ಮೌಂಟನ್​ ಮ್ಯಾನ್​ ದಶರಥ ಮಾಂಜಿಗೂ ಸೋನು ಸೂದ್​ ಅಭಯ!

ಕರೊನಾ ಲಾಕ್​ಡೌನ್ ಶುರುವಾದಾಗಿನಿಂದ ಅತೀ ಹೆಚ್ಚು ಹೆಸರು ಕೇಳಿದವರಲ್ಲಿ ಸೋನು ಸೂದ್​ ಅವರ ಹೆಸರೂ ಒಂದು. ಈಗಾಗಲೇ ಮುಂಬೈನಲ್ಲಿ ಬೇರೆ ಬೇರೆ ಊರಿನವರನ್ನು ಅವರ ಊರಿಗೆ ಕಳುಹಿಸಿದ್ದರು. ಸಾಕಷ್ಟು ಜನರ ಹಸಿವನ್ನೂ ನಿಗಿಸಿದ್ದರು. ಅಷ್ಟೇ ಅಲ್ಲ ಉದ್ಯೋಗ ಇಲ್ಲದವರಿಗೆ ಉದ್ಯೋಗ ನೀಡುವ ಕೆಲಸಕ್ಕೂ ಸೋನು ಮುಂದಾಗಿದ್ದಾರೆ. ಇದೀಗ ಮೌಂಟೆನ್​ ಮ್ಯಾನ್​ಗೂ ಸೋನು ಅಭಯ ಹಸ್ತ ಚಾಚಿದ್ದಾರೆ.

ಹೌದು, ಬಾಲಿವುಡ್​ಲ್ಲಿ ಮಾಂಜಿ ಹೆಸರಿನ ಸಿನಿಮಾ ಕೆಲ ವರ್ಷಗಳ ಹಿಂದೆ ಬಿಡುಗಡೆ ಆಗಿತ್ತು. ಆ ಸಿನಿಮಾದಲ್ಲಿ ಬಾಲಿವುಡ್​ ನಟ ನವಾಜುದ್ದೀನ್​ ಸಿದ್ಧೀಕಿ ದಶರಥ ಮಾಂಜಿ ಪಾತ್ರವನ್ನು ನಿರ್ವಹಿಸಿದ್ದರು. ಇದೀಗ ಅದೇ ಅಸಲಿ ದಶರಥ ಮಾಂಜಿ ಪರಿಸ್ಥಿತಿ ಹದಗೆಟ್ಟಿದೆ.

ಇದನ್ನೂ ಓದಿ: ದರ್ಶನ್​ ಅಭಿಮಾನಿಗಳಿಂದ ರಾಬರ್ಟ್ ಸಿನಿಮಾ ಪ್ರಚಾರವೇ ವಿಭಿನ್ನ!

ಹಣಕಾಸಿನ ಸಮಸ್ಯೆಯಿಂದ ಆ ಕುಟುಂಬ ಪರದಾಡುತ್ತಿರುವ ವಿಚಾರ ಸ್ಥಳೀಯ ಪತ್ರಿಕೆಗಳಲ್ಲಿ ಸುದ್ದಿಯಾಗಿದೆ. ಇತ್ತೀಚೆಗೆ ದಶರಥ ಮಾಂಜಿ, ಮೊಮ್ಮಗಳ ಚಿಕಿತ್ಸೆಗಾಗಿ ಮೆಡಿಕಲ್​ ಲೋನ್​ ಪಡೆದುಕೊಂಡಿದ್ದರು. ಇದೀಗ ಅದನ್ನು ಸಕಾಲಕ್ಕೆ ತೀರಿಸಲೂ ಕುಟುಂಬದಿಂದ ಸಾಧ್ಯ ಆಗುತ್ತಿಲ್ಲ. ಈ ಬಗ್ಗೆ ಪತ್ರಿಕೆಯಲ್ಲಿ ಸುದ್ದಿ ಬಂದಿದ್ದೇ ತಡ, ಅದನ್ನು ಗಮನಿಸಿದ ಸೋನು ನೆರವಿಗೆ ಧಾವಿಸಿದ್ದಾರೆ.

ಇದನ್ನೂ ಓದಿ: ‘ನಾನು ಸಿಂಗಲ್​ ಹೌದು, ಆದರೆ…’- ಮನದ ಗುಟ್ಟು ಬಿಚ್ಚಿಟ್ಟ ನಟಿ ಸೋನಾಕ್ಷಿ ಸಿನ್ಹಾ !

ಇನ್ನು ಇತ್ತೀಚೆಗಷ್ಟೇ ಕಾರ್ಮಿಕರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ, ಸೋನು ಒಂದು ಹೊಸ ಆ್ಯಪ್ ಬಿಡುಗಡೆ ಮಾಡಿದ್ದರು. ಪ್ರವಾಸಿ ರೋಜ್ಗಾರ್​ ಎಂಬ ಈ ಆ್ಯಪ್ನಲ್ಲಿ ಯಾವ್ಯಾವ ಊರಿನಲ್ಲಿ ಏನೆಲ್ಲಾ ಕೆಲಸಗಳಿವೆ ಎಂಬ ಮಾಹಿತಿ ಸಹ ಇದೆ. ಅಗತ್ಯವಿರುವವರು ಆ ಆ್ಯಪ್ ಬಳಸಿಕೊಂಡು, ಸೂಕ್ತ ಕೆಲಸಗಳನ್ನು ಹುಡುಕಿಕೊಳ್ಳಬಹುದಾಗಿದೆ. (ಏಜೆನ್ಸೀಸ್​)

https://www.vijayavani.net/sandalwood-actress-jayashree-ramaiah-again-speaks-about-death-in-facebook-live/