ಏಷ್ಯಾ ಕಪ್​ನಲ್ಲಿ ಪಾಕ್​ ವಿರುದ್ಧ ಭಾರತ ಆಡುತ್ತಾ? ಇನ್ನೇನು ಅಗರ್ಕರ್​ ಉತ್ತರ ಹೇಳ್ತಿದ್ರು ಅಷ್ಟರಲ್ಲಿ ಟ್ವಿಸ್ಟ್​ ಕೊಟ್ಟ ಬಿಸಿಸಿಐ! Asia cup 2025

Asia cup 2025 : ಮುಂದಿನ ತಿಂಗಳಿಂದ ಆರಂಭವಾಗಲಿರುವ ಏಷ್ಯಾ ಕಪ್ 2025 ಟೂರ್ನಮೆಂಟ್‌ಗೆ ಟೀಮ್ ಇಂಡಿಯಾ ಸಜ್ಜಾಗುತ್ತಿದೆ. ನಿನ್ನೆಯಷ್ಟೇ (ಆಗಸ್ಟ್​ 19) ಭಾರತ ತಂಡವನ್ನು ಬಿಸಿಸಿಐ ಪ್ರಕಟಿಸಿದೆ. ಸೂರ್ಯಕುಮಾರ್ ಯಾದವ್ ನೇತೃತ್ವದಲ್ಲಿ ಭಾರತ ತಂಡವು ಮೆಗಾ ಟೂರ್ನಮೆಂಟ್‌ನಲ್ಲಿ ತನ್ನ ಎದುರಾಳಿ ತಂಡಗಳನ್ನು ಎದುರಿಸಲಿದೆ.

ಅಂದಹಾಗೆ, ಏಷ್ಯಾ ಕಪ್ ಟೂರ್ನಮೆಂಟ್ ಸೆಪ್ಟೆಂಬರ್ 9 ರಿಂದ 28 ರವರೆಗೆ ಯುಎಇಯಲ್ಲಿ ಟಿ20 ಸ್ವರೂಪದಲ್ಲಿ ನಡೆಯಲಿದೆ. ಈ ಪಂದ್ಯಾವಳಿಯಲ್ಲಿ ಒಟ್ಟು ಎಂಟು ತಂಡಗಳು ಭಾಗವಹಿಸುತ್ತಿವೆ. ಭಾರತ, ಪಾಕಿಸ್ತಾನ, ಯುಎಇ ಮತ್ತು ಓಮನ್ ದೇಶಗಳು ಎ ಗ್ರೂಪ್​ನಲ್ಲಿದ್ದರೆ, ಶ್ರೀಲಂಕಾ, ಬಾಂಗ್ಲಾದೇಶ, ಅಫ್ಘಾನಿಸ್ತಾನ ಮತ್ತು ಹಾಂಗ್ ಕಾಂಗ್ ಬಿ ಗ್ರೂಪ್​ನಲ್ಲಿವೆ.

ಈ ಪಂದ್ಯಾವಳಿಯ ಭಾಗವಾಗಿ, ಎ ಗ್ರೂಪ್​ನಲ್ಲಿರುವ ಭಾರತ ಮತ್ತು ಪಾಕಿಸ್ತಾನ ಈ ತಿಂಗಳ 14 ರಂದು ಪರಸ್ಪರ ಮುಖಾಮುಖಿಯಾಗಲಿವೆ. ಆದಾಗ್ಯೂ, ಈ ಪಂದ್ಯದ ಬಗ್ಗೆ ಇನ್ನೂ ಅನಿಶ್ಚಿತತೆ ಇದೆ. ಏಕೆಂದರೆ, ಎರಡೂ ದೇಶಗಳ ನಡುವಿನ ಪ್ರಸ್ತುತ ಪರಿಸ್ಥಿತಿಯನ್ನು ಗಮನಿಸಿದರೆ, ಭಾರತ-ಪಾಕಿಸ್ತಾನ ಪಂದ್ಯ ನಡೆಯುತ್ತದೆಯೇ ಅಥವಾ ಇಲ್ಲವೇ ಎಂಬುದರ ಕುರಿತು ವ್ಯಾಪಕ ಚರ್ಚೆ ನಡೆಯುತ್ತಿದೆ? ಬಹುತೇಕ ಮಂದಿ ಪಾಕ್​ ವಿರುದ್ಧ ಭಾರತ ಆಡಬಾರದು ಎಂದು ಒತ್ತಾಯಿಸುತ್ತಿದ್ದಾರೆ.

ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ನಂತರ, ಕ್ರೀಡೆಯಲ್ಲಿ ಪಾಕಿಸ್ತಾನದೊಂದಿಗೆ ಯಾವುದೇ ರೀತಿಯ ಸಂಬಂಧವನ್ನು ಭಾರತ ಮುಂದುವರಿಸಬಾರದು ಎಂಬ ಬೇಡಿಕೆಗಳು ಹೆಚ್ಚುತ್ತಿವೆ. ಇತ್ತೀಚೆಗೆ, ಭಾರತೀಯ ಚಾಂಪಿಯನ್ಸ್ ತಂಡವು ವಿಶ್ವ ಚಾಂಪಿಯನ್‌ಶಿಪ್ ಆಫ್ ಲೆಜೆಂಡ್ಸ್‌ನಲ್ಲಿ ಪಾಕಿಸ್ತಾನ ತಂಡದ ವಿರುದ್ಧ ಆಡಲು ಹಿಂಜರಿಯಿತು. ಇದರೊಂದಿಗೆ, ಮಾಜಿ ಆಟಗಾರರನ್ನು ಒಳಗೊಂಡ ಭಾರತ ತಂಡವು ಲೀಗ್ ಮತ್ತು ಸೆಮಿಫೈನಲ್ ಪಂದ್ಯಗಳನ್ನು ಬಹಿಷ್ಕರಿಸಿ, ದೇಶವೇ ಮುಖ್ಯ ಎಂಬ ಸಂದೇಶ ಸಾರಿತು.

ಪ್ರಸ್ತುತ, ಏಷ್ಯಾ ಕಪ್ ಟೂರ್ನಮೆಂಟ್‌ನಲ್ಲಿ ಭಾರತ, ಪಾಕಿಸ್ತಾನ ತಂಡದೊಂದಿಗೆ ಯಾವುದೇ ಪಂದ್ಯವನ್ನು ಆಡಬಾರದು ಎಂಬ ಬೇಡಿಕೆಗಳಿವೆ. ಈ ಸಂದರ್ಭದಲ್ಲಿ, ಮುಂದಿನ ತಿಂಗಳು 14 ರಂದು ನಡೆಯಲಿರುವ ಪಾಕಿಸ್ತಾನ vs ಭಾರತ ಪಂದ್ಯದ ಬಗ್ಗೆ ಇನ್ನೂ ಯಾವುದೇ ಸ್ಪಷ್ಟತೆ ಇಲ್ಲ.

ಮಂಗಳವಾರ ಭಾರತ ತಂಡ ಘೋಷಣೆಯಾದ ನಂತರ, ಟೀಮ್ ಇಂಡಿಯಾ ಮುಖ್ಯ ಆಯ್ಕೆದಾರ ಅಜಿತ್ ಅಗರ್ಕರ್, ನಾಯಕ ಸೂರ್ಯಕುಮಾರ್ ಯಾದವ್, ಬಿಸಿಸಿಐ ಮಾಧ್ಯಮ ವ್ಯವಸ್ಥಾಪಕ ಮತ್ತು ಇತರರು ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದರು. ಈ ಸಂದರ್ಭದಲ್ಲಿ, ವರದಿಗಾರರೊಬ್ಬರು ಅಗರ್ಕರ್ ಅವರನ್ನು "ಸೆಪ್ಟೆಂಬರ್ 14 ರಂದು ನಡೆಯಲಿರುವ ಭಾರತ vs ಪಾಕಿಸ್ತಾನ ಪಂದ್ಯದ ಬಗ್ಗೆ ನಿಮ್ಮ ನಿಲುವೇನು? ಪಂದ್ಯ ನಿಜವಾಗಿಯೂ ನಡೆಯುತ್ತದೆಯೇ?" ಎಂದು ಕೇಳಿದರು. ಈ ವೇಳೇ ಅಗರ್ಕರ್ ಉತ್ತರಿಸಲು ಮುಂದಾದಾಗ, ಬಿಸಿಸಿಐ ಮಾಧ್ಯಮ ವ್ಯವಸ್ಥಾಪಕರು ತಕ್ಷಣವೇ ಪ್ರವೇಶ ಮಾಡಿದರು.

ಇದನ್ನೂ ಓದಿ: 10 ಲಕ್ಷ ಸಾಲಕ್ಕೆ 20 ಲಕ್ಷ ಪಾವತಿಸಿದ್ರು ಇನ್ನು 18 ಲಕ್ಷ ಕೊಡುವಂತೆ ನಿವೃತ್ತ ಪೊಲೀಸ್​ ಒತ್ತಾಯ: ನದಿಗೆ ಹಾರಿ ಮಹಿಳೆ ಸಾವು! Loan Harassment

ಕಾಯಿರಿ... ಒಂದು ನಿಮಿಷ ಕಾಯಿರಿ... ಎನ್ನುತ್ತಾ ಬಿಸಿಸಿಐ ಮಾಧ್ಯಮ ವ್ಯವಸ್ಥಾಪಕ, ಅಗರ್ಕರ್ ಅವರ ಮಾತಿಗೆ ಅಡ್ಡಿಪಡಿಸಿ, ತಂಡದ ಆಯ್ಕೆಯ ಬಗ್ಗೆ ಮಾತ್ರ ಪ್ರಶ್ನೆಗಳನ್ನು ಕೇಳುವಂತೆ ಮಾಧ್ಯಮಗಳಿಗೆ ಸಲಹೆ ನೀಡಿದರು. ಹೀಗಾಗಿ ಪಂದ್ಯದ ಗೊಂದಲ ಹಾಗೇ ಮುಂದುವರಿದಿದ್ದು, ಭಾರತ vs ಪಾಕಿಸ್ತಾನ ಪಂದ್ಯವು ಮತ್ತೊಮ್ಮೆ ಸಾಮಾಜಿಕ ಮಾಧ್ಯಮದಲ್ಲಿ ಬಿಸಿ ವಿಷಯವಾಗಿದೆ.

ಭಾರತ ತಂಡ

ಸೂರ್ಯಕುಮಾರ್ ಯಾದವ್ (ನಾಯಕ), ಶುಭಮಾನ್ ಗಿಲ್ (ಉಪನಾಯಕ), ಅಭಿಷೇಕ್ ಶರ್ಮಾ, ತಿಲಕ್ ವರ್ಮಾ, ಹಾರ್ದಿಕ್ ಪಾಂಡ್ಯ, ಶಿವಂ ದುಬೆ, ಅಕ್ಷರ್ ಪಟೇಲ್, ಜಿತೇಶ್ ಶರ್ಮಾ, ಜಸ್ಪ್ರೀತ್ ಬುಮ್ರಾ, ಅರ್ಷ್‌ದೀಪ್ ಸಿಂಗ್, ವರುಣ್ ಚಕ್ರವರ್ತಿ, ಕುಲದೀಪ್ ಯಾದವ್, ಸಂಜು ಸ್ಯಾಮ್ಸನ್, ಹರ್ಷಿತ್ ರಾಣ, ರಿಂಕು ಸಿಂಗ್.

ಏಷ್ಯಾ ಕಪ್ ವೇಳಾಪಟ್ಟಿ ಇಂತಿದೆ..

ಗ್ರೂಪ್ ಹಂತ

ಸೆಪ್ಟೆಂಬರ್ 9 – ಅಫ್ಘಾನಿಸ್ತಾನ vs ಹಾಂಗ್ ಕಾಂಗ್

ಸೆಪ್ಟೆಂಬರ್ 10 – ಭಾರತ vs ಯುಎಇ

ಸೆಪ್ಟೆಂಬರ್ 11 – ಬಾಂಗ್ಲಾದೇಶ vs ಹಾಂಗ್ ಕಾಂಗ್

ಸೆಪ್ಟೆಂಬರ್ 12 – ಪಾಕಿಸ್ತಾನ vs ಓಮನ್

ಸೆಪ್ಟೆಂಬರ್ 13 – ಬಾಂಗ್ಲಾದೇಶ vs ಶ್ರೀಲಂಕಾ

ಸೆಪ್ಟೆಂಬರ್ 14 – ಭಾರತ vs ಪಾಕಿಸ್ತಾನ

ಸೆಪ್ಟೆಂಬರ್ 15 – ಶ್ರೀಲಂಕಾ vs ಹಾಂಗ್ ಕಾಂಗ್

ಸೆಪ್ಟೆಂಬರ್ 16 – ಬಾಂಗ್ಲಾದೇಶ vs ಅಫ್ಘಾನಿಸ್ತಾನ

ಸೆಪ್ಟೆಂಬರ್ 17 – ಪಾಕಿಸ್ತಾನ vs ಯುಎಇ

ಸೆಪ್ಟೆಂಬರ್ 18 – ಶ್ರೀಲಂಕಾ vs ಅಫ್ಘಾನಿಸ್ತಾನ

ಸೆಪ್ಟೆಂಬರ್ 19 – ಭಾರತ vs ಓಮನ್

ಸೂಪರ್ 4 ಪಂದ್ಯಗಳು

ಸೆಪ್ಟೆಂಬರ್ 20 – ಗ್ರೂಪ್ ಬಿ ಕ್ವಾಲಿಫೈಯರ್ 1 vs ಗ್ರೂಪ್ ಬಿ ಕ್ವಾಲಿಫೈಯರ್ 2

ಸೆಪ್ಟೆಂಬರ್ 21 – ಗ್ರೂಪ್ ಎ ಕ್ವಾಲಿಫೈಯರ್ 1 vs ಗ್ರೂಪ್ ಎ ಕ್ವಾಲಿಫೈಯರ್ 2

ಸೆಪ್ಟೆಂಬರ್ 23 – ಗ್ರೂಪ್ ಎ ಕ್ವಾಲಿಫೈಯರ್ 1 vs ಗ್ರೂಪ್ ಬಿ ಕ್ವಾಲಿಫೈಯರ್ 2

ಸೆಪ್ಟೆಂಬರ್ 24 – ಗ್ರೂಪ್ ಬಿ ಕ್ವಾಲಿಫೈಯರ್ 1 vs ಗ್ರೂಪ್ ಎ ಕ್ವಾಲಿಫೈಯರ್ 2

ಸೆಪ್ಟೆಂಬರ್ 25 – ಗ್ರೂಪ್ ಎ ಕ್ವಾಲಿಫೈಯರ್ 2 vs ಗ್ರೂಪ್ ಬಿ ಕ್ವಾಲಿಫೈಯರ್ 2

ಸೆಪ್ಟೆಂಬರ್ 26 – ಗ್ರೂಪ್ ಎ ಕ್ವಾಲಿಫೈಯರ್ 1 vs ಗ್ರೂಪ್ ಬಿ ಕ್ವಾಲಿಫೈಯರ್ 1

* ಸೆಪ್ಟೆಂಬರ್ 28 - ಫೈನಲ್​ ಪಂದ್ಯ

https://www.vijayavani.net/shreyas-iyer-not-picked-for-asia-cup-2025

https://www.vijayavani.net/2027-world-cup-no-one-in-the-indian-team-is-better-than-virat-says-former-cricketer