ಮುಂಬೈ: ಭಾರತೀಯ ಷೇರುಪೇಟೆಯಲ್ಲಿ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್(ಬಿಎಸ್ಇ) ಸೂಚ್ಯಂಕ ಸೆನ್ಸೆಕ್ಸ್ ಮತ್ತು ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿಗಳು ಸತತ ಐದನೇ ದಿನವೂ ಏರಿಕೆಯನ್ನೇ ದಾಖಲಿಸಿ ದಿನದ ವಹಿವಾಟು ಕೊನೆಗೊಳಿಸಿದೆ.
ದಿನದ ವಹಿವಾಟಿನಲ್ಲಿ ಸೆನ್ಸೆಕ್ಸ್ 39,326.98ರ ಗರಿಷ್ಠ ಮಟ್ಟ ತಲುಪಿತ್ತು. ಕೊನೆಯ ಕ್ಷಣದ ಮಾರಾಟ ಒತ್ತಡದಿಂದಾಗಿ ಕೊಂಚ ಇಳಿಕೆಯನ್ನು ದಾಖಲಿಸಿದರೂ 39.55 ಅಂಶ (0.10%) ಏರಿಕೆಯೊಂದಿಗೆ 39,113.47ರಲ್ಲಿ ವಹಿವಾಟು ಮುಗಿಸಿದೆ. ನಿಫ್ಟಿ ಕೂಡ ದಿನದ ವಹಿವಾಟಿ ಅಂತ್ಯಕ್ಕೆ 9.65 ಅಂಶ (0.08%) ಏರಿಕೆಯೊಂದಿಗೆ 11,559.25ರಲ್ಲಿ ವಹಿವಾಟು ಕೊನೆಗೊಳಿಸಿದೆ.
ಇದನ್ನೂ ಓದಿ: ಖುಷಿಗಾಗಿ ಕಡಲತೀರಕ್ಕೆ ಬಂದ ದಂಪತಿ ಬದುಕಲ್ಲಿ ಬಿರುಗಾಳಿ, ಪತ್ನಿ ಕಣ್ಣೆದುರಲ್ಲೇ ಪತಿ ಸಾವು
ಸೆನ್ಸೆಕ್ಸ್ ಪಟ್ಟಿಯಲ್ಲಿ ಇಂಡಸ್ ಇಂಡ್ ಬ್ಯಾಂಕ್ ಟಾಪ್ ಗೇನರ್ ಆಗಿದ್ದು, ಶೇಕಡ 6ಕ್ಕೂ ಹೆಚ್ಚು ಲಾಭಾಂಶ ದಾಖಲಿಸಿದೆ. ಇದರ ಬೆನ್ನಿಗೆ ಎಂಆ್ಯಂಡ್ಎಂ, ಎಸ್ಬಿಐ, ಎಚ್ಡಿಎಫ್ಸಿ, ಏಕ್ಸಿಸ್ ಬ್ಯಾಂಕ್, ಸನ್ ಫಾರ್ಮಾ, ಮಾರುತಿಯ ಷೇರುಗಳು ಲಾಭಾಂಶ ಗಳಿಸಿದ್ದವು. ಇನ್ನೊಂದೆಡೆ, ಒಎನ್ಜಿಸಿ, ಬಜಾಜ್ ಆಟೋ, ಆರ್ಐಎಲ್, ಕೊಟಾಕ್ ಬ್ಯಾಂಕ್, ಅಲ್ಟ್ರಾಟೆಕ್ ಸಿಮೆಂಟ್ ಷೇರುಗಳು ನಷ್ಟ ಅನುಭವಿಸಿವೆ. (ಏಜೆನ್ಸೀಸ್)