ಮನೇಲೇ ಇದ್ದೀನಿ, ಯಾವುದೇ ರೂಲ್ಸ್​ ಬ್ರೇಕ್​ ಮಾಡಿಲ್ಲ ಎಂದ ಸೋನಂ

ಕಳೆದ ಕೆಲವು ದಿನಗಳಿಂದ ಸ್ಟಾರ್​ ಪುತ್ರಿ ಎಂಬ ಕಾರಣಕ್ಕೆ ನೆಟ್ಟಿಗರ ಆಕ್ರೋಶಕ್ಕೆ ಗುರಿಯಾದವರಲ್ಲಿ ಅನಿಲ್​ ಕಪೂತ್​ ಅವರ ಮಗಳು ಸೋನಂ ಕಪೂರ್​ ಸಹ ಒಬ್ಬರು. ಸುಶಾಂತ್​ ಸಾವಿನ ಹಿನ್ನೆಲೆಯಲ್ಲಿ ನೆಪೋಟಿಸಂ (ಸ್ವಜನಪಕ್ಷಪಾತ)ದ ಕುರಿತಾಗಿ ಚರ್ಚೆ ಶುರುವಾಗುತ್ತಿದ್ದಂತೆಯೇ ಸೋನಂ ಅಲ್ಲದೆ, ಮಹೇಶ್​ ಭಟ್​ ಮಗಳು ಆಲಿಯಾ ಭಟ್​, ಶತ್ರುಘ್ನ ಸಿನ್ಹಾ ಮಗಳು ಸೋನಾಕ್ಷಿ ಸಿನ್ಹಾ ಸಹ ಟಾರ್ಗೆಟ್​ ಆಗಿದ್ದಾರೆ.

ಹೀಗಿರುವಾಗಲೇ ಸೋನಂ ಕಪೂರ್​ ಕಳೆದ ವಾರ ಗಂಡ ಆನಂದ್ ಅಹುಜಾ ಜತೆಗೆ ಸೋನಂ ಲಂಡನ್​ಗೆ ಹಾರಿದ್ದಾರೆ. ಇನ್ನಾದರೂ ಅವರ ಮೇಲಿನ ಟ್ರೋಲ್​ಗಳು ಸ್ವಲ್ಪ ಕಡಿಮೆಯಾಗಬಹುದು ಎಂದುಕೊಂಡರೆ ಅದು ಸುಳ್ಳಾಗಿದೆ. ಸೋನಂ ಕಪೂರ್​ ಬೇರೆ ಕಾರಣಕ್ಕೆ ಎರಡು ದಿನಗಳಿಂದ ಸಾಕಷ್ಟು ಟ್ರೋಲ್​ಗೆ ಒಳಗಾಗಿದ್ದಾರೆ.

ಇದನ್ನೂ ಓದಿ: ಆರಡಿ ಅಂತರ ಕಾಪಾಡಿ ಅಂತಿದ್ದಾರೆ ಶಾರೂಖ್​ …

ಇಷ್ಟಕ್ಕೂ ಆಗಿದ್ದೇನೆಂದರೆ, ಸೋನಂ ಲಂಡನ್​ಗೆ ಹೋದರಲ್ಲಾ? ಅಲ್ಲಿ ಸಹಜವಾಗಿಯೇ 14 ದಿನಗಳ ಕಾಲ ಕ್ವಾರಂಟೈನ್​ ಆಗಬೇಕು. ಅದಕ್ಕೆ ಸರಿಯಾಗಿ ಸೋನಂ ಎಲ್ಲೋ ಹೊರಗೆ ಕಾಣಿಸಿಕೊಂಡಿದ್ದಾರೆ. ಈ ಕುರಿತು, ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಎಲ್ಲರ ಪ್ರಾಣಕ್ಕೆ ಸಂಚಕಾರ ತರುತ್ತಿದ್ದಾರೆ ಎಂದು ಕಿಡಿಕಾರುತ್ತಿದ್ದಾರೆ.

ಮೊದಲು ಸ್ವಲ್ಪ ಸುಮ್ಮನಿದ್ದ ಸೋನಂ, ಇದೀಗ ಉತ್ತರ ಕೊಟ್ಟಿದ್ದಾರೆ. ತಾವು ಲಂಡನ್​ಗೆ ಬಂದ ನಂತರ, ಎಲ್ಲೂ ಹೊರಗೆ ಬಂದಿಲ್ಲ. ಅದು ತಮ್ಮ ಗಾರ್ಡನ್​ನ ಫೋಟೋ ಎಂದು ಅವರು ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಸುಶಾಂತ್​ನನ್ನು ಕೊಲೆ ಮಾಡಿದ್ದು ದೀಪೇಶ್​!?; ಪ್ಯಾರಾನಾರ್ಮಲ್​ ತಜ್ಞನ ಮಾತುಕತೆಯಲ್ಲಿಯೇ ಇತ್ತು ಉತ್ತರ!

ಇದಕ್ಕೆ ಧ್ವನಿಗೂಡಿಸಿದ ಅವರ ಕೆಲವು ಅಭಿಮಾನಿಗಳು, ಸೋನಂ ಮನೆ ಬಿಟ್ಟು ಎಲ್ಲೂ ಹೋಗಿಲ್ಲ, ಮನೆಯ ಗಾರ್ಡನ್​ನಲ್ಲಿದ್ದಾರೆ ಎಂದು ತಿಳಿ ಹೇಳಿದ್ದಾರೆ. ಅಲ್ಲೇ ವರ್ಕೌಟ್​ ಮಾಡುತ್ತಿದ್ದಾರೆ ಎಂದು ಅರ್ಥ ಮಾಡಿಸುವುದಕ್ಕೆ ಪ್ರಯತ್ನ ಮಾಡಿದ್ದಾರೆ.

ಯಾವಾಗ ಅದನ್ನು ಮೀರಿ ಟ್ರೋಲ್​ ಹೆಚ್ಚಾಯಿತು, ಆಗ ಸೋನಂ ತಮ್ಮ ಅಭಿಮಾನಿಗಳು ಈ ವಿಷಯ ಕೈಬಿಡುವುದಕ್ಕೆ ಮನವಿ ಮಾಡಿಕೊಂಡಿದ್ದಾರೆ. 'ನಾನು ಮನೆಯಲ್ಲೇ ಕ್ವಾರಂಟೈನ್​ನಲ್ಲೇ ಇದ್ದೇನೆ. ಯಾವುದೇ ರೂಲ್ಸ್​ ಬ್ರೇಕ್​ ಮಾಡಿಲ್ಲ. ಕೆಲವರಿಗೆ ಸಿಕ್ಕಾಪಟ್ಟೆ ಸಮಯವಿರುತ್ತದೆ. ಏನು ಮಾಡಬೇಕು ಎಂಬುದು ಗೊತ್ತಿರುವುದಿಲ್ಲ. ಹೀಗೆ ಟ್ರೋಲ್​ ಮಾಡುತ್ತಿರುತ್ತಾರೆ. ಅವರನ್ನು ಇಗ್ನೋರ್​ ಮಾಡಿ' ಎಂದು ಸೋನಂ ಈ ಪ್ರಕರಣಕ್ಕೆ ಅಂತ್ಯ ಹಾಡಿದ್ದಾರೆ.

https://www.vijayavani.net/vicky-kaushal-to-team-up-with-dhoom-3-director-vijay-krishna-achary/