ಆರ್​ಸಿಬಿ ಸೇರಿದ ಬೆನ್ನಲ್ಲೇ ದೇಶೀಯ ಟಿ20 ಕ್ರಿಕೆಟ್​ನಲ್ಲಿ ವಿಶೇಷ ಸಾಧನೆ ಮಾಡಿದ ಭುವನೇಶ್ವರ್​!

ಇಂದೋರ್: ಇತ್ತೀಚೆಗೆ ಐಪಿಎಲ್​ ಹರಾಜಿನಲ್ಲಿ 10.75 ಕೋಟಿ ರೂ.ಗೆ ಆರ್​ಸಿಬಿ ತಂಡಕ್ಕೆ ಸೇರ್ಪಡೆಯಾಗಿದ್ದ ಅನುಭವಿ ವೇಗಿ ಭುವನೇಶ್ವರ್​ ಕುಮಾರ್​ ಜಾರ್ಖಂಡ್​ ವಿರುದ್ಧದ ಪಂದ್ಯದಲ್ಲಿ ಉತ್ತರ ಪ್ರದೇಶ ಪರ ಹ್ಯಾಟ್ರಿಕ್​ ವಿಕೆಟ್​ ಸಾಧನೆ ಮಾಡಿ ಗಮನಸೆಳೆದಿದ್ದಾರೆ. ಈ ಮೂಲಕ ಯುಪಿ ತಂಡದ 10 ವಿಕೆಟ್​ ಗೆಲುವಿಗೆ ನೆರವಾದರು.

ಅಭಿಷೇಕ್​ 28 ಎಸೆತಗಳಲ್ಲಿ ಶತಕ

ಪಂಜಾಬ್​ ಬ್ಯಾಟರ್​ ಅಭಿಷೇಕ್​ ಶರ್ಮ (106 ರನ್​, 29 ಎಸೆತ, 6 ಬೌಂಡರಿ, 11 ಸಿಕ್ಸರ್​) 28 ಎಸೆತಗಳಲ್ಲೇ ಶತಕ ಸಿಡಿಸಿ ಭಾರತೀಯ ದಾಖಲೆ ಸರಿಗಟ್ಟಿದರು. ಹಾಲಿ ಟೂರ್ನಿಯಲ್ಲೇ ಗುಜರಾತ್​ನ ಊರ್ವಿಲ್​ ಪಟೇಲ್​ ಕೂಡ ಇತ್ತೀಚೆಗೆ ತ್ರಿಪುರ ವಿರುದ್ಧ 28 ಎಸೆತಗಳಲ್ಲೇ ಶತಕ ಸಿಡಿಸಿ ಅತಿವೇಗದ ಭಾರತೀಯ ಸಾಧಕ ಎನಿಸಿದ್ದರು. ಒಟ್ಟಾರೆಯಾಗಿ ಟಿ20 ಕ್ರಿಕೆಟ್​ನಲ್ಲಿ ಇದು 2ನೇ ಅತಿವೇಗದ ಶತಕವಾಗಿದೆ.

ಈಸ್ಟೋನಿಯಾದ ಸಾಹಿಲ್​ ಚೌಹಾಣ್​ ಹಾಲಿ ವರ್ಷವೇ ಸೈಪ್ರಸ್​ ವಿರುದ್ಧ 27 ಎಸೆತಗಳಲ್ಲಿ ಶತಕ ಸಿಡಿಸಿರುವುದು ವಿಶ್ವದಾಖಲೆಯಾಗಿದೆ. ಅಭಿಷೇಕ್​ ಸಾಧನೆಯಿಂದ ಪಂಜಾಬ್​ ತಂಡ 143 ರನ್​ ಸವಾಲನ್ನು ಕೇವಲ 9.3 ಓವರ್​ಗಳಲ್ಲೇ ಬೆನ್ನಟ್ಟಿ ಗೆದ್ದಿತು.

https://www.vijayavani.net/two-time-olympic-medallist-shuttler-pv-sindhu-will-tie-the-knot-on-december