ಮುಂಬೈ: ಹಿಂದಿ ಬಿಗ್ಬಾಸ್ಗೆ ದಿನಗಣನೆ ಆರಂಭವಾಗಿದೆ. ಅಕ್ಟೋಬರ್ ಮೊದಲ ವಾರದಲ್ಲಿ ಸಲ್ಮಾನ್ ಖಾನ್ ಮತ್ತೆ ನಿರೂಪಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಲಾಕ್ಡೌನ್ ಅನ್ನೇ ಥೀಮ್ ಆಗಿಸಿಕೊಂಡಿರುವ ಈ ಸಲದ ಬಿಗ್ಬಾಸ್ ಸೀಸನ್ 14, ಹೊಸ ಹೊಸ ನಿಮಯಮಗಳನ್ನು ಈ ಸಲದ ಶೋದಲ್ಲಿ ಅಳವವಡಿಸಿಕೊಂಡಿದೆ. ಸ್ಪರ್ಧಿಗೂ ಇದು ಹೊಸ ಅನುಭವದ ಜತೆಗೆ ನೋಡುಗರಿಗೂ ಮನರಂಜನೆಯ ಬಾಡೂಟವನ್ನೇ ಬಡಿಸಲಿದೆ.
ಇದನ್ನೂ ಓದಿ: ರಾಗಿಣಿ, ರಾಹುಲ್‌ಗೆ ಜೈಲಿನಲ್ಲೀಗ ಸಹಕೈದಿಗಳದ್ದೇ ಭಯ!
ಇದೀಗ ಇದೇ ಬಿಗ್ಬಾಸ್ ಕುರಿತ ಇನ್ನೊಂದು ಸುದ್ದಿ ಸದ್ಯ ಸದ್ದು ಮಾಡುತ್ತಿದೆ. ಅದೇನೆಂದರೆ, ಈ ಸಲದ ಬಿಗ್ಬಾಸ್ ನಿರೂಪಣೆಯಲ್ಲಿ ಸಲ್ಮಾನ್ ಜತೆಗೆ ಇನ್ನೋರ್ವ ನಿರೂಪಕನೂ ಕಾಣಿಸಿಕೊಳ್ಳಲಿದ್ದಾರಂತೆ! ಸೀಸನ್ 13ರ ವಿನ್ನರ್ ಸಿದ್ಧಾರ್ಥ ಶುಕ್ಲಾ ಸೀಸನ್ 14ರ ನಿರೂಪಣೆಯಲ್ಲಿ ಸಲ್ಮಾನ್ಗೆ ಸಾಥ್ ನೀಡಲಿದ್ದಾರಂತೆ.
ಇದನ್ನೂ ಓದಿ: ಸುಶಾಂತ್ ಫಾರ್ಮ್ಹೌಸ್ನಲ್ಲಿ ಏನೆಲ್ಲಾ ಸಿಗ್ತು? ಇಲ್ಲಿದೆ ಡೀಟೇಲ್ಸ್ …
ಸೀಸನ್ 13 ವಿನ್ ಆದ ಬಳಿಕ ಸಾಕಷ್ಟು ಜನಪ್ರಿಯತೆ ಮತ್ತು ಅಪಾರ ಅಭಿಮಾನಿ ಬಳಗವನ್ನು ಸಿದ್ಧಾರ್ಥ್ ಸಂಪಾದಿಸಿಕೊಂಡಿದ್ದಾರೆ. ಆ ಪಾಪ್ಯುಲಾರಿಟಿಯನ್ನೇ ಮತ್ತೊಮ್ಮೆ ಬಳಸಿಕೊಳ್ಳಲಿ ಬಿಗ್ಬಾಸ್ ಮೇಕರ್ಸ್ ವಿಚಾರ ಮಾಡಿದ್ದು, ಸ್ಪರ್ಧಿ ಬದಲು ವಿಶೇಷ ರೀತಿಯಲ್ಲಿ ಅವರೂ ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. (ಏಜೆನ್ಸೀಸ್)