ಜಿಂಬಾಬ್ವೆ ವಿರುದ್ಧದ ಎರಡನೇ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ 'ಹಿಟ್​​ಮ್ಯಾನ್'​ ನೆನಪಿಸಿದ ಅಭಿಷೇಕ್​ ಶರ್ಮ!

ಹರಾರೆ: ಟೀಮ್ ಇಂಡಿಯಾ ಮತ್ತು ಜಿಂಬಾಬ್ವೆ ನಡುವಿನ ಟಿ20 ಸರಣಿ ಹರಾರೆಯಲ್ಲಿ ಆರಂಭಗೊಂಡಿದ್ದು, ಶುಭಮನ್ ಗಿಲ್ ನಾಯಕತ್ವದಲ್ಲಿ ಭಾರತ ತಂಡ ಮೊದಲ ಪಂದ್ಯದಲ್ಲಿ ಹೀನಾಯ ಸೋಲನ್ನು ಕಂಡಿತು. ತನ್ನ ಡೆಬ್ಯೂ ಮ್ಯಾಚ್​ನಲ್ಲಿಯೇ ಡಕ್ ಔಟ್​ ಆಗಿ ಪೆವಿಲಿಯನ್​ನತ್ತ ಸಾಗಿದ ಯುವ ಬ್ಯಾಟರ್​ ಅಭಿಷೇಕ್ ಶರ್ಮ ಮೇಲೆ ಟೀಮ್ ಮ್ಯಾನೇಜ್​ಮೆಂಟ್ ಮತ್ತು ಮಾಜಿ ಕ್ರಿಕೆಟಿಗರು ಭಾರೀ ನಿರೀಕ್ಷೆ ಇಟ್ಟುಕೊಂಡಿದ್ದರು. ಆದ್ರೆ, ಇಂದು (ಜು.07) ನಡೆಯುತ್ತಿರುವ ಎರಡನೇ ಟಿ20 ಪಂದ್ಯದಲ್ಲಿ ಆ ನಿರೀಕ್ಷೆಗಳನ್ನು ಉಳಿಸಿಕೊಂಡ ಅಭಿಷೇಕ್ ಆಕರ್ಷಕ ಶತಕ ಸಿಡಿಸುವ ಮೂಲಕ ಜಿಂಬಾಬ್ವೆ ಬೌಲರ್​ಗಳಿಗೆ ಬೆವರಿಳಿಸಿದರು.

ಇದನ್ನೂ ಓದಿ: ಫಸ್ಟ್​ ನೈಟ್​ ರೂಮ್​ನಲ್ಲಿ ವಿಡಿಯೋ ಮಾಡಿ ಇದು ಹೇಗಿದೆ ಎಂದು ಪ್ರಶ್ನಿಸಿದ ನವದಂಪತಿಗೆ ನೆಟ್ಟಿಗರ ತರಾಟೆ!

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆಮಾಡಿಕೊಂಡ ಟೀಮ್ ಇಂಡಿಯಾ, ಜಿಂಬಾಬ್ವೆ ತಂಡಕ್ಕೆ ಬೌಲಿಂಗ್ ಮಾಡುವಂತೆ ತಿಳಿಸಿತು. ಅದರಂತೆಯೇ ಮೊದಲ ಬೌಲ್ ಮಾಡಿದ ಜಿಂಬಾಬ್ವೆ ವಿರುದ್ಧ ಕ್ಯಾಪ್ಟನ್ ಶುಭಮನ್ ಗಿಲ್ ಅಬ್ಬರಿಸುವಲ್ಲಿ ವಿಫಲರಾದರು. 4 ಎಸೆತಗಳಲ್ಲಿ ಕೇವಲ 2 ರನ್​ ಗಳಿಸಿ, ಔಟ್ ಆದ ಗಿಲ್​, ತಂಡಕ್ಕೆ ಆಸರೆಯಾಗಿ ನಿಲ್ಲಲಿಲ್ಲ. ಇನ್ನು ನಾಯಕನ ಜತೆ ಓಪನಿಂಗ್ ಬಂದ ಶರ್ಮ, ಕೇವಲ 47 ಎಸೆತಗಳಲ್ಲಿ 100 ಸಿಡಿಸಿದ ಅಭಿಷೇಕ್, ಏಳು ಬೌಂಡರಿ ಮತ್ತು 8 ಸಿಕ್ಸರ್​ಗಳನ್ನು ಬಾರಿಸಿದರು. ಈ ಮೂಲಕ ತಮ್ಮ ಮೇಲಿಟ್ಟಿದ್ದ ನಿರೀಕ್ಷೆಯನ್ನು ಅವರು ಹುಸಿ ಮಾಡಲಿಲ್ಲ.

ತಂಡದ ಪರ ಭರ್ಜರಿ ಶತಕ ಸಿಡಿಸಿದ ಅಭಿಷೇಕ್, ಈ ಮೂಲಕ ಸಖತ್ ಕಮ್​ಬ್ಯಾಕ್ ಮಾಡಿದ್ದಾರೆ. ಅಭಿಷೇಕ್ ಅಬ್ಬರದ ಬೆನ್ನಲ್ಲೇ ಪ್ರಸ್ತುತ ಬ್ಯಾಟಿಂಗ್​ ಮಾಡುತ್ತಿರುವ ರುತುರಾಜ್ ಗಾಯಕ್ವಾಡ್ ಕೂಡ ಆಕರ್ಷಕ ಇನ್ನಿಂಗ್ಸ್​ ಕೊಡುಗೆ ನೀಡಿದ್ದು, 45 ಎಸೆತಗಳಲ್ಲಿ 72* ರನ್​ ಗಳಿಸಿ, ತಂಡಕ್ಕೆ ದೊಡ್ಡ ಮೊತ್ತವನ್ನು ಕಲೆಹಾಕುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.

https://www.vijayavani.net/virat-mobile-wallpaper-has-this-photo-do-you-know-this