RCB ನಾಯಕನಾಗಿ ರಜತ್​ ನೇಮಕಗೊಂಡ ಹಿಂದಿದೆ ಈ ಏಳು ಕಾರಣಗಳು; ವಿವರ ಕೇಳಿ ಈ ಸಲ ಕಪ್ ನಮ್ದೆ ಎಂದ ಫ್ಯಾನ್ಸ್​

ಬೆಂಗಳೂರು: 18ನೇ ಆವೃತ್ತಿಯ ಐಪಿಎಲ್​ನಲ್ಲಿ ಆರ್​ಸಿಬಿ (RCB) ತಂಡವನ್ನು ಯಾರು ಮುನ್ನಡೆಸಲಿದ್ದಾರೆ ಎಂಬ ಕುತೂಹಲಕ್ಕೆ ಫ್ರಾಂಚೈಸಿ ತೆರೆ ಎಳೆದಿದ್ದು, ಮಧ್ಯಪ್ರದೇಶದ ಮೂಲದ ಸ್ಫೋಟಕ ಆಟಗಾರ ರಜತ್​​ ಪಾಟಿದಾರ್​ಗೆ (Rajat Patidar) ಕ್ಯಾಪ್ಟನ್ಸಿ ಪಟ್ಟವನ್ನು ನೀಡಿದೆ. ಈ ಮೊದಲು ವಿರಾಟ್​ಗೆ ಕ್ಯಾಪ್ಟನ್ಸಿ ಪಟ್ಟ ನೀಡಲಾಗುತ್ತದೆ ಎಂದು ಊಹಿಸಲಾಗಿತ್ತಾದರು ಅಂತಿಮವಾಗಿ ಫ್ರಾಂಚೈಸಿ ಯುವ ಹಾಗೂ ಅನುಭವಿ ಆಟಗಾರನಿಗೆ ಮಣೆ ಹಾಕುವ ಮೂಲಕ ಅಚ್ಚರಿ ಮೂಡಿಸಿದೆ.

ಇನ್ನೂ ಆರ್​ಸಿಬಿ (RCB) ನೂತನ ನಾಯಕನ ಆಯ್ಕೆ ಹಿಂದೆ ಹಲವು ಕಾರಣಗಳು ಅಡಗಿದ್ದು, ಪ್ರಮುಖವಾಗಿ ಏಳು ಕಾರಣಗಳನ್ನು ಉಲ್ಲೇಖಿಸಲಾಗುತ್ತಿದೆ. 20222ರಿಂದಲೂ ಆರ್​ಸಿಬಿ ಭಾಗವಾಗಿರುವ ರಜತ್​ ತಮ್ಮ ಅಮೋಘ ಪ್ರದರ್ಶನದ ಮೂಲಕ ಗಮನ ಸೆಳೆದಿದ್ದು, ಫ್ಯಾನ್ಸ್​ಗೆ ಅಚ್ಚುಮೆಚ್ಚಾಗಿದ್ದಾರೆ. ರಜತ್ ಆಯ್ಕೆ ಹಿಂದೆ ಏಳು ಕಾರಣಗಳನ್ನು ಉಲ್ಲೇಖಿಸಲಾಗಿದ್ದು, ಅಭಿಮಾನಿಗಳ ಆಸೆಯನ್ನು ಸಾಕಾರಗೊಳಿಸಲಿದ್ದಾರಾ ಎಂದು ಕಾದು ನೋಡಬೇಕಿದೆ.

ಮಧ್ಯಪ್ರದೇಶ ಮೂಲದ 31 ವರ್ಷದ ರಜತ್​ ಪಾಟಿದಾರ್​ ಇತ್ತೀಚೆಗೆ ದೇಶೀಯ ಟಿ20 ಕ್ರಿಕೆಟ್​ ಟೂರ್ನಿ ಸಯ್ಯದ್​ ಮುಷ್ತಾಕ್​ ಅಲಿ ಟ್ರೋಫಿಯಲ್ಲಿ ತನ್ನ ತವರು ರಾಜ್ಯ ತಂಡದ ನಾಯಕರಾಗಿ ಫೈನಲ್​ಗೇರಿಸಿದ್ದರು. ಅಲ್ಲದೆ ಬ್ಯಾಟಿಂಗ್​ನಲ್ಲೂ ಮಿಂಚಿ 428 ರನ್​ಗಳೊಂದಿಗೆ ಟೂರ್ನಿಯ 2ನೇ ಗರಿಷ್ಠ ರನ್​ ಸ್ಕೋರರ್​ ಆಗಿದ್ದರು. ಅಲ್ಲದೇ, ಕಳೆದ ಐಪಿಎಲ್​ ಸೀಸನ್​ನಲ್ಲಿ ಆರ್​ಸಿಬಿ ಪರ ಪಾಟೀದರ್​ ಅತ್ಯುತ್ತಮ ಪ್ರದರ್ಶನ ನೀಡಿದರು. ಈ ಹಿನ್ನೆಲೆಯಲ್ಲಿ ರಜತ್​ ಪಾಟಿದಾರ್​, ಆರ್​ಸಿಬಿ ನಾಯಕತ್ವದ ರೇಸ್​ನಲ್ಲಿ ಮುಂಚೂಣಿಯಲ್ಲಿದ್ದರು. ಅಂತಿಮವಾಗಿ ಫ್ರಾಂಚೈಸಿ (RCB) ಅವರನ್ನೇ ಅಧಿಕೃತವಾಗಿ ಆಯ್ಕೆ ಮಾಡಲಾಗಿದೆ.

ಆಯ್ಕೆ ಹಿಂದಿನ ಕಾರಣಗಳು ಹೀಗಿವೆ

1.  ಸೈಯದ್ ಮುಷ್ತಾಕ್ ಆಲಿ ಟೂರ್ನಿಯಲ್ಲಿ ಮಧ್ಯ ಪ್ರದೇಶ ನಾಯಕನಾಗಿ ಸಕ್ಸಸ್
2.  ರಜತ್​ ನಾಯಕತ್ವದಲ್ಲಿ 10 ಪಂದ್ಯಗಳಲ್ಲಿ ಮಧ್ಯ ಪ್ರದೇಶ 8 ಪಂದ್ಯ ಗೆಲುವು
3.  ಹೈ-ಫ್ರೆಷರ್ ಗೇಮ್​ಗಳಲ್ಲಿ ರಜತ್​ಗಿದೆ ಬಿಗ್ ಇನ್ನಿಂಗ್ಸ್​ ಕಟ್ಟಬಲ್ಲ ಸಾಮರ್ಥ್ಯ
4.  ಬೌಲಿಂಗ್ ಚೇಂಜ್‌, ಫೀಲ್ಡಿಂಗ್‌ ಅಡ್ಜಸ್ಟ್​ಮೆಂಟ್​ನಲ್ಲಿ ನಾಯಕತ್ವದ ಚಾಣಾಕ್ಷತೆ
5.  ಕಳೆದ ಸೀಸನ್​ನಲ್ಲಿ ಆರ್​ಸಿಬಿ ಪರ ಪಾಟಿದಾರ್​ ಮ್ಯಾಚ್ ವಿನ್ನಿಂಗ್ ಆಟ
6.  ಕೂಲ್ ಅಂಡ್ ಕಾಮ್, ಎಲ್ಲರೊಂದಿಗೆ ಬೆರೆಯುವ ಗುಣ ರಜತ್​ಗೆ ಇದೆ
7.  ಆರ್​ಸಿಬಿ ತಂಡದ ಕಲ್ಚರ್​ ಬಗ್ಗೆ ರಜತ್​ ಪಾಟಿದಾರ್​ಗೆ ಅರಿವು

https://www.vijayavani.net/is-urfi-javed-engaged-fans-speculate-after-her-ring-ceremony-photo-with-a-mystery-man-goes-viral

https://www.vijayavani.net/virat-kohli-was-an-option-rcb-director-mega-revelation-on-rajat-patidar-being-named-as-skipper