ಪಣಜಿ: ಸದಾ ಒಂದಿಲ್ಲೊಂದು ಚಿತ್ರ ಅಥವಾ ವಿವಾದಗಳಲ್ಲಿ ಬ್ಯುಸಿಯಾಗಿರುವ ನಟಿ ಎಂದರೆ ಅದು ನಯನತಾರಾ. ಆದರೆ, ಕಳೆದ ಆರು ತಿಂಗಳುಗಳಿಂದ ಲಾಕ್ಡೌನ್ನಿಂದಾಗಿ ನಯನತಾರಾ ಯಾವ ಚಿತ್ರದಲ್ಲೂ ನಟಿಸಲು ಸಾಧ್ಯವಾಗಲಿಲ್ಲ, ಹಾಗೆಯೇ ಯಾವುದೇ ವಿವಾದದಲ್ಲೂ ಆಕೆಯ ಹೆಸರು ಕೇಳಿಬರಲಿಲ್ಲ.
ಇದನ್ನೂ ಓದಿ: ಅಮೇಜಾನ್ ಅಲೆಕ್ಸಾಗೆ ಅಮಿತಾಭ್ ಬಚ್ಚನ್ ಧ್ವನಿ
ಈಗ್ಯಾಕೆ ನಯನತಾರಾ ವಿಷಯವೆಂದರೆ, ಲಾಕ್ಡೌನ್ನಿಂದ ಮನೆಯಲ್ಲೇ ಲಾಕ್ ಆಗಿದ್ದ ನಯನತಾರಾ, ಈಗ ತಮ್ಮ ಬಾಯ್ಫ್ರೆಂಡ್ ವಿಘ್ನೇಶ್ ಶಿವನ್ ಜತೆಗೆ ಸದ್ದಿಲ್ಲದೆ ಗೋವಾಗೆ ಹೋಗಿದ್ದಾರೆ. ಕ್ಯಾಂಡೋಲಿಮ್ ಬೀಚ್ನ ಬಳಿ ಇರುವ ರೆಸಾರ್ಟ್ವೊಂದರಲ್ಲಿ ನಯನತಾರಾ ಪೂಲ್ ಹತ್ತಿರ ನಡೆದು ಬರುತ್ತಿರುವ ದೃಶ್ಯವನ್ನು ವಿಘ್ನೇಶ್ ಶಿವನ್ ತಮ್ಮ ಇನ್ಸ್ಟಾಗ್ರಾಂ ಅಕೌಂಟ್ ಮೂಲಕ ಶೇರ್ ಮಾಡಿಕೊಂಡಿದ್ದಾರೆ.
ಈ ಕುರಿತು ಬರೆದುಕೊಂಡಿರುವ ಅವರು, ‘ಹಲವು ದಿನಗಳ ಹಾಲಿಡೇ ಮೂಡ್ನ ನಂತರ ಇದೀಗ ವೆಕೇಶನ್ ಮೂಡ್’ ಎಂದು ವಿಘ್ನೇಶ್ ಬರೆಯುವುದರ ಜತೆಗೆ ನಯನತಾರಾ ಅವರ ಫೋಟೋ ಹಂಚಿಕೊಂಡಿದ್ದಾರೆ.
ಕೆಲವು ದಿನಗಳ ಹಿಂದೆ ವಿಘ್ನೇಶ್ ಮತ್ತು ನಯನತಾರಾ ಜತೆಯಾಗಿ ಓನಂ ಹಬ್ಬವನ್ನು ಆಚರಿಸಿದ್ದರು. ಆ ನಂತರ ಇಬ್ಬರ ಸುದ್ದಿಯೇ ಇರಲಿಲ್ಲ. ಹೀಗಿರುವಾಗಲೇ ಈ ಫೋಟೋ ಹಾಕುವ ಮೂಲಕ, ತಾವು ಗೋವಾದಲ್ಲಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ ಶಿವನ್.
ಇದನ್ನೂ ಓದಿ: ಕಚೇರಿ ಬಳಿಕ ಕಂಗನಾ ಮನೆ ಕೆಡವಲು ಮುಂಬೈ ಪಾಲಿಕೆ ನಿರ್ಧಾರ!
ಅಂದಹಾಗೆ, ನಯನತಾರಾ ಮತ್ತು ವಿಘ್ನೇಶ್ ಶಿವನ್ ಕೆಲವು ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದು, ಬಹುಶಃ ಮುಂದಿನ ವರ್ಷ ಮದುವೆಯಾಗುವ ಸಾಧ್ಯತೆ ಇದೆ.
ರಾಗಿಣಿಯನ್ನು ತಬ್ಬಿಕೊಂಡು ಬೀಳ್ಕೊಟ್ಟ ಸಂಜನಾ: ಸಾಂತ್ವನ ಕೇಂದ್ರದಲ್ಲಿ ಗದ್ಗದಿತರಾದ ನಟಿಯರು!