ಏಷ್ಯನ್​ ಟೇಬಲ್​ ಟೆನಿಸ್​ ಚಾಂಪಿಯನ್​ಷಿಪ್​ನಲ್ಲಿ ಭಾರತಕ್ಕೆ ಐತಿಹಾಸಿಕ ಪದಕ ಖಾತ್ರಿ

ಆಸ್ಟಾನಾ: ಭಾರತದ ಮಹಿಳಾ ತಂಡ ಏಷ್ಯನ್​ ಟೇಬಲ್​ ಟೆನಿಸ್​ ಚಾಂಪಿಯನ್​ಷಿಪ್​ನಲ್ಲಿ ಮೊಟ್ಟಮೊದಲ ಬಾರಿಗೆ ಪದಕ ಗೆಲುವು ಖಾತ್ರಿಪಡಿಸಿಕೊಂಡಿದೆ. ಮಂಗಳವಾರ ನಡೆದ ಕ್ವಾರ್ಟರ್​ಫೈನಲ್​ನಲ್ಲಿ ಪ್ಯಾರಿಸ್​ ಒಲಿಂಪಿಕ್ಸ್​ ಕಂಚು ವಿಜೇತ ದಣ ಕೊರಿಯಾ ತಂಡವನ್ನು 3-2ರಿಂದ ಮಣಿಸುವ ಮೂಲಕ ಭಾರತ ಈ ಸಾಧನೆ ಮಾಡಿದೆ.

ವಿಶ್ವ ನಂ. 92 ಐಹಿಕಾ ಮುಖರ್ಜಿ ವಿಶ್ವ ನಂ. 8 ಶಿನ್​ ಯುಬಿನ್​ ಮತ್ತು ವಿಶ್ವ ನಂ. 16 ಜಿಆನ್​ ಜಿಹೀ ವಿರುದ್ಧ ಅವಳಿ ಗೆಲುವು ದಾಖಲಿಸುವ ಮೂಲಕ ಭಾರತದ ಐತಿಹಾಸಿಕ ಸಾಧನೆಯಲ್ಲಿ ಮಹತ್ವದ ಪಾತ್ರ ವಹಿಸಿದರು.

ಆರಂಭಿಕ ಎರಡು ಪಂದ್ಯಗಳಲ್ಲಿ ಗೆದ್ದ ಐಹಿಕಾ ಮತ್ತು ಮನಿಕಾ ಬಾತ್ರಾ ಭಾರತಕ್ಕೆ 2-0ಯಿಂದ ಅಚ್ಚರಿಯ ಮುನ್ನಡೆ ಒದಗಿಸಿದರು. ನಂತರ ಕೊರಿಯಾ ತಂಡ 2-2ರಿಂದ ಸಮಬಲ ಸಾಧಿಸಿದರೂ, ಐಹಿಕಾ ನಿರ್ಣಾಯಕ ಪಂದ್ಯದಲ್ಲಿ ಜಿಹೀ ವಿರುದ್ಧ ಗೆದ್ದು ಬೀಗಿದರು.

https://www.vijayavani.net/singapore-bids-farewell-to-182-year-old-horse-racing-tradition