ಬಿಸಿಸಿಐ ಅಧ್ಯಕ್ಷ ಸ್ಥಾನಕ್ಕೆ ಸೌರವ್ ಗಂಗೂಲಿ ರಾಜೀನಾಮೆ? ಜಯ್ ಶಾ ಇಲ್ಲ ಅಂದ್ರೂ ಸಂದೇಹ ಮೂಡಿಸಿದೆ ಆ ಟ್ವೀಟ್​...

ಕೊಲ್ಕತ್ತಾ: ಬಿಸಿಸಿಐ ಅಧ್ಯಕ್ಷ, ಭಾರತ ಕ್ರಿಕೆಟ್​ ತಂಡದ ಮಾಜಿ ನಾಯಕ ಸೌರವ್​ ಗಂಗೂಲಿ ಅವರು ಬಿಸಿಸಿಐ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು ರಾಜಕೀಯಕ್ಕೆ ಪ್ರವೇಶಿಸುತ್ತಾರಾ? ಇಂತಹದ್ದೊಂದು ಚರ್ಚೆ ಶುರುವಾಗಿದೆ. ಬುಧವಾರ ಸಂಜೆ ಗಂಗೂಲಿ ಅವರು ಮಾಡಿದ ಆ ಒಂದು ಟ್ವೀಟ್​ ಇಂತಹ ಪ್ರಶ್ನೆಯನ್ನು ಹುಟ್ಟುಹಾಕಿದೆ. ಆದರೆ ಇದೆಲ್ಲವೂ ವದಂತಿ. ಬಿಸಿಸಿಐ ಅಧ್ಯಕ್ಷ ಸ್ಥಾನಕ್ಕೆ ಗಂಗೂಲಿ ರಾಜೀನಾಮೆ ಕೊಡಲ್ಲ ಎಂದು ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಸ್ಪಷ್ಟಡಿಸಿದ್ದಾರೆ.

'1992ರಲ್ಲಿ ಶುರುವಾದ ನನ್ನ ಕ್ರಿಕೆಟ್​ ಜರ್ನಿ 2022ರ ವರೆಗೆ ಸಾಗಿ ಬಂದಿದೆ. ಈ 30 ವರ್ಷದಲ್ಲಿ ಕ್ರಿಕೆಟ್​ನಿಂದ ಗೌರವ, ಅವಕಾಶ... ಸೇರಿದಂತೆ ಎಲ್ಲವೂ ನನಗೆ ಸಿಕ್ಕಿದೆ. ಎಲ್ಲರೂ ನನಗೆ ಪ್ರೀತಿಯಿಂದ ಸಹಕರಿಸಿದ್ದಾರೆ. ಈ ಪಯಣದಲ್ಲಿ ಪ್ರತ್ಯಕ್ಷ-ಪರೋಕ್ಷವಾಗಿ ಸಹಕರಿಸಿದ, ಪ್ರೋತ್ಸಾಹಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದ ಸಲ್ಲಿಸುವೆ. ಇಂದು ನಾನು ಮಹತ್ವದ ಯೋಜನೆ ಹಾಕಿಕೊಂಡಿರುವೆ. ಇನ್ಮುಂದೆ ತುಂಬಾ ಜನರಿಗೆ ಸಹಾಯ ಮಾಡಬೇಕು. ಈ ಕೆಲಸಕ್ಕೆ ನಿಮ್ಮೆಲ್ಲರ ಸಹಕಾರ ಇರುತ್ತೆ ಎಂದು ನಂಬಿದ್ದೇನೆ' ಎಂದು ಸೌರವ್​ ಗಂಗೂಲಿ ಟ್ವೀಟ್​ ಮಾಡಿದ್ದಾರೆ.

ಇದನ್ನು ನೋಟಿದ ನೆಟ್ಟಿಗರು, ಅಭಿಮಾನಿಗಳು, ಸಾರ್ವಜನಿಕರು ಗಂಗೂಲಿ ಅವರ ಮುಂದಿನ ಪ್ಲಾನ್​ ಏನಿರಬಹುದು? ರಾಜಕೀಯಕ್ಕೆ ಹೋಗುವ ಸುಳಿವು ಕೊಟ್ಟರೇ? ಬಿಸಿಸಿಐ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟಿರಬೇಕು ಎಂದೆಲ್ಲ ಚರ್ಚಿಸುತ್ತಿದ್ದಾರೆ.

https://www.vijayavani.net/a-attempt-to-set-fire-to-minister-nageshs-home-homeminister-emergency-news-conference/

https://www.vijayavani.net/bjp-leader-anantaraju-death-case-lover-rekha/