ಲೈವ್​ ಸ್ಟ್ರೀಮಿಂಗ್​ ವೇಳೆ ಕೊರಿಯಾ ಯುವತಿಗೆ ಕಿರುಕುಳ: ವಿಡಿಯೋ ವೈರಲ್​, ಯುವಕರಿಬ್ಬರ ಬಂಧನ

ಮುಂಬೈ: ಲೈವ್​ ಸ್ಟ್ರೀಮಿಂಗ್​ ಮಾಡುವ ವೇಳೆ ದಕ್ಷಿಣ ಕೊರಿಯಾ ಮೂಲದ ಮಹಿಳಾ ಯೂಟ್ಯೂಬರ್​ಗೆ ಕಿರುಕುಳ ನೀಡಿದ ಯುವಕರಿಬ್ಬರನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ.

ಕಳೆದ ರಾತ್ರಿ (ನ.30) ಈ ಘಟನೆ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಯುವಕರ ನಡೆಗೆ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಆಕ್ರೋಶ ಸಹ ವ್ಯಕ್ತವಾಗಿದೆ.

ಮುಂಬೈ ಬೀದಿಯಲ್ಲಿ ಲೈವ್​ ಸ್ಟ್ರೀಮಿಂಗ್​ ಮಾಡುತ್ತಿದ್ದ ಕೊರಿಯಾ ಯುವತಿಯ ಬಳಿ ಬಂದ ಯುವಕನೊಬ್ಬ ಆಕೆ ವಿರೋಧಿಸಿದರೂ ಕೈಹಿಡಿದುಕೊಳ್ಳುತ್ತಾನೆ. ಬಳಿಕ ಬೈಕ್​ ಮೇಲೆ ಏರುವಂತೆ ಒತ್ತಾಯ ಮಾಡುತ್ತಾನೆ. ಎಲ್ಲಿಗೆ ಎಂದು ಪ್ರಶ್ನಿಸುತ್ತಾಳೆ. ಬಳಿಕ ನನ್ನ ಡ್ರೆಸ್ ಸರಿಯಿಲ್ಲ ನಾಳೆ ಬರುತ್ತೇನೆ ಎಂದು ಹೇಳುತ್ತಾಳೆ. ನಂತರ ಯುವಕ ಆಕೆಯ ತಲೆ ಹಿಡಿದು ಮುತ್ತು ಕೊಡಲು ಯತ್ನಿಸುತ್ತಾನೆ. ಈ ವೇಳೆ ಆಕೆ ಹೇಗೋ ಉಪಾಯದಿಂದ ಬಿಡಿಸಿಕೊಳ್ಳುತ್ತಾಳೆ.

ಇಷ್ಟಕ್ಕೆ ಸುಮ್ಮನಾಗದ ಯುವಕರು ಕೊರಿಯಾ ಯುವತಿ ನಡೆದು ಹೋಗುವಾಗ ಹಿಂಬಾಲಿಸಿಕೊಂಡು ಬಂದು ಬೈಕ್​ ಮೇಲೆ ಕೂರುವಂತೆ ಕೇಳುತ್ತಾರೆ. ಬಳಿಕ ಅವರ ಕೈಯಿಂದ ತಪ್ಪಿಸಿಕೊಂಡು ಕೊರಿಯಾ ಯುವತಿ ಮನೆ ಸೇರಿಕೊಳ್ಳುತ್ತಾಳೆ. ಇದಿಷ್ಟು ಘಟನೆ ಸಾವಿರಾರು ಜನರ ಮುಂದೆಯೇ ನಡೆದಿದೆ. ದೂರದ ಊರಿನಿಂದ ಭಾರತಕ್ಕೆ ಬಂದ ಅತಿಥಿಯನ್ನು ಈ ರೀತಿನಾ ನಡೆಸಿಕೊಳ್ಳೋದು ಎಂಬ ಟೀಕೆ ಸಾಮಾಜಿಕ ಜಾಲತಾಣದಲ್ಲಿ ವ್ಯಕ್ತವಾಗುತ್ತಿದೆ. ಯುವಕರಿಬ್ಬರಿಗೆ ಕಠಿಣ ಶಿಕ್ಷೆ ನೀಡುವಂತೆ ಆಗ್ರಹಿಸಿದ್ದಾರೆ.

ಅಂದಹಾಗೆ ಸಂತ್ರಸ್ತ ಕೊರಿಯಾ ಯುವತಿಯನ್ನು ಮ್ಹ್ಯೋಚಿ ಎಂದು ಗುರುತಿಸಲಾಗಿದೆ. ಘಟನೆಯ ಬಗ್ಗೆ ಟ್ವೀಟ್​ ಮಾಡಿರುವ ಮ್ಹ್ಯೋಚಿ, ಕಳೆದ ರಾತ್ರಿ ಲೈವ್​ ಸ್ಟ್ರೀಮ್​ ಮಾಡುತ್ತಿದೆ. ಅಲ್ಲೊಬ್ಬ ಯುವಕ ನನಗೆ ಕಿರುಕುಳ ನೀಡಿದೆ. ಪರಿಸ್ಥಿತಿಯನ್ನು ಪ್ರಕೋಪಕ್ಕೆ ತೆಗೆದುಕೊಂಡು ಹೋಗದಂತೆ ಹೇಗೋ ನಿಭಾಯಿಸಿದೆತುಂಬಾ ಸ್ನೇಹಪರ ಮತ್ತು ಆಪ್ತವಾಗಿ ಸಂಭಾಷಣೆಯಲ್ಲಿ ತೊಡಗಿಸಿಕೊಂಡಿದ್ದರಿಂದ ಇದು ಪ್ರಾರಂಭವಾಯಿತು ಎಂದು ಕೆಲವು ಜನರು ಹೇಳಿದರು. ಇದೀಗ ಸ್ಟ್ರೀಮಿಂಗ್ ಮಾಡುವ ಮುನ್ನ ಮತ್ತೊಮ್ಮೆ ಯೋಚಿಸುವಂತೆ ಈ ಘಟನೆ ಪ್ರಭಾವ ಬೀರಿದೆ ಎಂದು ಹೇಳಿದ್ದಾರೆ.

ಯುವಕರಿಬ್ಬರನ್ನು ಬಂಧಿಸಿರುವ ಮುಂಬೈ ಪೊಲೀಸರು ವಿಡಿಯೋ ಆಧಾರದ ಮೇಲೆ ಇಬ್ಬರ ವಿರುದ್ಧ ಲೈಂಗಿಕ ಕಿರುಕುಳ ಪ್ರಕರಣವನ್ನು ದಾಖಲಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/bengaluru-muslim-college-hindu-college-hindu-organisations-waqf-board-state-govt/

https://www.vijayavani.net/muslim-trade-hindu-organisations-bengaluru-street-vendors-union-vv-puram-subramanya-temple/

https://www.vijayavani.net/kolar-police-heart-attack-bangarpet-police-station-kolar-police/