ತವರಿನಲ್ಲೇ CSKಗೆ ಭಾರೀ ಮುಖಭಂಗ! ಚಾಂಪಿಯನ್ಸ್​ಗಳ ಸೋಲು ನಮಗೆ... ಮುಖಕ್ಕೆ ಹೊಡೆದಂತೆ ಮಾತನಾಡಿದ ಮಿ.360 | AB de Villiers

AB de Villiers: ಮಾ.28 ಚೆಪಾಕ್​ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್​ 18ನೇ ಆವೃತ್ತಿಯ ಪಂದ್ಯದಲ್ಲಿ ಆರ್​ಸಿಬಿ ಮತ್ತು ಸಿಎಸ್​ಕೆ ತಂಡಗಳು ಮುಖಾಮುಖಿಯಾಗಿ ಸೆಣಸಾಡಿತು. ರೋಚಕತೆಗೆ ತಿರುಗಲಿದೆ ಎಂದೇ ನಿರೀಕ್ಷಿಸಿದ್ದ ಕ್ರಿಕೆಟ್​ ಅಭಿಮಾನಿಗಳಿಗೆ, 50 ರನ್​ಗಳಿಂದ ಸಿಎಸ್​ಕೆಯನ್ನು ತವರಿನಲ್ಲೇ ಮಣಿಸಿದ ಆರ್​ಸಿಬಿ ಗೆಲುವನ್ನು ಕಂಡು ಅಚ್ಚರಿ ಜತೆಗೆ ಭಾರೀ ಬೇಸರ ಉಂಟಾಯಿತು. ಇದಕ್ಕೆ ಕಾರಣ, ಚೆಪಾಕ್​ನಲ್ಲಿ ಸೇರಿದ್ದ ಅಭಿಮಾನಿಗಳು. ಸಿಎಸ್​ಕೆ ಗೆಲುವಿಗಾಗಿ ಕಾದು ಕುಳಿತ್ತಿದ್ದವರ ಅಪಾರ ನಿರೀಕ್ಷೆಗಳು ಹುಸಿಯಾಗಿದ್ದೇ ಬೇಸರಕ್ಕೆ ಕಾರಣವಾಯಿತು.

ಇದನ್ನೂ ಓದಿ: ಮನ್ ಕಿ ಬಾತ್​ನಲ್ಲಿ ಮಕ್ಕಳಿಗೆ ಪ್ರಧಾನಿ ಮೋದಿ ಸಂದೇಶ: ಬೇಸಿಗೆ ರಜೆಯ ಅನುಭವ ಹಂಚಿಕೊಳ್ಳಲು ಕರೆ! Mann Ki Baat

ಮೊದಲು ಬ್ಯಾಟ್​ ಮಾಡಿದ ಆರ್​ಸಿಬಿ, 197 ರನ್​ಗಳ ಗುರಿಯನ್ನು ಬೆನ್ನಟ್ಟುವಂತೆ ಸಿಎಸ್​ಕೆಗೆ ಸವಾಲು ಹಾಕಿತು. ಇದನ್ನು ಸಾಧಿಸುವಲ್ಲಿ ಮುಗ್ಗರಿಸಿದ ಚೆನ್ನೈ ಪಡೆ, ಆರಂಭಿಕ ಹಂತದಲ್ಲೇ ವಿಕೆಟ್​ ಕಳೆದುಕೊಂಡು ಗುರಿಯನ್ನು ತಲುಪುವಲ್ಲಿ ಎಡವಿತು. ಅಂತಿಮವಾಗಿ ತವರಿನಲ್ಲೇ ಎರಡನೇ ಪಂದ್ಯ ಸೋತ ಚೆನ್ನೈ ಪಡೆಗೆ ಭಾರೀ ಮುಖಭಂಗ ಉಂಟಾಯಿತು ಎಂಬುದರಲ್ಲಿ ಕಿಂಚಿತ್ತು ಅನುಮಾನವೇ ಇಲ್ಲ. ಧೋನಿ ಸೇರಿದಂತೆ ಸಿಎಸ್​ಕೆ ತಂಡದ ಕೆಲವು ಆಟಗಾರರನ್ನು ಆರ್​ಸಿಬಿ ಫ್ಯಾನ್ಸ್​ ಜಾಲತಾಣಗಳಲ್ಲಿ ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿ ಟೀಕಿಸಿದ್ದಾರೆ.

ಇನ್ನು ಸಿಎಸ್​ಕೆ ವಿರುದ್ಧದ ಭಾರೀ ಅಂತರದ ಗೆಲುವಿನ ಬಗ್ಗೆ ತಮ್ಮ ಮನದಾಳದ ಮಾತನ್ನು ಹಂಚಿಕೊಂಡ ದಕ್ಷಿಣ ಆಫ್ರಿಕಾದ ಸ್ಟಾರ್​ ಬ್ಯಾಟರ್, ಮಾಜಿ ಆರ್​ಸಿಬಿ ಆಟಗಾರ, ಎಬಿ ಡಿವಿಲಿಯರ್ಸ್, "ಐಪಿಎಲ್ 18ನೇ ಆವೃತ್ತಿಯ ಶುಭಾರಂಭ ಪಂದ್ಯದಲ್ಲಿ ಕೆಕೆಆರ್ ವಿರುದ್ಧ ಗೆದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಡೆ, ಆಡಿದ ಎರಡನೇ ಪಂದ್ಯದಲ್ಲಿ ತಮ್ಮ ಬದ್ಧ ವೈರಿ ತಂಡ ಸಿಎಸ್​ಕೆಯನ್ನು ಅವರ ತವರಿನಲ್ಲೇ ಮಣಿಸಿದ್ದು ಶ್ಲಾಘನೀಯ" ಎಂದಿದ್ದಾರೆ.

ಇದನ್ನೂ ಓದಿ: ವಿವಾದಗಳಿಂದ ಸುತ್ತುವರೆದಿರುವ L2-ಎಂಪೂರನ್; ಕ್ಷಮೆಯಾಚಿಸಿ ಪತ್ರ ಬರೆದ ನಟ ಮೋಹನ್ ಲಾಲ್ | Mohanlal

“ಆರಂಭದಲ್ಲಿ ನಾನು ಭುವನೇಶ್ವರ್​ ಕುಮಾರ್​ ಆಡುವುದಿಲ್ಲ ಎಂದೇ ಭಾವಿಸಿದ್ದೆ. ಆದರೆ, ನಂತರದಲ್ಲಿ ಅವರು ತಂಡದ ಪರ ಕಣಕ್ಕಿಳಿದಿದ್ದು ಭಾರೀ ಖುಷಿ ನೀಡಿತು. ಭುವಿ ಮೊದಲ ಪಂದ್ಯ ಕೆಕೆಆರ್ ವಿರುದ್ಧ ಆಡಲಿಲ್ಲ. ಆದರೆ, ಸಿಎಸ್​ಕೆ ಎದುರಿನ ಪಂದ್ಯದಲ್ಲಿ ಅವರನ್ನು ಕರೆತಂದಿದ್ದು ನಿಜಕ್ಕೂ ಉತ್ತಮ ನಿರ್ಧಾರ. ಹಾಲಿ ಚಾಂಪಿಯನ್​ಗಳಾದ ಕೆಕೆಆರ್ ಮತ್ತು ಸಿಎಸ್​ಕೆ ತಂಡಗಳನ್ನು ಸೋಲಿಸಿರುವುದು ಒಂದು ದೊಡ್ಡ ಸಾಧನೆಯೇ. ಅದರಲ್ಲೂ ಸಿಎಸ್​ಕೆಯನ್ನು ತವರಿನಲ್ಲಿ ಮಣಿಸಿದ್ದು ಗಮನಾರ್ಹ. ಉತ್ತಮ ರನ್​ರೇಟ್​ನೊಂದಿಗೆ ಆರ್​ಸಿಬಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಇದು ಉತ್ತಮ ಆರಂಭ" ಎಂದು ಡಿವಿಲಿಯರ್ಸ್ ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/another-lightning-stumps-by-ms-dhoni-in-rcb-vs-csk-match