ಆಟ ಪ್ರಾರಂಭವಾಗುವ ಮೊದಲು ನಾನು ಕೇಳಿದೆ ಆದರೆ ನೀವು...; ಆಟಗಾರರನ್ನುದ್ದೇಶಿಸಿ ನೂತನ ಕೋಚ್ ಗೌತಿ​ ಭಾಷಣ ವೈರಲ್

ಪಲ್ಲೆಕಲೆ: ಶ್ರೀಲಂಕಾ ವಿರುದ್ಧ ಜುಲೈ 27ರಂದು ಆರಂಭಗೊಂಡ ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ ಪ್ರವಾಸಿ ಭಾರತ ತಂಡವು ಕ್ಲೀನ್​ ಸ್ವೀಪ್​ ಸಾಧಿಸಿದ್ದು, ನೂತನ ಕೋಚ್​ ಗೌತಮ್​ ಗಂಭೀರ್​ಗೆ ಗೆಲುವಿನ ಉಡುಗೊರೆ ನೀಡುವ ಮೂಲಕ ಆಟಗಾರರು ಭರ್ಜರಿಯಾಗಿ ಸ್ವಾಗತಿಸಿದ್ದಾರೆ.

ನೂತನ ನಾಯಕ ಸೂರ್ಯಕುಮಾರ್​ ಯಾದವ್​ ಸಾರಥ್ಯದಲ್ಲಿ ಆಲ್ರೌಂಡ್​ ಪ್ರದರ್ಶನದ ಮೂಲಕ ಆತಿಥೇಯರ ಮೇಲೆ ಕಡಿವಾಣ ಹೇರಿದ ಪ್ರವಾಸಿ ಭಾರತ ತಂಡದ ಆಟಗಾರರು ಎದುರಾಳಿಗಳ ವಿರುದ್ಧ ಕ್ಲೀನ್​ಸ್ವೀಪ್​​ ಸಾಧಿಸಿದ್ದಾರೆ. ಇತ್ತ ತಂಡದ ಪ್ರದರ್ಶನವನ್ನು ಹಾಡಿಹೊಗಳಿರುವ ನೂತನ ಕೋಚ್​ ಗೌತಮ್​ ಗಂಭೀರ್​ ಈ ಬಗ್ಗೆ ಮಾತನಾಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ಇದನ್ನೂ ಓದಿ: ವಯನಾಡು ಭೂಕುಸಿತ; ಸಾವಿನ ಸಂಖ್ಯೆ 176ಕ್ಕೆ ಏರಿಕೆ, ರಕ್ಷಣಾ ಕಾರ್ಯಾಚರಣೆ ಮುಂದುವರಿಕೆ

ಸರಣಿ ಗೆಲುವಿಗಾಗಿ ನಾನು ನಿಮ್ಮನ್ನು ಅಭಿನಂದಿಸುತ್ತೇನೆ. ಬ್ಯಾಟಿಂಗ್​ ಹಾಗೂ ಅತ್ಯುತಮ ನಾಯಕತ್ವಕ್ಕೆ ನಾನು ಸೂರ್ಯ ಅವರನ್ನು ವಿಶೇಷವಾಗಿ ಅಭಿನಂದಿಸುತ್ತೇನೆ. ನಾನು ಪಂದ್ಯ ಶುರುವಾಗುವುದಕ್ಕು ಮುನ್ನ ಆಟಗಾರರ ಬಳಿ ಒಂದನ್ನು ಕೇಳಿದ್ದೆ. ಆದರೆ, ಅವರು ಸಂಪೂರ್ಣವಾಗಿ ನಾನು ಕೇಳಿದ್ದನ್ನು ನೀಡಿದ್ದಾರೆ. ನಾವು ಆಟವಾಡುವಾಗ ಪ್ರತಿಬಾರಿಯು ಈ ರೀತಿಯಾಗುತ್ತದೆ. ಆದರೆ, ನಾವು ಯಾವುದೇ ಕಾರಣಕ್ಕೂ ಬಿಟ್ಟುಕೊಡಬಾರದೆಂಬುದನ್ನು ನೀವು ತೋರಿಸಿದ್ದೀರಿ.

ನಾವು ಒಂದು ರನ್​ ಗಳಿಸಲು ಪರದಾಡುತ್ತಿರುವಾಗ ಸನ್ನಿವೇಶ ಹಾಗೂ ಪರಿಸ್ಥಿತಿಗಳನ್ನು ತ್ವರಿತವಾಗಿ ನಿರ್ಣಯಿಸಬೇಕಾಗಿದೆ. ಬಾಂಗ್ಲಾದೇಶ ವಿರುದ್ಧದ ಸರಣಿಗೆ ನಿಮ್ಮ ಕೌಶಲ್ಯ ಮತ್ತು ಫಿಟ್ನೆಸ್​ಅನ್ನು ಚೆನ್ನಾಗಿ ಇಟ್ಟುಕೊಳ್ಳಿ. ಸರಣಿಗೆ ಯಾರು ಆಯ್ಕೆಯಾಗುತ್ತಾರೆ ಎಂಬುದು ನನಗೆ ಗೊತ್ತಿಲ್ಲಾ. ಆದರೆ ಎಲ್ಲರೂ ಫಿಟ್​ ಆಗಿರುವುದು ಸೂಕ್ತ ಎಂದು ಶ್ರೀಲಂಕಾ ವಿರುದ್ಧದ ಸರಣಿ ಗೆಲುವಿನ ಬಳಿಕ ನೂತನ್​ ಕೋಚ್​ ಗೌತಮ್​ ಗಂಭೀರ್​ ಆಟಗಾರರನ್ನು ಉದ್ಧೇಶಿಸಿ ಹೇಳಿದ್ದಾರೆ.

https://www.vijayavani.net/car-hits-divider-as-drunk-youths-perform-threesome-with-woman-inside-speeding-vehicle-in-presence-of-4-kids

https://www.vijayavani.net/11-times-costlier-than-mukesh-ambani-nita-ambanis-rs-15000-crore-antilia