ಕ್ರಿಕೆಟ್​ಗೆ ಗುಡ್​ ಬೈ ಹೇಳಿದ ದಕ್ಷಿಣ ಆಫ್ರಿಕಾ ಟೀಂನ ವೇಗದ ಬೌಲರ್​ ಡೇಲ್​ ಸ್ಟೈನ್​!

ನವದೆಹಲಿ: ದಕ್ಷಿಣ ಆಫ್ರಿಕಾ ಕ್ರಿಕೆಟ್​ ತಂಡದ ವೇಗದ ಬೌಲರ್​ ಡೇಲ್​ ಸ್ಟೈನ್​ ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್​ ಸೇರಿದಂತೆ ಎಲ್ಲ ಮಾದರಿಯ ಕ್ರಿಕೆಟ್​ಗೆ ಮಂಗಳವಾರ ನಿವೃತ್ತಿ ಘೋಷಿಸಿದ್ದಾರೆ.

''ನಾನು ತುಂಬಾ ಪ್ರೀತಿಸುವ ಆಟಕ್ಕೆ ಈ ದಿನ ಅಧಿಕೃತ ವಿದಾಯ ಘೋಷಿಸುತ್ತಿದ್ದೇನೆ. ಕಹಿ ಸತ್ಯವಾದರೂ ಇದನ್ನು ಒಪ್ಪಿಕೊಳ್ಳಲೇಬೇಕು. ಕ್ರಿಕೆಟ್ ಪಯಣದಲ್ಲಿ ನನನ್ನು ಬೆಂಬಲಿಸಿದ ಕುಟುಂಬ, ತಂಡದ ಸಹ ಆಟಗಾರರು, ಪತ್ರಕರ್ತರು ಮತ್ತು ಅಭಿಮಾನಿಗಳಿಗೆ ಧನ್ಯವಾದ... 20 ವರ್ಷಗಳಿಂದ ತರಬೇತಿ, ಪಂದ್ಯ, ಪ್ರಯಾಣ, ಗೆಲುವು- ಸೋಲು, ಜೆಟ್ ಲ್ಯಾಗ್, ಎಂಜಾಯ್​ಮೆಂಟ್​ ಹಾಗೂ ಸಹೋಹದರತ್ವ... ಹೀಗೆ ಹೇಳಲು ಸಾಕಷ್ಟು ಸುಮದುರ ನೆನಪುಗಳಿವೆ..." ಎಂದು ಭಾವನಾತ್ಮಕವಾಗಿ ಟ್ವಿಟರ್​ನಲ್ಲಿ ಬರೆದುಕೊಳ್ಳುವ ಮೂಲಕ ಎಲ್ಲ ಮಾದರಿಯ ಕ್ರಿಕೆಟ್​ಗೆ ಡೇಲ್​ ಸ್ಟೈನ್​ ನಿವೃತ್ತಿ ಘೋಷಿಸಿದ್ದಾರೆ.

ಈ ಹಿಂದೆ ಟೆಸ್ಟ್​ ಕ್ರಿಕೆಟ್​ಗೆ ವಿದಾಯ ಹೇಳಿದ್ದ ಡೇಸ್​ ಸ್ಟೈನ್​, ಮಂಗಳವಾರ ಎಲ್ಲ ಮಾದರಿಯ ಕ್ರಿಕೆಟ್​ನಿಂದ ದೂರ ಉಳಿಯುವುದಾಗಿ ಘೋಷಿಸಿದ್ದಾರೆ. 2004ರಲ್ಲಿ ಇಂಗ್ಲೆಂಡ್​ ವಿರುದ್ಧ ಟೆಸ್ಟ್ ಪಂದ್ಯದಲ್ಲಿ ಕಣಕ್ಕಿಳಿಯುವ ಮೂಲಕ ಅಂತಾರಾಷ್ಟ್ರೀಯ ಕಿಕೆಟ್​ ಕೆರಿಯರ್​ ಆರಂಭಿಸಿದ್ದರು.

ಡೇಲ್ ಸ್ಟೈನ್ ಅವರು 125 ಏಕದಿನ ಪಂದ್ಯವನ್ನಾಡಿದ್ದು, 196 ವಿಕೆಟ್ ಪಡೆದಿದ್ದಾರೆ. 47 ಟಿ20 ಪಂದ್ಯ ಆಡಿದ್ದು, 64 ವಿಕೆಟ್ ಪಡೆದಿದ್ದಾರೆ. ಅಷ್ಟೇ ಅಲ್ಲ 93 ಟೆಸ್ಟ್​ ಕ್ರಿಕೆಟ್​​ನಲ್ಲಿ 439 ವಿಕೆಟ್ ಪಡೆದಿದ್ದಾರೆ. 2015ರ ಡಿಸೆಂಬರ್​ನಲ್ಲಿ ಇಂಗ್ಲೆಂಡ್​ ವಿರುದ್ಧ ಆಟವಾಡುವಾಗ ಭುಜಕ್ಕೆ ಗಾಯ ಮಾಡಿಕೊಂಡಿದ್ದರು. ಗುಣಮುಖರಾದರಾದರೂ ಮರು ವರ್ಷದಲ್ಲೇ ಮತ್ತೆ ಗಾಯಗೊಂಡರು. ಇದಾದ ಮರು ವರ್ಷ ಹಿಮ್ಮಡಿ ಗಾಯವಾಗಿ ಆಟದಿಂದ ಅನಿವಾರ್ಯವಾಗಿ ದೂರ ಉಳಿದಿದ್ದರು.

https://www.vijayavani.net/a-car-accident-in-bengalore-mla-son-karunasagar-and-his-lover-bindu-life-is-end/

https://www.vijayavani.net/a-five-policemen-suspend-including-the-sindagi-psi/