ವಿಚ್ಛೇದನಕ್ಕೆ ಕಾರಣವಾದ ಅತ್ತೆಗೆ ಬಾಂಬ್​ ಪಾರ್ಸೆಲ್​ ಕಳುಹಿಸಿದ ಅಳಿಯ; ಮುಂದೇನಾಯ್ತು ಗೊತ್ತೇ? | Bomb

ಗುಜರಾತ್​: ನನ್ನ ಮತ್ತು ಹೆಂಡತಿಯ ನಡುವೆ ವಿಚ್ಛೇದನಕ್ಕೆ ಕಾರಣಳಾಗಿದ್ದಾಳೆ ಎಂಬ ಕಾರಣಕ್ಕೆ ಆನ್​ಲೈನ್​ನಲ್ಲಿ ಬಾಂಬ್​(Bomb) ತಯಾರಿಸುವುದು ಕಲಿತ ಅಳಿಯ, ಬಾಂಬ್​ವೊಂದನ್ನು ತಯಾರಿಸಿ ಕೊನೆಗೆ ಅತ್ತೆಗೆ ಕಳುಹಿಸಿದ್ದಾರೆ. ಪಾರ್ಸೆಲ್​ ಓಪನ್​ ಮಾಡಿದ ಅತ್ತೆ ಜೊತೆಗೆ ಮತ್ತೊಬ್ಬರು ಗಾಯಗೊಂಡಿದ್ದು, ಇದೀಗ ಆರೋಪಿಗಳನ್ನು ಬಂಧಿಸಿದ್ದಾರೆ.

ಸಬರಮತಿ ಮೂಲದ 44 ವರ್ಷ ಹರೆಯದ ರೂಪೆನ್​ ರಾವ್​ ಎಂಬಾತನ್ನು ಬಂಧಿಸಲಾಗಿದೆ. ಜತೆಗೆ ಈ ಕೃತ್ಯಕ್ಕೆ ಕಾರಣನಾದ ಮತ್ತು ಮಾಸ್ಟರ್​ಮೈಂಡ್​ ಎಂದೇ ಗುರುತಿಸಲಾದ ರೂಪೆನ್​ ರಾವ್ ಸಹಚರ ರೋಹನ್​ ರಾವಲ್​ ಕೂಡ ವಶಕ್ಕೆ ಪಡೆಯಲಾಗಿದೆ. ಅಲ್ಲದೆ, ವಿಚ್ಛೆದನಕ್ಕೆ ಕಾರಣಳಾಗಿದ್ದಾಳೆ ಅತ್ತೆಯನ್ನು ಬುದ್ಧಿ ಕಲಿಸಲು ಈ ಕೃತ್ಯ ಮಾಡಿರುವುದಾಗಿ ರೂಪೆನ್​ ರಾವ್ ತಪ್ಪೊಪ್ಪಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: ಕಣ್ಣಿಗೊಂದು ಸವಾಲ್​: ಜೀನಿಯಸ್​ ಮಾತ್ರ ಈ ಫೋಟೋದಲ್ಲಿರುವ ಹಿಮಚಿರತೆ ಪತ್ತೆಹಚ್ಚಬಲ್ಲರು! Optical Illusion

ಇನ್ನು ಕೃತ್ಯದಲ್ಲಿ ಇಬ್ಬರು ಆರೋಪಿಗಳು ಭಾಗಿಯಾಗಿದ್ದು, ಅನ್​ಲೈನ್​ನಲ್ಲಿ ಬಾಂಬ್​ ಮತ್ತು ಬಂದೂಕುಗಳನ್ನು ತಯಾರಿಸುತ್ತಿದ್ದರು. ಮನೆಯಲ್ಲಿ ಕೆಲ ಬಾಂಬ್​ ಮತ್ತು ಬಂದೂಕುಗಳು ದೊರೆತ್ತಿದ್ದು, ವಶಕ್ಕೆ ಪಡೆಯಲಾಗಿದೆ. ಈ ಪ್ರಕರಣ ಮತ್ತು ಬಾಂಬ್​ ತಯಾರಿಕ ಕುರಿತು ಹೆಚ್ಚಿನ ತನಿಖೆ ನಡೆಸಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪ್ರಕರಣದ ಹಿನ್ನೆಲೆ..

ಪತ್ನಿಯ ಅತ್ತೆ, ತಂದೆ ಮತ್ತು ಆಕೆಯ ಸ್ನೇಹಿತ ಸುಖದಿಯಾ ಈ ಮೂವರನ್ನು ಗುರಿಯಾಸಿಕೊಂಡು ಇದೇ ಡಿ.22ರಂದು ಮನೆಗೆ ಆರೋಪಿ ರೂಪೆನ್​ ರಾವ್​ ಪಾರ್ಸೆಲ್ ಕಳುಹಿಸಿದ್ದಾನೆ. ಪಾರ್ಸೆಲ್​ ಬಂದ ಬಳಿಕ ಅತ್ತೆ ಓಪನ್​ ಮಾಡಿದ್ದಾರೆ. ಪಾರ್ಸೆಲ್​ ಒಳಗೆ ಇದ್ದ ಬಾಂಬ್​ ಸ್ಪೋಟಗೊಂಡಿದೆ. ಇದರ ಪರಿಣಾಮ ಅತ್ತೆ ಜತೆ ಮತ್ತೊಬ್ಬರಿಗೆ ಗಂಭೀರ ಗಾಯಗಳಾಗಿವೆ. ಈ ಕುರಿತು ಕುಟುಂಬದವರು ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ಬೆನ್ನತ್ತಿದ ಪೊಲೀಸರು ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ,(ಏಜೆನ್ಸೀಸ್​).

https://www.vijayavani.net/stones-pelted-at-actor-allu-arjuns-house-tense-atmosphere-in-jubilee-hills