ನವದೆಹಲಿ: ಸೇಡಾನ್ ರಾಪಿಡ್ ಎಟಿ(ಆಟೋಮ್ಯಾಟಿಕ್)ನ ಬುಕ್ಕಿಂಗ್ ಅನ್ನು ಆರಂಭಿಸಿರುವುದಾಗಿ ಸ್ಕೋಡಾ ಆಟೋ ಇಂಡಿಯಾ ಗುರುವಾರ ತಿಳಿಸಿದೆ. ದೇಶಾದ್ಯಂತ ಇರುವ ಸ್ಕೋಡಾದ ಅಧಿಕೃತ ಡೀಲರ್ಶಿಪ್ಗೆ ಭೇಟಿ ನೀಡಿ ಗ್ರಾಹಕರು ಸೇಡಾನ್ ರಾಪಿಡ್ ಎಟಿಯನ್ನು ಮುಂಗಡ ಕಾಯ್ದಿರಿಸಬಹುದು. ಈಗ ಮುಂಗಡ ಕಾಯ್ದಿರಿಸುವ ಕಾರುಗಳನ್ನು ಸೆಪ್ಟೆಂಬರ್ 18ರಿಂದ ಡೆಲಿವರಿ ಮಾಡಲಾಗುವುದು ಎಂದು ಕಂಪನಿ ತಿಳಿಸಿದೆ.
ರಾಪಿಡ್ ಎಟಿ ಬುಕ್ಕಿಂಗ್ ಮಾಡುವುದಕ್ಕೆ ಗ್ರಾಹಕರು 25,000 ರೂಪಾಯಿ ಪಾವತಿಸಬೇಕಾಗುತ್ತದೆ. ಇದು ರಿಫಂಡೆಬಲ್ ಮೊತ್ತ ಎಂಬುದನ್ನೂ ಕಂಪನಿ ಸ್ಪಷ್ಟಪಡಿಸಿದೆ. ಆದರೆ, ರಾಪಿಡ್ ಎಟಿಯ ದರ ಎಷ್ಟು ಎಂಬುದನ್ನು ಕಂಪನಿ ಇನ್ನೂ ಬಹಿರಂಗಪಡಿಸಿಲ್ಲ.
ಇದನ್ನೂ ಓದಿ: ಸತತ ಐದನೇ ದಿನವೂ ಏರಿಕೆಯಲ್ಲೇ ಮುಂದುವರಿದ ಷೇರುಪೇಟೆ
ಹೊಸ ರಾಪಿಡ್ ಎಟಿಯು ಬ್ರ್ಯಾಂಡ್ನ ಅತ್ಯುತ್ತಮ ಕಾರಾಗಿದ್ದು, ಉತ್ತಮ ವಿನ್ಯಾಸ, ಸರಿಸಾಟಿ ಇಲ್ಲದ ಕಾರ್ಯಕ್ಷಮತೆ, ಹಣಕ್ಕೆ ತಕ್ಕ ವಾಹನವಾಗಿ ಸುಧಾರಿತ ಸುರಕ್ಷತೆ ಮತ್ತು ಭದ್ರತೆಯೊಂದಿಗೆ ಮಾರುಕಟ್ಟೆ ಪ್ರವೇಶಿಸುತ್ತಿದೆ ಎಂದು ಕಂಪನಿಯ ಬ್ರ್ಯಾಂಡ್ ಡೈರೆಕ್ಟರ್ ಝಾಕ್ ಹೋಲಿಸ್ ತಿಳಿಸಿದ್ದಾರೆ. (ಪಿಟಿಐ)
‘ಗ್ರೂಪ್ ಆಫ್ 23’ ಮೇಲೆ ‘ಕೈ’ಕಮಾಂಡ್ ಸರ್ಜಿಕಲ್ ಸ್ಟ್ರೈಕ್ !: ಸಿಬಲ್ ಕಳವಳ