ಪುಣೆ: ಪುಣೆ ನಗರದ ಎಸ್ಬಿ ರಸ್ತೆಯಲ್ಲಿರುವ ಶೆಲ್ ಔಟ್ಲೆಟ್ಅಲ್ಲಿ, ಮಧ್ಯಾಹ್ನ 2.30ರಿಂದ ಮುಂದಿನ ಒಂಬತ್ತು ಗಂಟೆಗಳ ಕಾಲ ಬಹಳ ವಿಶೇಷವಾಗಿದೆ. ಅಲ್ಲಿ ಕೆಲಸ ಮಾಡುವ ಜನರ ಮುಖದ ಮೇಲೆ ನಗು, ಸಂಕೇತಗಳ ಮೂಲಕ ಸಂವಹನ ನಡೆಸುವ ಸಿಬ್ಬಂದಿ ಎಲ್ಲವೂ ಗ್ರಾಹಕರನ್ನು ವಿಶಿಸ್ಟವಾಗಿ ಆಕರ್ಷಿಸುತ್ತದೆ. ಫ್ಯೂಯಲ್ ಸ್ಟೇಷನ್ ನಲ್ಲಿ ಕೇಳುವ ಸಾಮಾನ್ಯ ಹರಟೆಗಳಿಲ್ಲದೆ ಒಂದರ ನಂತರ ಒಂದರಂತೆ ವಾಹನಗಳಿಗೆ ಇಂಧನ ಮರುಪೂರಣಗೊಳ್ಳುವುದರಿಂದ ಕೆಲಸದ ಹರಿವು ಸುಗಮವಾಗಿರುತ್ತದೆ. ಇದೇ ‘ಸೈಲೆಂಟ್ ಶಿಫ್ಟ್’!.
ಮಳಿಗೆಯಲ್ಲಿ ಊಟ ಮಾಡಿದ ನಂತರದ ಶಿಫ್ಟ್ಅನ್ನು ವಿಶೇಷ ಸಾಮರ್ಥ್ಯದ ಸಿಬ್ಬಂದಿ ನಿರ್ವಹಿಸುತ್ತಾರೆ, ಅವರು ಸಂಕೇತ ಭಾಷೆಯ ಮೂಲಕ ಗ್ರಾಹಕರಿಗೆ ಸೇವೆ ಸಲ್ಲಿಸುತ್ತಾರೆ. ತಂತ್ರಜ್ಞರಿಂದ ಏರ್ ಗೇಜ್ ಆಪರೇಟರ್ ವರೆಗೆ, ಪ್ರತಿಯೊಬ್ಬ ಸಿಬ್ಬಂದಿ ಸದಸ್ಯರು ಉತ್ತಮ ತರಬೇತಿ ಪಡೆದಿದ್ದು ಅತ್ಯಂತ ಪ್ರಾಮಾಣಿಕತೆಯಿಂದ ಕರ್ತವ್ಯಗಳನ್ನು ನಿರ್ವಹಿಸುತ್ತಾರೆ. ಗಮನಾರ್ಹ ಅಂಶವೆಂದರೆ ಸೈಲೆಂಟ್ ಶಿಫ್ಟ್ನ ಸಿಬ್ಬಂದಿ ಸಾಮಾನ್ಯ ಪಾಳಿಗಳಲ್ಲಿ ತಮ್ಮ ಸಹವರ್ತಿಗಳಿಗೆ ಸಮಾನ ವೇತನವನ್ನು ಪಡೆಯುತ್ತಾರೆ.
ಸೈಲೆಂಟ್ ಶಿಫ್ಟ್ ನ ಸಿಬ್ಬಂದಿ ಸದಸ್ಯ ವಿಜಯ್ ಅಲ್ಗಡೆ, ಇಂಧನವನ್ನು ಮರುಪೂರಣ ಮಾಡಲು ಗ್ರಾಹಕರಿಗೆ ಬೈಕಿನಿಂದ ಇಳಿಯಲು ಸಂಕೇತ ನೀಡುತ್ತಾರೆ. ಬೈಕಿನಲ್ಲಿ ಕುಳಿತಿರುವಾಗ ರೀಫಿಲ್ಲಿಂಗ್ ಮಾಡುವ ಅಭ್ಯಾಸವಿರುವ ಗ್ರಾಹಕನಿಗೆ ಅವನ ಚಿಹ್ನೆ ಅರ್ಥವಾಗುವುದಿಲ್ಲ. ಮುಖದ ಮೇಲೆ ಮುಗುಳ್ನಗೆಯೊಂದಿಗೆ, ಅಲ್ಗಡೆ, ಸುರಕ್ಷತಾ ಕಾರಣಗಳಿಗಾಗಿ ಮರುಪೂರಣ ಮಾಡುವಾಗ ಬೈಕಿನಿಂದ ಇಳಿಯುವುದು ಕಡ್ಡಾಯ ಎಂದು ಸ್ಪಷ್ಟಪಡಿಸುವ ಬೋರ್ಡ್ ಅನ್ನು ತೋರಿಸುತ್ತಾನೆ. ಗ್ರಾಹಕರು ಅನುಸರಣೆ ಮಾಡುತ್ತಾರೆ.
“ನಾನು ಇಲ್ಲಿ ಕೆಲಸ ಮಾಡಲು ಇಷ್ಟಪಡುತ್ತೇನೆ. ಇದು ನನಗೆ ಉತ್ತಮ ಅವಕಾಶವಾಗಿದೆ ಮತ್ತು ನಾನು ಅಂತಹ ಕ್ಷೇತ್ರದಲ್ಲಿ ಕೆಲಸ ಮಾಡಲು ಸಾಧ್ಯವಾಗುತ್ತದೆ ಎಂದು ನಾನು ಎಂದಿಗೂ ನಿರೀಕ್ಷಿಸಿರಲಿಲ್ಲ” ಎಂದು ಸಂಕೇತ-ಭಾಷಾ ವ್ಯಾಖ್ಯಾನಕಾರರಾಗಿ ಕಾರ್ಯನಿರ್ವಹಿಸುವ ಹಿರಿಯ ವ್ಯವಸ್ಥಾಪಕರ ಮೂಲಕ ಅಲ್ಗಡೆ ತಿಳಿಸುತ್ತಾರೆ. ಮ್ಯಾನೇಜರ್, ಹಾಗೆಯೇ ಸಿಬ್ಬಂದಿಯ ಇತರ ಸದಸ್ಯರಿಗೆ ಸಂಕೇತ ಭಾಷೆಯಲ್ಲಿ ತರಬೇತಿ ನೀಡಲಾಗುತ್ತದೆ.
ಪ್ರತಿದಿನ ಮಧ್ಯಾಹ್ನ 2.30 ಕ್ಕೆ ಉದ್ಯೋಗಿಗಳಿಗೆ ದಿನದ ಕೆಲಸ ಮತ್ತು ಯಾವುದೇ ತುರ್ತು ಪರಿಸ್ಥಿತಿಗೆ ಸಿದ್ಧಪಡಿಸುವ ಡೆಮೊ ವೀಡಿಯೊಗಳ ಮೂಲಕ ಸಂಕ್ಷಿಪ್ತವಾಗಿ ಮತ್ತು ತರಬೇತಿ ನೀಡಲಾಗುತ್ತದೆ. “ನಾವು ಪ್ರತಿದಿನ ಸಿಬ್ಬಂದಿಗೆ ಸಂಕ್ಷಿಪ್ತವಾಗಿ ವಿವರಿಸುತ್ತೇವೆ. ಅವರು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಾರೆ ಎಂದು ಅವರಿಗೆ ಹೇಳಿದ್ದೇವೆ. ಅವರು ಸಮಯಪ್ರಜ್ಞೆಯುಳ್ಳವರಾಗಿದ್ದು ಸಾಮಾನ್ಯ ಶಿಫ್ಟ್ ಸದಸ್ಯರಿಗಿಂತ ಉತ್ತಮವಾಗಿ ಕೆಲಸ ಮಾಡುತ್ತಾರೆ” ಎಂದು ಮಳಿಗೆಯ ವ್ಯವಸ್ಥಾಪಕ ಸುಧಾಂಚಲ್ ಪಿ ಹೇಳುತ್ತಾರೆ.
ವ್ಯವಸ್ಥೆಯ ಸುಗಮ ಕಾರ್ಯನಿರ್ವಹಣೆಗಾಗಿ, ಕಾರ್ಮಿಕರಿಗೆ ಆರ್ಡರ್-ಟೇಕಿಂಗ್ ಬೋರ್ಡ್ ಅನ್ನು ನೀಡಲಾಗುತ್ತದೆ. ಇದರಲ್ಲಿ ಗ್ರಾಹಕರು ಅಗತ್ಯವಿರುವ ಇಂಧನದ ಪ್ರಮಾಣವನ್ನು ಬರೆಯಬಹುದು. ಪ್ರತಿಯೊಬ್ಬ ಸಿಬ್ಬಂದಿಗೆ ಶಿಳ್ಳೆ ನೀಡಲಾಗುತ್ತದೆ. ಗ್ರಾಹಕರಿಗೆ ಅರ್ಥಮಾಡಿಕೊಳ್ಳಲು ಅಥವಾ ಸಂವಹನ ನಡೆಸಲು ಸಾಧ್ಯವಾಗದಿದ್ದರೆ, ಸಿಬ್ಬಂದಿ ಸದಸ್ಯರು ಸಹಾಯ ನೀಡುವಂತೆ ವ್ಯವಸ್ಥಾಪಕರಿಗೆ ಸಂಕೇತ ನೀಡಲು ಒಮ್ಮೆ ಶಿಳ್ಳೆ ಹೊಡೆಯುತ್ತಾರೆ. ತುರ್ತು ಸಂದರ್ಭದಲ್ಲಿ, ಸಿಬ್ಬಂದಿಗೆ ಮೂರು ಬಾರಿ ಶಿಳ್ಳೆ ಊದಲು ಸೂಚನೆ ನೀಡಲಾಗುತ್ತದೆ.
“ಮೊದಲ ಎರಡು ಅಥವಾ ಮೂರು ತಿಂಗಳು ಕಷ್ಟಕರವಾಗಿತ್ತು. ತಪ್ಪುಗಳು ಇದ್ದವು. ತಪ್ಪುವುದು ಸಹಜ. ಈಗ ಶೇಕಡಾ 80 ರಷ್ಟು ಸಮಯ ನಮಗೆ ಗ್ರಾಹಕರೊಂದಿಗೆ ಯಾವುದೇ ಸಮಸ್ಯೆ ಇಲ್ಲ. ಏನಾದರೂ ಸಮಸ್ಯೆ ಇದ್ದರೆ, ಶಿಳ್ಳೆ ನಮ್ಮನ್ನು ಎಚ್ಚರಿಸುತ್ತದೆ” ಎಂದು ಸುಧಾಂಚಲ್ ಹೇಳುತ್ತಾರೆ.
ಗ್ರಾಹಕರೆಲ್ಲರೂ ಈ ಉಪಕ್ರಮವನ್ನು ಶ್ಲಾಘಿಸುತ್ತಿದ್ದು “ಸೈಲೆಂಟ್ ಶಿಫ್ಟ್ ಸಮಯದಲ್ಲಿ ಸೇವೆ ಅತ್ಯುತ್ತಮವಾಗಿದೆ. ಸಂಕೇತ ಭಾಷೆಯನ್ನು ಅರ್ಥಮಾಡಿಕೊಳ್ಳಲು ಕೆಲವೊಮ್ಮೆ ಕಷ್ಟವಾಗಬಹುದು ಆದರೆ ಸಹಾಯ ಮಾಡಲು ಇತರ ಸಿಬ್ಬಂದಿ ಸದಸ್ಯರಿದ್ದಾರೆ ” ಎಂದು ಮಳಿಗೆಯ ನಿಯಮಿತ ಗ್ರಾಹಕರೊಬ್ಬರು ಹೇಳುತ್ತಾರೆ.
ಪ್ರಸ್ತುತ, ಮಳಿಗೆಯಲ್ಲಿ 12 ವಿಕಲಚೇತನ ಸಿಬ್ಬಂದಿ ಇದ್ದಾರೆ. ಅವರಲ್ಲಿ ಅತ್ಯಂತ ಹಿರಿಯರು ಕಿರಣ್ ಮತ್ತು ವಿಜಯ್.
“ಅವರು 2020 ರಲ್ಲಿ ಏರ್ ಗೇಜ್ ಆಪರೇಟರ್ಗಳಾಗಿ ಪ್ರಾರಂಭಿಸಿದರು ಆದರೆ ಎಲ್ಲರಂತೆ ಕೆಲಸ ಮಾಡಲು ಬಯಸಿದ್ದರು ಮತ್ತು ಹೆಚ್ಚಿನ ಜವಾಬ್ದಾರಿಯನ್ನು ತೆಗೆದುಕೊಳ್ಳಲು ಬಯಸಿದ್ದರು. ನಾವು ಅವರಿಗೆ ವಿವಿಧ ಪ್ರದೇಶಗಳಲ್ಲಿ ತರಬೇತಿ ನೀಡಲು ಪ್ರಾರಂಭಿಸಿದ್ದೇವೆ ಮತ್ತು ಅವರು ಬೆಳೆಯುವುದನ್ನು ನೋಡಿದ್ದೇವೆ. ನಾವು ಅವರ ಪ್ರಕಾರ ಹೊಂದಾಣಿಕೆ ಮಾಡಿಕೊಂಡು ಅವರೊಂದಿಗೆ ಕೆಲಸ ಮಾಡಲು ನಮ್ಮನ್ನು ಸಜ್ಜುಗೊಳಿಸಿಕೊಂಡೆವು” ಎಂದು ಮಳಿಗೆಯ ಚಿಲ್ಲರೆ ವ್ಯಾಪಾರಿ ಬಿಸ್ವಾ ಭೂಷಣ್ ಮಾಝಿ ಹೇಳುತ್ತಾರೆ. ಪ್ರಸ್ತುತ, ಕಿರಣ್ ತಂತ್ರಜ್ಞರಾಗಿದ್ದು, ವಿಜಯ್ ನಾಲ್ಕು ಚಕ್ರದ ವಾಹನ ಭರ್ತಿ ಮಾಡುವ ಪ್ರದೇಶವನ್ನು ನೋಡಿಕೊಳ್ಳುತ್ತಾರೆ.
ಮಹಿಳೆಯರ ಸೈಲೆಂಟ್ ಶಿಫ್ಟ್ ಅನ್ನು ಬೆಳಿಗ್ಗೆ ಸಮಯದಲ್ಲಿ ನಿಗದಿಪಡಿಸಲಾಗಿದ್ದು, ಪುರುಷರು ಸಂಜೆ ಪ್ರಾರಂಭಿಸುತ್ತಾರೆ.
ಅವರು ಸಂಕೇತ ಭಾಷೆಯನ್ನು ಸಹ ಕಲಿತಿದ್ದಾರೆ ಎಂದು ಸಾಮಾನ್ಯ ಪಾಳಿಯಲ್ಲಿ ಸಿಬ್ಬಂದಿ ಸದಸ್ಯ ಖೋಕನ್ ಎಂ ಹೇಳುತ್ತಾರೆ. “ಅಭ್ಯಾಸದೊಂದಿಗೆ ಮತ್ತು ಕಾಲಾನಂತರದಲ್ಲಿ ನಾವು ತಿಳುವಳಿಕೆಯನ್ನು ಬೆಳೆಸಿಕೊಂಡಿದ್ದೇವೆ. ಒಟ್ಟಿಗೆ ಕೆಲಸ ಮಾಡುವಾಗ ನಾವು ಎಂದಿಗೂ ಸಮಸ್ಯೆಯನ್ನು ಎದುರಿಸುವುದಿಲ್ಲ” ಎಂದು ಅವರು ಹೇಳುತ್ತಾರೆ. ವಿಶೇಷ ಸಾಮರ್ಥ್ಯದ ಸದಸ್ಯರ ಸಂಖ್ಯೆ ಹೆಚ್ಚಾದಂತೆ, ಚಿಲ್ಲರೆ ವ್ಯಾಪಾರಿ, ವ್ಯವಸ್ಥಾಪಕ ಮತ್ತು ಮೇಲ್ವಿಚಾರಕರು ಸಂಕೇತ ಭಾಷೆಯನ್ನು ಕಲಿಯುವಲ್ಲಿ ಯಶಸ್ವಿಯಾದರು. ತಿಂಗಳಿಗೊಮ್ಮೆ ತರಬೇತಿ ಅಧಿವೇಶನವನ್ನು ನಡೆಸಲಾಗುತ್ತದೆ, ಇದರಲ್ಲಿ ಬೋಧನಾ ಅವಧಿಗಳನ್ನು ನೀಡಲು ವೃತ್ತಿಪರರನ್ನು ಕರೆಯಲಾಗುತ್ತದೆ.
ಮಳಿಗೆಯಲ್ಲಿ ಮಾಡಬೇಕಾದ ಮತ್ತು ಮಾಡಬಾರದ ವಿಷಯಗಳ ಬಗ್ಗೆ ಗ್ರಾಹಕರಿಗೆ ಸೂಚನೆ ನೀಡುವ ಸೈನ್ ಬೋರ್ಡ್ ಗಳಿವೆ. “ಯಾವುದೇ ಸಮಸ್ಯೆಗಳಿಲ್ಲ. ಅವರು ನಮ್ಮನ್ನು ಗೌರವಯುತವಾಗಿ ನಡೆಸಿಕೊಳ್ಳುತ್ತಾರೆ ಮತ್ತು ಕೆಲಸವು ಇತರ ಯಾವುದೇ ಶಿಫ್ಟ್ ನಂತೆಯೇ ಇರುತ್ತದೆ. ಅವರು ಎಷ್ಟು ಶ್ರಮಜೀವಿಗಳು ಎಂಬುದು ಪ್ರಶಂಸನೀಯ. ಅವರಿಗೆ ಹೆಚ್ಚು ಹೆಚ್ಚು ಸಮಾನ ಅವಕಾಶಗಳನ್ನು ನೀಡಬೇಕು” ಎಂದು ವಾರಕ್ಕೆ ಎರಡು ಬಾರಿ ಮಳಿಗೆಗೆ ಭೇಟಿ ನೀಡುವ ಗ್ರಾಹಕ ಚಿತ್ರಾಲಿ ಪೂಜಾರಿ ಹೇಳುತ್ತಾರೆ. (ಏಜೆನ್ಸೀಸ್)