ಸಾಮಾನ್ಯವಾಗಿ ಕ್ರಿಕೆಟ್ ಜಗತ್ತಿನಲ್ಲಿ ಕಾಣಿಸಿಕೊಳ್ಳುವ ಹೆಸರುಗಳ ಬದಲಿಗೆ, ಅನೇಕರು ಹಿಂದೆಂದೂ ನೋಡದ ಅಧಿಕೃತ ಹೆಸರುಗಳು ಸ್ಕ್ರೀನ್ ಮೇಲೆ ಮೂಡಿಬಂದವು. ಭಾರತದ ಬ್ಯಾಟಿಂಗ್ ವೇಳೆ ಸಂಜು ಸ್ಯಾಮ್ಸನ್ ಕ್ರೀಸ್‌ಗೆ ಬಂದಾಗ, ಸ್ಕೋರ್‌ಕಾರ್ಡ್‌ನಲ್ಲಿ 'ಎಸ್. ವಿಶ್ವನಾಥ್' ಎಂಬ ಹೆಸರು ಪ್ರದರ್ಶನಗೊಂಡಿತು. ಇದು ಯಾರ ಹೆಸರು ಎಂಬ ಗೊಂದಲ ಅಭಿಮಾನಿಗಳಲ್ಲಿ ಉಂಟಾಯಿತಾದರೂ, ಇದು ಸಂಜು ಸ್ಯಾಮ್ಸನ್ ಅವರ ಪೂರ್ಣ ಅಧಿಕೃತ ಹೆಸರಿಗೆ (ಸಂಜು ವಿಶ್ವನಾಥ್ ಸ್ಯಾಮ್ಸನ್) ಸಂಬಂಧಿಸಿದೆ ಎಂಬುದು ಬಳಿಕ ಸ್ಪಷ್ಟವಾಯಿತು. ಏಷ್ಯನ್ ಗೇಮ್ಸ್‌ನಲ್ಲಿ ಆಟಗಾರರ ಅಧಿಕೃತ ನೋಂದಣಿ ವಿವರಗಳ ಆಧಾರದ ಮೇಲೆ ಈ ಹೆಸರುಗಳನ್ನು ಪ್ರದರ್ಶಿಸಲಾಗಿದೆ.
ಇದು ಕೇವಲ ಸಂಜು ಸ್ಯಾಮ್ಸನ್ ಅವರ ಒಂಟಿ ಪ್ರಕರಣವಲ್ಲ, ಬದಲಿಗೆ ಭಾರತ ತಂಡದ ಇತರ ಕೆಲ ಆಟಗಾರರ ಹೆಸರುಗಳೂ ಸಹ ಅಭಿಮಾನಿಗಳನ್ನು ಗೊಂದಲಕ್ಕೀಡುಮಾಡಿದವು. ತಿಲಕ್ ವರ್ಮಾ ಅವರ ಹೆಸರು ಸ್ಕೋರ್‌ಕಾರ್ಡ್‌ನಲ್ಲಿ 'ಟಿ.ಟಿ.ವಿ. ನಂಬೂರಿ' (TTV Namburi) ಎಂದು ಮತ್ತು ವಾಷಿಂಗ್ಟನ್ ಸುಂದರ್ ಅವರ ಹೆಸರು 'ಡಬ್ಲ್ಯೂ.ಎಸ್. ಮಣಿ ಸುಂದರ್' (WS Mani Sundar) ಎಂದು ಕಾಣಿಸಿಕೊಂಡಿತು. ಅಂದಹಾಗೆ, ಇವು ಯಾವುದೇ ತಪ್ಪಿನಿಂದಾಗಿದ್ದಲ್ಲ ಅಥವಾ ಹೊಸ ಹೆಸರುಗಳೂ ಅಲ್ಲ, ಬದಲಿಗೆ ಏಷ್ಯನ್ ಗೇಮ್ಸ್‌ನಂತಹ ಬಹು-ಕ್ರೀಡಾ ಕೂಟಗಳಲ್ಲಿ ಭಾಗವಹಿಸುವ ಆಟಗಾರರ ಅಧಿಕೃತ ದಾಖಲಾತಿ ವಿವರಗಳ ಪ್ರಕಾರವೇ ಹೆಸರುಗಳನ್ನು ದಾಖಲಿಸಲಾಗುತ್ತದೆ.
