ಟೀಮ್ ಇಂಡಿಯಾಗೆ ಪಂಜಾಬ್​ ಕಿಂಗ್ಸ್​ ಬ್ಯಾಟರ್ ಎಂಟ್ರಿ​! ಇಬ್ಬರು ಸ್ಟಾರ್​ ಬ್ಯಾಟರ್ಸ್​ ಅಲಭ್ಯ? ಹೀಗಿದೆ ವರದಿ | Asia Cup 2025

Asia Cup 2025: ಇದೇ ಸೆ.9ರಿಂದ 28 ರವರೆಗೆ ದುಬೈನಲ್ಲಿ ನಡೆಯಲಿರುವ ಏಷ್ಯಾ ಕಪ್​ 2025ರ ಟೂರ್ನಿಗೆ ಸದ್ಯ ಭಾರೀ ಕುತೂಹಲ ಕೆರಳಿದೆ. ನಾಯಕನಾಗಿ ಯಾರು ತಂಡವನ್ನು ಮುನ್ನಡೆಸಲಿದ್ದಾರೆ? ಯಾರೆಲ್ಲ ಸ್ಥಾನ ಪಡೆಯಲಿದ್ದಾರೆ? ಆರಂಭಿಕ ಬ್ಯಾಟರ್​ಗಳು ಯಾರಿರಲಿದ್ದಾರೆ? ಎಂಬ ಹತ್ತು ಹಲವು ವಿಷಯಗಳು ಸದ್ಯ ಕ್ರಿಕೆಟ್ ಪ್ರಿಯರಲ್ಲಿ ಕಾಡುತ್ತಿದೆ.

ಇದನ್ನೂ ಓದಿ: ವಿದ್ಯಾರ್ಥಿಗಳ ಭವಿಷ್ಯಕ್ಕೆ ಬೆಳಕಾಗುವ ಸಂಕಲ್ಪ : ಲಾಂಛನ ಬಿಡುಗಡೆ ಕಾರ್ಯಕ್ರಮದಲ್ಲಿ ಯುವರಾಜ್ ಜೈನ್ ಹೇಳಿಕೆ

ಭಾರತದ ಟೆಸ್ಟ್ ತಂಡವನ್ನು ಇಂಗ್ಲೆಂಡ್​ ವಿರುದ್ಧದ ಸರಣಿಯಲ್ಲಿ ಯಶಸ್ವಿಯಾಗಿ ಕೊನೆಯವರೆಗೂ ಕೊಂಡೊಯ್ದ ಯುವ ಕ್ಯಾಪ್ಟನ್​ ಶುಭಮನ್​ ಗಿಲ್​ಗೆ ಏಷ್ಯಾ ಕಪ್​ನಲ್ಲಿ ಸ್ಥಾನ ಸಿಗಲಿದೆ ಎಂದೇ ಹಲವರು ಅಭಿಪ್ರಾಯಿಸಿದ್ದಾರೆ. ಆದರೆ, ಇದು ಅಸಾಧ್ಯ ಎನ್ನುವ ಮಾತು ಕೇಳಿಬಂದಿದೆ. ಟೀಮ್ ಇಂಡಿಯಾ ಪರ ಸ್ಟಾರ್​ ಓಪನಿಂಗ್​ ಆಟವನ್ನು ನೀಡುವ ಯಶಸ್ವಿ ಜೈಸ್ವಾಲ್ ಮತ್ತು ಗಿಲ್​ಗೆ ಅವಕಾಶ ಸಿಗುವ ಸಾಧ್ಯತೆಗಳು ಕಡಿಮೆ ಎಂದು ವರದಿಯಾಗಿದೆ.

ಈ ಮಧ್ಯೆ ಪಂಜಾಬ್ ಕಿಂಗ್ಸ್ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಏಷ್ಯಾ ಕಪ್​ಗೆ ಮರಳುವ ಸಾಧ್ಯತೆಗಳಿವೆ. ಇನ್ನು ಆರ್‌ಸಿಬಿ ವಿಕೆಟ್‌ಕೀಪರ್-ಬ್ಯಾಟರ್ ಆಗಿರುವ ಜಿತೇಶ್ ಶರ್ಮಾ, ಏಷ್ಯಾಕಪ್​ನಲ್ಲಿ ಉಪನಾಯಕನಾಗಿ ಕಣಕ್ಕಿಳಿಯಲಿದ್ದಾರೆ ಎಂದು ಕ್ರಿಕೆಟ್​ ಮೂಲಗಳು ತಿಳಿಸಿವೆ. ಸದ್ಯದ ಮಟ್ಟಿಗೆ ಟೀಮ್ ಇಂಡಿಯಾ ತಂಡ ಇನ್ನೂ ಅಧಿಕೃತವಾಗಿ ಪ್ರಕಟವಾಗಿಲ್ಲ. ಯಾರು ತಂಡದ ಜವಾಬ್ದಾರಿ ಹೊರಲಿದ್ದಾರೆ, ಯಾರೆಲ್ಲ ಆಡಲಿದ್ದಾರೆ? ಎಂಬುದನ್ನು ಕಾದು ನೋಡಬೇಕಿದೆ,(ಏಜೆನ್ಸೀಸ್).

https://www.vijayavani.net/radhakrishnan-is-the-nda-candidate-for-the-vice-presidential-election