ನವದೆಹಲಿ: ಈಗಾಗಲೇ ಐಪಿಎಲ್ ರಿಟೆನ್ಶನ್ ಪ್ರಕ್ರಿಯೆ ಮುಕ್ತಾಯಗೊಂಡಿದ್ದು, ಫ್ರಾಂಚೈಸಿಗಳಿಂದ ಸ್ಟಾರ್ ಆಟಗಾರರೇ ಹೊರಬಿದ್ದಿದ್ದಾರೆ. ಇದೀಗ ಐಪಿಎಲ್ ಹರಾಜಿನತ್ತ ಮುಖ ಮಾಡಿರುವ ಆಟಗಾರರನ್ನು ತಮ್ಮ ಫ್ರಾಂಚೈಸಿಗೆ ಎಳೆದುಕೊಳ್ಳುವುದು ಆಯಾ ತಂಡಗಳಿಗೆ ದೊಡ್ಡ ಸವಾಲಾಗಿದೆ. ಇದಕ್ಕೆ ಕಾರಣ, ನಿಗದಿತ ಬಜೆಟ್ನಡಿ ಕ್ರಿಕೆಟಿಗರನ್ನು ಆಯ್ಕೆ ಮಾಡಿಕೊಳ್ಳಬೇಕಿದೆ. ಈ ಮಧ್ಯೆ ಅವರು ಟೀಮ್ಗೆ ಲಾಭದಾಯಕವೇ, ಅತ್ಯುತ್ತಮ ಆಟಗಾರರೇ, ಉತ್ತಮ ಕೊಡುಗೆ ಕೊಡಬಲ್ಲರೇ? ಈ ಎಲ್ಲಾ ಅಂಶವನ್ನು ಗಮನದಲ್ಲಿಟ್ಟುಕೊಂಡು, ನಿರ್ದಿಷ್ಟ ಬಜೆಟ್ನಲ್ಲಿ ಖರೀದಿ ಮಾಡಬೇಕು. ಈ ಕುರಿತು ಸದ್ಯ 10 ತಂಡಗಳಲ್ಲಿಯೂ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಸ್ಟಾರ್ ಆಟಗಾರರ ಪೈಕಿ ಕಳೆದ ಸೀಸನ್ ರಾಜಸ್ಥಾನ ರಾಯಲ್ಸ್ ಪರ ಅದ್ಭುತ ಪ್ರದರ್ಶನ ನೀಡಿದ ಇಂಗ್ಲೆಂಡ್ನ ಸ್ಫೋಟಕ ಬ್ಯಾಟರ್ ಜಾಸ್ ಬಟ್ಲರ್ (Jos Buttler) ಮೇಲೆ ಇದೀಗ ಐದು ಬಲಿಷ್ಠ ಫ್ರಾಂಚೈಸಿಗಳು ಕಣ್ಣಿಟ್ಟಿದ್ದು, ಹರಾಜು ಪ್ರಕ್ರಿಯೆಯಲ್ಲಿ ಖರೀದಿಸಲು ಎದುರುನೋಡುತ್ತಿವೆ ಎಂದು ವರದಿಯಾಗಿದೆ.
