IPL ಹರಾಜು ವೇಳೆ ವೇದಿಕೆಯಲ್ಲೇ ಕುಸಿದು ಬಿದ್ದ ಹರಾಜುಗಾರ, ಕೆಲ ಕಾಲ ಹರಾಜು ಪ್ರಕ್ರಿಯೆ ಸ್ಥಗಿತ

ಬೆಂಗಳೂರು: ಬಹುನಿರೀಕ್ಷಿತ ಐಪಿಎಲ್(ಇಂಡಿಯನ್​ ಪ್ರೀಮಿಯರ್​ ಲೀಗ್​) 15ನೇ ಆವೃತ್ತಿಯ ಆಟಗಾರರ ಮೆಗಾ ಹರಾಜು ಪ್ರಕ್ರಿಯೆ ಬೆಂಗಳೂರಲ್ಲಿ ನಡೆಯುತ್ತಿದ್ದು, ಈ ವೇಳೆ ಹರಾಜುಗಾರರೊಬ್ಬರು ವೇದಿಕೆಯಲ್ಲೇ ಕುಸಿದು ಬಿದ್ದರು. ಬಿಡ್ಡಿಂಗ್​ ವೇಳೆ ಹರಾಜುದಾರ ಹ್ಯೂ ಎಡ್ ಮೀಡ್ಸ್ ವೇದಿಕೆಯಲ್ಲೇ ಕುಸಿದು ಬಿದ್ದಿದ್ದು, ತಾತ್ಕಾಲಿಕವಾಗಿ ಹರಾಜು ಪ್ರಕ್ರಿಯೆಯನ್ನು ಸ್ಥಗಿತಗೊಳಿಸಲಾಗಿದೆ.

ಹ್ಯೂ ಎಡ್ ಮೀಡ್ಸ್ ಅವರು ಆರಾಮಾಗಿದ್ದಾರೆ. ಹರಾಜು ಪ್ರಕ್ರಿಯೆಯಲ್ಲಿ ಊಟದ ವಿರಾಮ ತೆಗೆದುಕೊಳ್ಳಲಾಗಿದೆ ಎಂದು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಟ್ವೀಟ್​ ಮಾಡಿದೆ.

ಇಂದು(ಶನಿವಾರ) ಮತ್ತು ನಾಳೆ(ಭಾನುವಾರ) ಬೆಂಗಳೂರಿನ ಖಾಸಗಿ ಹೋಟೆಲ್‌ನಲ್ಲಿ ಐಪಿಎಲ್​ ಆಟಗಾರರ ಹರಾಜು ಪ್ರಕ್ರಿಯೆ ನಡೆಯುತ್ತಿದೆ. ಹ್ಯೂ ಎಡ್​ಮೀಡ್ಸ್ ಅವರು ಕುಸಿದು ಬಿದ್ದ ಕಾರಣ ಕೆಲಕಾಲ ಸ್ಥಗಿತವಾದ ಹರಾಜು ಪ್ರಕ್ರಿಯೆ ಮಧ್ಯಾಹ್ನ 3.30ಕ್ಕೆ ಪುನರಾರಂಭವಾಗಲಿದೆ.

https://www.vijayavani.net/r-ipl-mega-auction-2022-live-updates-kkr-buy-shreyas-iyer-faf-du-plessis-joins-rcb-and-warner-returns-to-delhi/