ಸೊಂಟನೋವು ಸಮಸ್ಯೆ ಇದ್ದವರು ಆರಂಭದಲ್ಲಿ ಮಕರಾಸನ ಭಂಗಿಯನ್ನು ದಿನಕ್ಕೆ ಮೂರು ಬಾರಿ ಅಭ್ಯಾಸ ಮಾಡಿ. ಸೊಂಟ ನೋವು ನಿಯಂತ್ರಣಕ್ಕೆ ಆರಂಭದಲ್ಲಿ ಮಲಗಿ ತಿರುಚುವಿಕೆಯ ಸರಳ ವ್ಯಾಯಾಮಗಳನ್ನು ಅಭ್ಯಾಸ ಮಾಡಿ. ಆಸನಗಳಲ್ಲಿ ಮಲಗಿ ಅಭ್ಯಾಸ ಮಾಡುವ ಉತ್ಥಿಥ ಏಕಪಾದಾಸನ, ಸೇತುಬಂದ ಸರ್ವಾಂಗಾಸನ, ಪವನ ಮುಕ್ತಾಸನ, ಹೊಟ್ಟೆಯ ಕೊಬ್ಬು ಇದ್ದವರು ಜಠರ ಪರಿವೃತ್ತಾನಾಸನ, ಸರಳ ಭುಜಂಗಾಸನ ಹಾಗೂ ಶಲಭಾಸನವನ್ನು ಎರಡು ವಾರದಿಂದ ಮೂರು ವಾರದವರೆಗೆ ಅಭ್ಯಾಸಮಾಡಿ. ಆನಂತರ ನಿಂತುಕೊಂಡು ಅಭ್ಯಾಸ ಮಾಡುವ ತಾಡಾಸನ, ಅರ್ಧಕಟಿ ಚಕ್ರಾಸನ, ಕಟಿ ಚಕ್ರಾಸನ, ವಜ್ರಾಸನ, ಶಶಾಂಕಾಸನ, ಮಾರ್ಜಾಲಾಸನ, ವಕ್ರಾಸನ, ಭಾರಧ್ವಾಜಾಸನ, ಉತ್ಥಾನ ಮಂಡೂಕಾಸನ ಜೋಡಿಸಿ ಅಭ್ಯಾಸ ಮಾಡಿ. ಆಸನಗಳನ್ನು ಅಭ್ಯಾಸ ಮಾಡುವಾಗ ಉಸಿರಿನ ಗತಿಯೊಂದಿಗೆ ಮೆತ್ತಗೆ ಮಾಡಿ. ಕೊನೆಯಲ್ಲಿ ಶವಾಸನ, ನಾಡೀಶುದ್ಧಿ, ಸರಳ ಧ್ಯಾನ ಅಭ್ಯಾಸ ಮಾಡಿ. ದಿನದ ಯಾವುದೇ ಹೊತ್ತಲ್ಲಿ ಅಭ್ಯಾಸ ಮಾಡಬಹುದಾದ ಮುದ್ರೆ ಗಳಲ್ಲಿ ಪ್ರಾಣ ಮುದ್ರೆ, ಚಿನ್ಮುದ್ರೆ, ತಲಾ ಹತ್ತು ನಿಮಿಷ, ವಾಯುಶೂನ್ಯ ಇಪ್ಪತ್ತು ನಿಮಿಷ, ಭುವನೇಶ್ವರಿ ಮುದ್ರೆ, ರುದ್ರ ನರಸಿಂಹ ಮುದ್ರೆ ತಲಾ ಹತ್ತು ನಿಮಿಷ, ಕೊನೆಯಲ್ಲಿ ಪುನಃ ಪ್ರಾಣಮುದ್ರೆ ಹತ್ತು ನಿಮಿಷ ಅಭ್ಯಾಸ ಮಾಡಿ.
