದ ಪರ ಆಡುತ್ತಿರುವ ಬಾಬರ್, ಸತತ ಮೂರನೇ ಪಂದ್ಯದಲ್ಲಿ ವಿಫಲರಾದರು. ರ್ಯಾಂಕಿಂಗ್ ಪಿಚ್ನಲ್ಲಿ ಲೆಕ್ಕಕ್ಕೆ ಬರುವುದಿಲ್ಲ ಎಂದು ಎದುರಾಳಿ ತಂಡ ಗ್ಲೌಚೆಸ್ಟರ್ಷೈರ್ ವಿಡಿಯೋ ಸಮೇತ ಟ್ವೀಟ್ ಮಾಡುವ ಮೂಲಕ ಕಾಲೆಳೆದಿದೆ.
