ಮುಂಬೈ: ಟಾಲಿವುಡ್ನ ಬ್ಯೂಟಿ, ‘ಸೀತಾರಾಮಂ’ ಖ್ಯಾತಿಯ ನಟಿ ಮೃಣಾಲ್ ಠಾಕೂರ್ ಇದೀಗ ಆಗಾಗ್ಗೆ ಮಾಧ್ಯಮದಲ್ಲಿ, ಜಾಲತಾಣಗಳಲ್ಲಿ ಸುದ್ದಿಯಲ್ಲಿರುತ್ತಾರೆ. ಬಹುತೇಕ ಸಿನಿಮಾ ವಿಷಯಗಳಿಂದಲೇ ಹೆಚ್ಚು ಸದ್ದು ಮಾಡುವ ಈ ಸೌತ್ ಬ್ಯೂಟಿ, ಕೆಲವೊಂದು ಖಾಸಗಿ ಜೀವನಕ್ಕೆ ಸಂಬಂಧಿಸಿದಂತೆ ಮಾತನಾಡುವ ವಿಚಾರಗಳಿಗೂ ಸಖತ್ ಟ್ರೆಂಡ್ ಆಗುತ್ತಾರೆ. ಆದರೆ, ಈ ಬಾರಿ ಸಿನಿಮಾ ಕುರಿತಾಗಿ ಅಥವಾ ವದಂತಿಗಳಿಂದ ಅಲ್ಲ, ಬದಲಿಗೆ ಚಿತ್ರರಂಗಕ್ಕೂ ಬರುವ ಮುನ್ನ ನಟಿಯ ಹಳೆಯ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ಫೋಟೋ ನೆಟ್ಟಿಗರ ಹುಬ್ಬೇರಿಸಿದ್ದು, ಇದು ನಿಜಕ್ಕೂ ಮೃಣಾಲ್ ಅವರೇನಾ? ಎಂದು ಆಶ್ಚರ್ಯ ವ್ಯಕ್ತಪಡಿಸುವಂತೆ ಮಾಡಿದೆ.
