ರಾಜ್ಕೋಟ್: ಹಿರಿಯ ಆಫ್ ಸ್ಪಿನ್ನರ್ ಆರ್. ಅಶ್ವಿನ್ ಟೆಸ್ಟ್ ಕ್ರಿಕೆಟ್ನಲ್ಲಿ 500 ವಿಕೆಟ್ ಕಬಳಿಸಿದ ವಿಶ್ವದ 9ನೇ ಬೌಲರ್ ಮತ್ತು 2ನೇ ಭಾರತೀಯರೆಂಬ ಮೈಲಿಗಲ್ಲನ್ನು ಶುಕ್ರವಾರ ರಾಜ್ಕೋಟ್ನಲ್ಲಿ ನೆಟ್ಟರು. ಈ ಸಂಭ್ರಮದ ಬೆನ್ನಲ್ಲೇ, ತಾಯಿಯ ಆರೋಗ್ಯ ಹದಗೆಟ್ಟಿರುವ ಹಿನ್ನೆಲೆಯಲ್ಲಿ ಆರ್. ಅಶ್ವಿನ್ ರಾಜ್ಕೋಟ್ ಟೆಸ್ಟ್ ಪಂದ್ಯದಿಂದ ಹೊರನಡೆದಿದ್ದಾರೆ. ಇದರಿಂದ ಅವರು ಪಂದ್ಯದ ಉಳಿದ 3 ದಿನದಾಟದಲ್ಲಿ ಮೈದಾನಕ್ಕೆ ಇಳಿಯುವುದಿಲ್ಲ. ಅಶ್ವಿನ್ ಬದಲಿಗೆ ಬೇರೆ ಯಾವ ಆಟಗಾರರೂ ಬೌಲಿಂಗ್ ಅಥವಾ ಬ್ಯಾಟಿಂಗ್ ಮಾಡಲು ಅವಕಾಶವಿರುವುದಿಲ್ಲ. ಫೀಲ್ಡಿಂಗ್ ಮಾತ್ರ ಮಾಡಬಹುದಷ್ಟೆ. ಇದರಿಂದ ಭಾರತ ಪಂದ್ಯದ ಉಳಿದ ಮೂರು ದಿನ ಕೇವಲ 10 ಆಟಗಾರರೊಂದಿಗೆ ಆಡಬೇಕಾಗಿದೆ.
