ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಅವರ ಅಸಹಜ ಸಾವಿನ ಪ್ರಕರಣಕ್ಕೆ ಇನ್ನೊಂದು ಹೊಸ ತಿರುವು ಸಿಕ್ಕಿದೆ. ಸುಶಾಂತ್ ಅವರಿಗೆ ಡ್ರಗ್ಸ್ ಅಭ್ಯಾಸ ಇತ್ತು ಎಂಬ ವಿಷಯ ಈಗಾಗಲೇ ಸಾಕಷ್ಟು ಚರ್ಚೆಯಾಗಿದೆ. ಇದೀಗ ಅವರ ಫಾರ್ನ್ಹೌಸ್ನಲ್ಲಿ ಹುಕ್ಕಾ, ಆಶ್ಟ್ರೇ, ಮಾತ್ರೆಗಳು ಜಫ್ತಿಯಾಗಿದೆ.
ಇದನ್ನೂ ಓದಿ: ‘ನಾನು ನಿನ್ನೆ ಯಮರಾಜನನ್ನು ಭೇಟಿಯಾದೆ…ಮೂರ್ಖ ಭಕ್ತರಿಗಾಗಿ ಭೂಮಿಗೆ ಬಂದೆ’: ಅನುರಾಗ್ ಕಶ್ಯಪ್
ಸುಶಾಂತ್ ಪ್ರಕರಣದಲ್ಲಿ ಇದೀಗ ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ತನಿಖೆ ನಡೆಸುತ್ತಿರುವುದು ಗೊತ್ತೇ ಇದೆ. ಇತ್ತೀಚೆಗೆ ಎನ್ಸಿಬಿಯವರು ಸುಶಾಮತ್ ಅವರ ಪಾವನಾ ಲೇಕ್ ಫಾರ್ಮ್ಹೌಸ್ಗೆ ದಾಳಿ ನಡೆಸಿದ್ದಾರೆ. ಈ ದಾಳಿಯಲ್ಲಿ ಹುಕ್ಕಾ, ಆಶ್ಟ್ರೇ, ಮಾತ್ರೆಗಳು ಸೇರಿದಂತೆ ಹಲವು ವಸ್ತುಗಳು ಸಿಕ್ಕಿವೆ.
ಪಾವನಾ ಲೇಕ್ ಪಾರ್ಮ್ಹೌಸ್ನ್ನು ಸುಶಾಂತ್ ಬಾಡಿಗೆಗೆ ಪಡೆದಿದ್ದರು. ಪ್ರತೀ ತಿಂಗಳು ಎರಡೂವರೆ ಲಕ್ಷ ಬಾಡಿಗೆ ಕಟ್ಟುತ್ತಿದ್ದರು. ಈ ಫಾರ್ಮ್ಹೌಸ್ನಲ್ಲಿ ಅವರು ಹಲವು ಪಾರ್ಟಿಗಳನ್ನು ಆಯೋಜಿಸುತ್ತಿದ್ದರಂತೆ. ಈ ಪಾರ್ಟಿಯಲ್ಲಿ ಸುಶಾಂತ್ ಅಲ್ಲದೆ ರಿಯಾ ಚಕ್ರವರ್ತಿ, ಆಕೆಯ ಸಹೋದರ ಶೌವಿಕ್ ಚಕ್ರವರ್ತಿ, ಮ್ಯಾನೇಜರ್ ಸ್ಯಾಮ್ಯುಯಲ್ ಮಿರಾಂಡಾ, ಫ್ಲಾಟ್ಮೇಟ್ ಸಿದ್ಧಾರ್ಥ್ ಪಿಠಾಣಿ ಸೇರಿದಂತೆ ಹಲವರು ಭಾಗವಹಿಸುತ್ತಿದ್ದರಂತೆ.
ಇತ್ತೀಚೆಗೆ ಈ ವಿಷಯವನ್ನು ಸ್ವತಃ ರಿಯಾ ಬಾಯಿಬಿಟ್ಟಿದ್ದರು ಎಂದು ಹೇಳಲಾಗುತ್ತದೆ. ಫಾರ್ಮ್ಹೌಸ್ನಲ್ಲಿ ಡ್ರಗ್ಸ್ ಪಾರ್ಟಿಗಳು ನಡೆಯುತ್ತಿದ್ದವು ಮತ್ತು ಈ ಪಾರ್ಟಿಗಳಲ್ಲಿ ಸಾರಾ ಅಲಿ ಖಾನ್, ರಾಕುಲ್ ಪ್ರೀತ್ ಸಿಂಗ್ ಸೇರಿದಂತೆ ಹಲವರು ಭಾಗವಹಿಸುತ್ತಿದ್ದರು ಎಂದು ಅವರು ಹೇಳಿದ್ದಾರೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: ರಾಗಿಣಿಯನ್ನು ತಬ್ಬಿಕೊಂಡು ಬೀಳ್ಕೊಟ್ಟ ಸಂಜನಾ: ಸಾಂತ್ವನ ಕೇಂದ್ರದಲ್ಲಿ ಗದ್ಗದಿತರಾದ ನಟಿಯರು!
ಹಾಗಾಗಿ ಎನ್ಸಿಬಿಯವರು ಲೋನಾವಾಲಾ ಬಳಿ ಇರುವ ಈ ಫಾರ್ಮ್ಹೌಸ್ನಲ್ಲಿ ರೇಡ್ ಮಾಡಿದ್ದರು ಮತ್ತು ಈ ಸಂದರ್ಭದಲ್ಲಿ ಹುಕ್ಕಾ, ಆಶ್ಟ್ರೇ, ಮಾತ್ರೆಗಳು ಸೇರಿದಂತೆ ಹಲವು ವಸ್ತುಗಳು ಜಫ್ತಿಯಾಗಿವೆಯಂತೆ. ಈ ಫಾರ್ಮ್ಹೌಸ್ನಲ್ಲಿ ಇನ್ನೂ ಏನೇನು ಸಿಕ್ಕಿವೆ ಎಂಬುದನ್ನು ಎನ್ಸಿಬಿಯವರು ಇನ್ನಷ್ಟೇ ಅಧಿಕೃತವಾಗಿ ಘೋಷಿಸಬೇಕಾಗಿದೆ.