ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20 ಸರಣಿಯಲ್ಲಿ ಕ್ಲೀನ್​ಸ್ವೀಪ್​ ಸಾಧಿಸಿದ ಆಸ್ಟ್ರೆಲಿಯಾ

ಡರ್ಬನ್​: ಆರಂಭಿಕ ಟ್ರಾವಿಸ್​ ಹೆಡ್​ (91 ರನ್​, 48 ಎಸೆತ, 8 ಬೌಂಡರಿ, 6 ಸಿಕ್ಸರ್​) ಭರ್ಜರಿ ಬ್ಯಾಟಿಂಗ್​ ನೆರವಿನಿಂದ ಆಸ್ಟ್ರೆಲಿಯಾ ತಂಡ ಆತಿಥೇಯ ದಕ್ಷಿಣ ಆಫ್ರಿಕಾ ವಿರುದ್ಧದ 3ನೇ ಹಾಗೂ ಅಂತಿಮ ಟಿ20 ಪಂದ್ಯದಲ್ಲಿ 5 ವಿಕೆಟ್​ಗಳಿಂದ ಗೆಲುವು ದಾಖಲಿಸಿದೆ. ಈ ಮೂಲಕ ಮಿಚೆಲ್​ ಮಾರ್ಷ್​ ಸಾರಥ್ಯದಲ್ಲಿ ಆಡಿದ ಮೊದಲ ಚುಟುಕು ಕ್ರಿಕೆಟ್​ ಸರಣಿಯಲ್ಲೇ ಆಸೀಸ್​ 3-0 ಕ್ಲೀನ್​ಸ್ವೀಪ್​ ಸಂಭ್ರಮ ಕಂಡಿದೆ.

ಕಿಂಗ್ಸ್​ಮೀಡ್​ ಮೈದಾನದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ಗೆ ಇಳಿದ ದಕ್ಷಿಣ ಆಫ್ರಿಕಾ 8 ವಿಕೆಟ್​ಗೆ 190 ರನ್​ ಪೇರಿಸಿತು. ಪ್ರತಿಯಾಗಿ ಆಸೀಸ್​ 17.5 ಓವರ್​ಗಳಲ್ಲಿ 5 ವಿಕೆಟ್​ಗೆ 191 ರನ್​ ಪೇರಿಸಿ ಜಯ ಸಾಧಿಸಿತು. ಇನ್ನು ಗುರುವಾರದಿಂದ ಉಭಯ ತಂಡಗಳ ನಡುವೆ 5 ಪಂದ್ಯಗಳ ಏಕದಿನ ಸರಣಿ ನಡೆಯಲಿದ್ದು, ಮುಂಬರುವ ವಿಶ್ವಕಪ್​ ಸಿದ್ಧತೆಗೆ ಮಹತ್ವದ ವೇದಿಕೆ ಎನಿಸಿದೆ.

ದಕ್ಷಿಣ ಆಫ್ರಿಕಾ: 8 ವಿಕೆಟ್​ಗೆ 190 (ರೀಜಾ ಹೆಂಡ್ರಿಕ್ಸ್​ 42, ಮಾರ್ಕ್ರಮ್​ 41, ಡೋನಾವನ್​ 48, ಅಬೋಟ್​ 31ಕ್ಕೆ 4, ಸ್ಟೋಯಿನಿಸ್​ 39ಕ್ಕೆ 2), ಆಸ್ಟ್ರೆಲಿಯಾ: 17.5 ಓವರ್​ಗಳಲ್ಲಿ 5 ವಿಕೆಟ್​ಗೆ 191 (ಟ್ರಾವಿಸ್​ ಹೆ 91, ಮಾರ್ಷ್​ 15, ಇಂಗ್ಲಿಸ್​ 42, ಸ್ಟೋಯಿನಿಸ್​ 37*, ಪಾರ್ಚೂನ್​ 36ಕ್ಕೆ 2, ಕೋಯೆಟ್ಜೀ 36ಕ್ಕೆ 2). ಪಂದ್ಯಶ್ರೇಷ್ಠ: ಟ್ರಾವಿಸ್​ ಹೆಡ್​, ಸರಣಿಶ್ರೇಷ್ಠ: ಮಿಚೆಲ್​ ಮಾರ್ಷ್​.

https://www.vijayavani.net/asia-cup-matches-likely-to-be-shifted-out-of-colombo-after-heavy-rains