ಈ ಮೂವರು ಆಸ್ಟ್ರೇಲಿಯಾ ಆಟಗಾರರೇ ಕೆಕೆಆರ್​ ಟಾರ್ಗೆಟ್​! ಏನಾಗಲಿದೆ ಲೆಕ್ಕಾಚಾರ? IPL 2025 Auction

ನವದೆಹಲಿ: ಐಪಿಎಲ್​ 18ನೇ ಆವೃತ್ತಿ ಬಗ್ಗೆ ಮಾಹಿತಿ ಹೊರಬೀಳುತ್ತಿದ್ದಂತೆ ಈಗಾಗಲೇ ಹಲವು ವಿಷಯಗಳು ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡಲು ಆರಂಭಿಸಿವೆ. ಮುಂಬರುವ​ ಸೀಸನ್​ನಲ್ಲಿ ಮಹತ್ವದ ಬದಲಾವಣೆಗಳು ಆಗಲಿದೆ ಎಂಬ ನಿರೀಕ್ಷೆಗಳೇ ಸದ್ಯ ಜೋರಾಗಿದ್ದು, ಐಪಿಎಲ್​ ಮೆಗಾ ಹರಾಜು ಪ್ರಕ್ರಿಯೆಯಲ್ಲಿ (IPL 2025 Auction) ಆಯಾ ಫ್ರಾಂಚೈಸಿಗಳ ಕ್ಯಾಪ್ಟನ್​ಗಳು ಸೇರಿದಂತೆ ಸ್ಟಾರ್​ ಆಟಗಾರರು ಈಗಿರುವ ತಮ್ಮ ತಂಡ ಬಿಟ್ಟು ಬೇರೆ ತಂಡಗಳಿಗೆ ಸೇರುತ್ತಾರೆ ಎಂಬ ಸುದ್ದಿಗಳು ಐಪಿಎಲ್ ಅಭಿಮಾನಿಗಳಲ್ಲಿ ಭಾರೀ ಗೊಂದಲ ಹುಟ್ಟುಹಾಕಿದೆ. ಕಳೆದ ಬಾರಿ ಐಪಿಎಲ್​ ಟ್ರೋಫಿಗೆ ಮುತ್ತಿಟ್ಟಿದ ಕೋಲ್ಕತ ನೈಟ್​ ರೈಡರ್ಸ್​ ಪಡೆ, ಆಕ್ಷನ್​ನಲ್ಲಿ ಯಾವ ಸ್ಟಾರ್​ ಆಟಗಾರರನ್ನು ತಮ್ಮ ತಂಡಕ್ಕೆ ಕರೆದುಕೊಳ್ಳಬೇಕು ಎಂಬ ಲೆಕ್ಕಾಚಾರದಲ್ಲಿ ಮುಳುಗಿದೆ. ವರದಿಗಳ ಪ್ರಕಾರ, ಮೂರು ಆಸ್ಟ್ರೇಲಿಯಾ ಆಟಗಾರರಿಗೆ ಗಾಳ ಹಾಕಿದೆ ಎನ್ನಲಾಗಿದೆ.

ಇದನ್ನೂ ಓದಿ: ವಯೋಸಹಜ ಕಾಯಿಲೆಗೆ ಬೇಸತ್ತು ವಿಷ ಸೇವಿಸಿ ವೃದ್ಧ ಆತ್ಮಹತ್ಯೆ

ಪ್ರಸ್ತುತ ಟೀಮ್ ಇಂಡಿಯಾದ ಹೆಡ್​ ಕೋಚ್ ಗೌತಮ್ ಗಂಭೀರ್​ ನೇತೃತ್ವದಲ್ಲಿ ಐಪಿಎಲ್​ 2024ರ ಆವೃತ್ತಿಯ ಪ್ರಶಸ್ತಿ ಮುಡಿಗೇರಿಸಿಕೊಂಡ ಕೋಲ್ಕತ ನೈಟ್​ ರೈಡರ್ಸ್​, ಸುನಿಲ್ ನರೈನ್​, ವೆಂಕಟೇಶ್​ ಐಯ್ಯರ್​, ಕ್ಯಾಪ್ಟನ್​ ಶ್ರೇಯಸ್​ ಐಯ್ಯರ್, ಆ್ಯಂಡ್ರೆ ರಸ್ಸೆಲ್​, ರಿಂಕು ಸಿಂಗ್, ಮಿಚೆಲ್ ಸ್ಟಾರ್ಕ್​ ಸೇರಿದಂತೆ ಸ್ಟಾರ್​ ಪ್ಲೇಯರ್​ಗಳ ಭರ್ಜರಿ ಪ್ರದರ್ಶನದಿಂದ 17ನೇ ಆವೃತ್ತಿಯನ್ನು ವಶಪಡಿಸಿಕೊಳ್ಳುವಲ್ಲಿ ಸಾಧ್ಯವಾಯಿತು. ಈ ಹಿಂದಿನಿಂದಲೂ ಐಪಿಎಲ್​ ಲೀಗ್​ನಲ್ಲಿ ​ಇತರೆ ತಂಡಗಳಿಗೆ ಭಾರೀ ಪೈಫೋಟಿ ನೀಡುತ್ತ ಬಂದಿರುವ ಕೆಕೆಆರ್​, ಇದೀಗ ತಮ್ಮ ಫ್ರಾಂಚೈಸಿಗೆ ಮೂವರು ಆಸ್ಟ್ರೇಲಿಯಾ ಆಟಗಾರರನ್ನು ಖರೀದಿಸಲು ಎದುರುನೋಡುತ್ತಿದೆ. ಅಷ್ಟಕ್ಕೂ ಯಾರು ಆ ಮೂವರು? ಎಂಬ ಪ್ರಶ್ನೆಗೆ ಉತ್ತರ ಈ ಕೆಳಕಂಡಂತಿದೆ.

ಈ ಮೂವರೇ ಆ  ಸ್ಟಾರ್​ ಆಟಗಾರರು

ಇದನ್ನೂ ಓದಿ: ಲೋನ್​ ಕೊಡುವ ನೆಪದಲ್ಲಿ 74 ಸಾವಿರ ರೂ. ವಂಚನೆಪ್ಯಾಟ್​ ಕಮ್ಮಿನ್ಸ್: ​ಆಸ್ಟ್ರೇಲಿಯಾ ಕ್ಯಾಪ್ಟನ್​ ಆಗಿರುವ ಬೌಲಿಂಗ್​ ಸ್ಪೆಷಲಿಸ್ಟ್​ ಕಮ್ಮಿನ್ಸ್​, ಸನ್​ರೈಸರ್ಸ್​ ಹೈದರಾಬಾದ್​ ತಂಡಕ್ಕೂ ನಾಯಕನಾಗಿ ಐಪಿಎಲ್​ನಲ್ಲಿ ಕಣಕ್ಕಿಳಿಯುತ್ತಾರೆ. ಕಳೆದ ಸೀಸನ್​ನಲ್ಲಿ ತಂಡವನ್ನು ಫೈನಲ್​​ ಹಂತದವರೆಗೂ ಯಶಸ್ವಿಯಾಗಿ ಕೊಂಡೊಯ್ದ ಪ್ಯಾಟ್​ ಕಮ್ಮಿನ್ಸ್​, ಸನ್​ರೈಸರ್ಸ್​ ಎದುರು ಗೆಲ್ಲುವಲ್ಲಿ ವಿಫಲರಾದರು. ಅತ್ಯುತ್ತಮ ಕ್ಯಾಪ್ಟನ್ಸಿ ಜತೆ ಉತ್ತಮ ಬೌಲಿಂಗ್ ಸಾಮರ್ಥ್ಯ ಹೊಂದಿರುವ ಕಮ್ಮಿನ್ಸ್​ ಮೇಲೆ ಕೆಕೆಆರ್​ ಕಣ್ಣಿಟ್ಟಿರುವುದು ಬೆಸ್ಟ್​ ಚಾಯ್ಸ್​ ಎಂದೇ ಹೇಳಬಹುದು.

ಡೇವಿಡ್​ ವಾರ್ನರ್​: ಟಿ20 ಸ್ಪೆಷಲಿಸ್ಟ್​ ಬ್ಯಾಟರ್​​ ಎಂದೇ ಕರೆಯಲ್ಪಡುವ ವಾರ್ನರ್​, ಓಪನಿಂಗ್​ ಇರಲಿ, ಮೂರನೇ ಕ್ರಮಾಂಕದಲ್ಲಿಯೇ ಬರಲಿ ತಮ್ಮ ಬ್ಯಾಟಿಂಗ್ ಆರ್ಭಟವನ್ನು ಎಂದಿಗೂ ನಿಲ್ಲಿಸುವುದಿಲ್ಲ. ಸಿಕ್ಸರ್​, ಬೌಂಡರಿಯಿಂದಲೇ ಸ್ಟೇಡಿಯಂನಲ್ಲಿ ತುಂಬಿರುವ ಜನರನ್ನು ಕುಣಿದು ಕುಪ್ಪಳಿಸುವಂತೆ ಮಾಡುತ್ತಾರೆ. ಮೈದಾನದಲ್ಲಿ ಆಗಾಗ್ಗೆ ಡ್ಯಾನ್ಸ್​ ಮಾಡುವ ಮುಖೇನ ಎಲ್ಲರ ಗಮನಸೆಳೆಯುತ್ತಾರೆ. ಯುವ ಕ್ರಿಕೆಟಿಗರನ್ನೇ ನಾಚಿಸುವಂತೆ ಆಟ ಪ್ರದರ್ಶಿಸುವ ವಾರ್ನರ್, ತಮ್ಮ ತಂಡದಲ್ಲಿದ್ದರೆ ಉತ್ತಮ ಎಂದು ಕೆಕೆಆರ್​ ಯೋಚಿಸಿದೆ. ಸದ್ಯ ಈ ಮೂವರನ್ನು ಬಿಡ್​ ಮಾಡಿ ಕರೆದುಕೊಳ್ಳಲಿದೆಯಾ ಅಥವಾ ಯಾರಾದರೂ ಒಬ್ಬರನ್ನು ಖರೀದಿ ಮಾಡಲಿದೆಯಾ ಎಂಬುದನ್ನು ಕಾದು ತಿಳಿಯಬೇಕಿದೆ,(ಏಜೆನ್ಸೀಸ್).

https://www.vijayavani.net/men-wear-saree-like-women