ಫ್ರಾನ್ಸ್​​ನಿಂದ ಆಮ್ಲಜನಕ ಪ್ಲಾಂಟ್ ತರಿಸಲು ಸೋನು ಸೂದ್ ತಯಾರಿ

ಮುಂಬೈ: ಕರೊನಾದಿಂದ ಸಂಕಷ್ಟಕ್ಕೆ ಒಳಗಾದವರ ಪೈಕಿ ಗಟ್ಟಿಯಾಗಿ ನಿಂತವರು ಬಾಲಿವುಡ್​ ನಟ ಸೋನು ಸೂದ್​. ಸಾವಿರಾರು ಜನರಿಗೆ ತಮ್ಮದೇ ರೀತಿಯಲ್ಲಿ ಸಹಾಯ ಮಾಡುತ್ತಾ ಬಂದಿರುವ ಸೋನು ಸೂದ್​, ಇದೀಗ ಇನ್ನೊಂದು ಹೊಸ ಹೆಜ್ಜೆಯನ್ನು ಇಟ್ಟಿದ್ದಾರೆ.

ಇದನ್ನೂ ಓದಿ: ಆಕ್ಸಿಜನ್‌ ಮುಗೀತಿದೆ, ಯಾರೂ ಬರ್ತಿಲ್ಲ… ಮೃತ ನಟ ರಾಹುಲ್‌ನ ಹೃದಯವಿದ್ರಾವಕ ವಿಡಿಯೋ ಹಂಚಿಕೊಂಡ ಪತ್ನಿ

ದೇಶದ ಹಲವು ರಾಜ್ಯಗಳಲ್ಲಿ ಆಕ್ಸಿಜನ್​ನ ಅಭಾವ ಎದುರಾಗಿದ್ದು, ಹಾಹಾಕಾರ ಎದ್ದಿದೆ. ಕರೊನಾಗೆ ಅಪಾರ ಹಾನಿಗೊಳಗಾದ ರಾಜ್ಯಗಳಲ್ಲಿ ಕನಿಷ್ಠ ನಾಲ್ಕು ಆಮ್ಲಜನಕ ಸ್ಥಾವರಗಳನ್ನು ಸ್ಥಾಪಿಸಲು ಸೋನು ಸೂದ್ ಯೋಜಿಸುತ್ತಿದ್ದಾರೆ.

ಈಗಾಗಲೇ, ಫ್ರಾನ್ಸ್​ ದೇಶದಿಂದ ಮೊದಲ ಸ್ಥಾವರವನ್ನು ಸಿದ್ಧತೆ ಮಾಡಿಕೊಳ್ಳಲಾಗಿದ್ದು, ಮುಂದಿನ 10-12 ದಿನಗಳಲ್ಲಿ ಭಾರತಕ್ಕೆ ಆಕ್ಸಿಜನ್​ ಪ್ಲಾಂಟ್​ ಬರಲಿದೆ.

ಇದನ್ನೂ ಓದಿ: ಮದುವೆ ಆಗುವ ತಪ್ಪು ಖಂಡಿತಾ ಮಾಡುವುದಿಲ್ಲ … ಚಾರ್ಮಿ ಸ್ಪಷ್ಟನೆ

ಈ ಕುರಿತು ಮಾತನಾಡಿರುವ ಸೋನು ಸೂದ್​, ಆಕ್ಸಿಜನ್​ ಸಿಲಿಂಡರ್‌ಗಳು ಲಭ್ಯವಿಲ್ಲದ ಕಾರಣ ಸಾಕಷ್ಟು ಜನರಿಗೆ ತೊಂದರೆಯಾಗಿದ್ದೇವೆ. ಅಭಾವವಿರುವ ಕಡೆ ನಾವು ಆಮ್ಲಜನಕ ಪೂರೈಸುವುದಕ್ಕೆ ಪ್ರಯತ್ನ ನಡೆಸುತ್ತಿದ್ದೇವೆ. ಸಿಲಿಂಡರ್​ಗಳ ಜೊತೆಗೆ ಸ್ಥಾವರವನ್ನು ಇಂಪೋರ್ಟ್​ ಮಾಡಿಕೊಂಡರೆ, ಆಗ ಅಭಾವ ಕಡಿಮೆಯಾಗಬಹುದು. ಏಕೆಂದರೆ, ಈ ಆಮ್ಲಜನಕ ಸ್ಥಾವರಗಳು ಇಡೀ ಆಸ್ಪತ್ರೆಗಳಿಗೆ ಸರಬರಾಜು ಮಾಡುವುದರ ಜತೆಗೆ ಸಿಲಿಂಡರ್​ಗಳನ್ನು ಸಹ ತುಂಬಿಸಬಹುದು. ಹಾಗಾಗಿ, ಇದರಿಂದ ಕೋವಿಡ್​ನಿಂದ ಬಳಲುತ್ತಿರುವ ಜನರಿಗೆ ಸಹಾಯವಾಗಲಿದೆ ಎಂದು ಹೇಳಿಕೊಂಡಿದ್ದಾರೆ.

https://www.vijayavani.net/radhe-shyam-team-donates-set-property-to-hospital/