15 ದಿನಗಳಿಂದ ಕಾಣದ ಭವಾನಿ ರೇವಣ್ಣಗೆ ಕಾದು ಕುಳಿತಿರುವ ಎಸ್​ಐಟಿ! ಹೆಚ್ಚಾಗುತ್ತಿದೆ ಬಂಧನದ ಕಾವು

ಬೆಂಗಳೂರು: ಸಂತ್ರಸ್ತ ಮಹಿಳೆ ಕಿಡ್ನ್ಯಾಪ್ ಕೇಸ್​ನಲ್ಲಿ ಇದೀಗ ಮಾಜಿ ಶಾಸಕ ಎಚ್​.ಡಿ. ರೇವಣ್ಣ ಪತ್ನಿ ಭವಾನಿ ರೇವಣ್ಣಗೆ ಬಂಧನದ ಭೀತಿ ಎದುರಾಗಿದ್ದು, ಪ್ರಕರಣದಲ್ಲಿ ನಿರೀಕ್ಷಣಾ ಜಾಮೀನು ಕೋರಿ ಹೈಕೋರ್ಟ್‌ ಮೆಟ್ಟಿಲೇರಿದ್ದಾರೆ. ಕಳೆದ 15 ದಿನಗಳಿಂದ ನಾಪತ್ತೆಯಾಗಿರುವ ಭವಾನಿಯ ಹುಡುಕಾಟದಲ್ಲಿರುವ ಎಸ್​ಐಟಿ ಅಧಿಕಾರಿಗಳು, ಇಂದು ನೇರವಾಗಿ ಅವರ ನಿವಾಸಕ್ಕೆ ಭೇಟಿ ನೀಡಿದ್ದಾರೆ.

ಇದನ್ನೂ ಓದಿ: ಚುನಾವಣೆ ಫಲಿತಾಂಶದ ಬಗ್ಗೆ ಚಿಂತೆ ಇಲ್ಲ, ಜನ ಮೋದಿ ಜೊತೆಗಿದ್ದಾರೆ: ಜೆಪಿ ನಡ್ಡಾ

ಲೈಂಗಿಕ ದೌರ್ಜನ್ಯಕ್ಕೆ ಒಳಗಾದ ಮಹಿಳೆಯ ಪ್ರಕರಣದಲ್ಲಿ ಪತಿ ಎಚ್​.ಡಿ. ರೇವಣ್ಣ ಅವರ ಬಳಿಕ ತಾನು ಕೂಡ ಸಿಲುಕಿಕೊಂಡಿರುವ ಭವಾನಿ ರೇವಣ್ಣ, ಎಸ್​ಐಟಿ ಅಧಿಕಾರಿಗಳು ನೀಡಿರುವ ವಿಚಾರಣೆ ನೋಟಿಸ್​ಗೆ ಹಾಜರಾಗದೆ, ತಲೆಮರೆಸಿಕೊಂಡಿರುವುದು ಇದೀಗ ಭಾರೀ ಅನುಮಾನಗಳಿಗೆ ಕಾರಣವಾಗಿದೆ. ಇನ್ನು ಭವಾನಿ ಹುಡುಕಾಟದಲ್ಲಿರುವ ಎಸ್​ಐಟಿ, ನೇರವಾಗಿ ಅವರ ನಿವಾಸದ ಮುಂದೆಯೇ ಕಾದಿದ್ದಾರೆ.

ನಿನ್ನೆಯಷ್ಟೇ ವಿದೇಶದಿಂದ ರಾಜ್ಯಕ್ಕೆ ಬಂದಿಳಿದಿರುವ ಪ್ರಜ್ವಲ್ ರೇವಣ್ಣರನ್ನು ಇದೀಗ ನಿರಂತರ ವಿಚಾರಣೆಗೆ ಹಾಜರುಪಡಿಸಿರುವ ಎಸ್​ಐಟಿ ಅಧಿಕಾರಿಗಳು, ಪ್ರಕರಣಕ್ಕೆ ಸಂಬಂಧಿಸಿದಂತೆ ಪ್ರಶ್ನೆಗಳ ಸುರಿಮಳೆಯನ್ನೇ ಹರಿಸಿದ್ದಾರೆ. ಸದ್ಯ ಭವಾನಿ ಮಾತ್ರ ಎಸ್​ಐಟಿ ಕಣ್ಣಿನಿಂದ ತಪ್ಪಿಸಿಕೊಂಡಿದ್ದು, ವಿಚಾರಣೆಗೆ ಹಾಜರಾಗಲು ಹಿಂದೇಟು ಹಾಕುತ್ತಿದ್ದಾರೆ. ಇದೀಗ ಈ ಪ್ರಕರಣದಲ್ಲಿ ಭವಾನಿಗೆ ಬಂಧನದ ಭೀತಿ ಎದುರಾಗಿದ್ದು, ನಿರೀಕ್ಷಣಾ ಜಾಮೀನು ಕೋರಿ ಹೈಕೋರ್ಟ್​ ಮೊರೆ ಹೋಗಿದ್ದಾರೆ.

https://www.vijayavani.net/death-toll-rises-to-87-over-heatwave

https://www.vijayavani.net/gautam-gambhir-speaks-about-three-trophies/