ಅಬುಧಾಬಿಯಲ್ಲಿ ಕೋವಿಡ್-19 ಪ್ರಕರಣಗಳ ಏರಿಕೆಯಿಂದಾಗಿ ಸ್ಥಳೀಯಾಡಳಿತ, ನಗರಕ್ಕೆ ಪ್ರವೇಶಿಸುವ ವೇಳೆ ಕರೊನಾ ಪರೀಕ್ಷೆಯನ್ನು ಕಡ್ಡಾಯಗೊಳಿಸಿದೆ. ಇದರಿಂದಾಗಿ ಟೂರ್ನಿಯ ವೇಳೆ ತಂಡಗಳ ಆಟಗಾರರು, ಸಿಬ್ಬಂದಿ, ಪ್ರಸಾರ ವಾಹಿನಿ ಸಿಬ್ಬಂದಿ, ಐಪಿಎಲ್ ವ್ಯವಸ್ಥಾಪಕ ಅಧಿಕಾರಿಗಳು ದುಬೈ ಅಥವಾ ಶಾರ್ಜಾದಿಂದ ಅಬುಧಾಬಿ ಪ್ರವೇಶಿಸುವ ವೇಳೆ ಮತ್ತೆ ಪರೀಕ್ಷೆಗೆ ಒಳಗಾಗಬೇಕಾಗುತ್ತದೆ. ಇದು ಅಬುಧಾಬಿಯಲ್ಲಿ ಪಂದ್ಯಗಳ ಆಯೋಜನೆಗೆ ಅಡೆತಡೆ ಎದುರಾಗುವಂತೆ ಮಾಡಿದೆ. ಈ ಸಂಬಂಧ ಎಮಿರೇಟ್ಸ್ ಕ್ರಿಕೆಟ್ ಮಂಡಳಿ (ಇಸಿಬಿ) ಜತೆಗೆ ಬಿಸಿಸಿಐ ಮಾತುಕತೆ ನಡೆಸುತ್ತಿದ್ದು, ಜೈವಿಕ-ಸುರಕ್ಷಾ ವಾತಾವರಣದಲ್ಲಿರುವ ಕಾರಣ ಕಡ್ಡಾಯ ಪರೀಕ್ಷೆಯಿಂದ ಪಾರಾಗುವ ಬಗ್ಗೆ ಸ್ಥಳೀಯಾಡಳಿತದ ಮನ ಒಲಿಸುವ ಕಾರ್ಯ ಸಾಗಿದೆ.
