ಟೆಸ್ಟ್​ ಸರಣಿ ಮುಗಿಯುವ ಮುನ್ನವೇ Team Indiaದಿಂದ ಮೂವರು ಆಟಗಾರರು ರಿಲೀಸ್​; ಹೀಗಿದೆ ಕಾರಣ

ಕಾನ್ಪುರ: ಇಲ್ಲಿನ ಗ್ರೀನ್​ ಪಾರ್ಕ್​ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಭಾರತ ಹಾಗೂ ಬಾಂಗ್ಲಾದೇಶ ನಡುವಿನ ಟೆಸ್ಟ್​ ಸರಣಿಯ ಎರಡನೇ ಪಂದ್ಯದಲ್ಲಿ ಆತಿಥೇಯರು ಪ್ರವಾಸಿ ತಂಡದ ಎದುರು ಭರ್ಜರಿ ಪ್ರದರ್ಶನ ನೀಡುತ್ತಿದ್ದು, ಹಲವು ದಾಖಲೆಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಇನ್ನೂ ಸರಣಿ ಮುಗಿಯುವ ಮುನ್ನವೇ ಭಾರತ ತಂಡದಿಂದ (Team India) ಮೂವರನ್ನು ಬಿಡುಗಡೆ ಮಾಡಲಾಗಿದ್ದು, ಈ ಬಗ್ಗೆ ಕಾರಣವನ್ನು ಸಹ ಉಲ್ಲೇಖಿಸಲಾಗಿದೆ.

ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಗೆ (Test Series) ಆಯ್ಕೆಯಾಗಿದ್ದ ಸರ್ಫರಾಝ್ ಖಾನ್, ಧ್ರುವ್ ಜುರೇಲ್ ಹಾಗೂ ಯಶ್ ದಯಾಳ್ ಅವರನ್ನು ಭಾರತ ತಂಡದಿಂದ ಸೋಮವಾರ ಬಿಡುಗಡೆ ಮಾಡಲಾಗಿದೆ. ಈ ಮೂವರು ಆಟಗಾರರು ಮುಂಬರುವ ಇರಾನಿ ಕಪ್ಗೆ ಆಯ್ಕೆಯಾಘಿದ್ದು, ಅಕ್ಟೋಬರ್​ 01ರಿಂದ ಆರಂಭವಾಗಲಿರುವ ಸರಣಿಯಲ್ಲಿ ಈ ಮೂವರು ಆಟಗಾರರು ಕಣಕ್ಕಿಳಿಯಲಿದ್ದಾರೆ.

ಇದನ್ನೂ ಓದಿ: ವಿದೇಶಿ ಆಟಗಾರರಿಗೆ BCCI ಶಾಕ್​; ಇನ್ಮುಂದೆ ಈ ರೀತಿ ಮಾಡಿದ್ರೆ IPLನಿಂದ ಬ್ಯಾನ್​ ಆಗೋದಂತು ಪಕ್ಕಾ

ಬಾಂಗ್ಲಾದೇಶ ವಿರುದ್ಧ ದ ಮೊಲದ ಪಂದ್ಯದಲ್ಲೂ ಈ ಮೂವರು ಆಟಗಾರರಿಗೆ ಮಣೆ ಹಾಕಿರಲಿಲ್ಲ. ಹೀಗಾಗಿ ಅವರು ಬೆಂಚ್​ ಕಾಯಬೇಕಾಗಿ ಬಂತು. ಸರಣಿಯ ಎರಡನೇ ಪಂದ್ಯದಲ್ಲೂ ಈ ಮೂವರು ಬೆಂಚ್​ ಕಾದಿದ್ದರು. ಇದೀಗ ಈ ಮೂವರು ಆಟಗಾರರನ್ನು ತಂಡದಿಂದ ರಿಲೀಸ್ ಮಾಡಲಾಗಿದ್ದು, ಮುಂಬರುವ ಬಾರ್ಡರ್​-ಗವಾಸ್ಕರ್​ ಟ್ರೋಫಿಗೆ ಆಯ್ಕೆ ಮಾಡುವ ಸಾಧ್ಯತೆ ಹೆಚ್ಚಿದೆ.

ವಿಕೆಟ್‌ಕೀಪರ್-ಬ್ಯಾಟರ್ ಜುರೆಲ್ ಮತ್ತು ಎಡಗೈ ವೇಗದ ಬೌಲರ್ ದಯಾ ರೆಸ್ಟ್​ ಆಫ್​ ಇಂಡಿಯಾವನ್ನು ಪ್ರತಿನಿಧಿಸಲಿದ್ದು, ಸರ್ಫರಾಝ್​​ ಖಾನ್​ ಮುಂಬೈ ತಂಡವನ್ನು ಪ್ರತಿನಿಧಿಸಲಿದ್ದಾರೆ. ಅಕ್ಟೋಬರ್​ 01ರಿಂದ ಲಖನೌನಲ್ಲಿ ಇರಾನಿ ಕಪ್​ ಆರಂಭವಾಗಲಿದ್ದು, ಮುಂಬೈ ತಂಡವನ್ನು ಅಜಿಂಕ್ಯ ರಹಾನೆ ಮುನ್ನಡೆಸಿದರೆ, ರೆಸ್ಟ್​ ಆಫ್​ ಇಂಡಿಯಾ ತಂಡವನ್ನು ಋತುರಾಜ್​ ಗಾಯಕ್ವಾಡ್​ ಮುನ್ನಡೆಸಲಿದ್ದಾರೆ.

https://www.vijayavani.net/no-no-no-rohit-sharma-quashes-retirement-plans-reveals-his-decision-to-quit-t20is-video-i

https://www.vijayavani.net/actor-darshan-fans-slits-mans-throat-for-restricting-them-to-tell-slogan