ಸಾಮಾಜಿಕ ಜಾಲತಾಣದಲ್ಲಿ ಕ್ಷಮೆಯಾಚಿಸುವ ಪತ್ರವನ್ನು ಹಂಚಿಕೊಂಡಿರುವ ನಟ ಮೋಹನ್ಲಾಲ್, ಲೂಸಿಫರ್ ಸಿನಿಮಾದ ಮುಂದುವರಿದ ಭಾಗ 'ಎಲ್ 2: ಎಂಪುರಾನ್' ಚಿತ್ರದಲ್ಲಿನ ಕೆಲವು ರಾಜಕೀಯ ಮತ್ತು ಸಾಮಾಜಿಕ ವಿಷಯಗಳು ನನ್ನ ಅನೇಕ ಪ್ರೀತಿಪಾತ್ರರಿಗೆ ತೀವ್ರ ನೋವನ್ನುಂಟುಮಾಡಿವೆ ಎಂದು ನಾನು ತಿಳಿದುಕೊಂಡಿದ್ದೇನೆ. ಒಬ್ಬ ನಟನಾಗಿ ನನ್ನ ಸಿನಿಮಾಗಳಲ್ಲಿ ಯಾವುದೇ ರಾಜಕೀಯ ಚಳುವಳಿ, ಸಿದ್ಧಾಂತ ಅಥವಾ ಧಾರ್ಮಿಕ ಗುಂಪಿನ ಬಗ್ಗೆ ದ್ವೇಷ ಮೂಡದಂತೆ ನೋಡಿಕೊಳ್ಳುವುದು ನನ್ನ ಕರ್ತವ್ಯ. ಆದ್ದರಿಂದ, ಎಂಪುರಾನ್ ತಂಡ ಮತ್ತು ನಾನು, ನನ್ನ ಪ್ರೀತಿಪಾತ್ರರಿಗೆ ಉಂಟಾದ ಭಾವನಾತ್ಮಕ ಯಾತನೆಗೆ ಪ್ರಾಮಾಣಿಕವಾಗಿ ವಿಷಾದಿಸುತ್ತೇವೆ ಎಂದು ಹೇಳಿದ್ದಾರೆ.
