ಅಮೇಜಾನ್​ ಅಲೆಕ್ಸಾಗೆ ಅಮಿತಾಭ್​ ಬಚ್ಚನ್​ ಧ್ವನಿ

ಅಮಿತಾಭ್​ ಬಚ್ಚನ್​ ಅವರ ಧ್ವನಿ ಇದುವರೆಗೂ ಚಿತ್ರಗಳು ಮತ್ತು ಜಾಹೀರಾತುಗಳಲ್ಲಿ ಮಾತ್ರ ಕೇಳಿ ಬರುತಿತ್ತು. ಈಗ ಇದೇ ಮೊದಲ ಬಾರಿಗೆ ಅವರ ಧ್ವನಿಯು ಅಮೇಜಾನ್​ನ ಡಿಜಿಟಲ್​ ಅಸಿಸ್ಟೆಂಟ್​ ಎಂದೇ ಜನಪ್ರಿಯವಾಗಿರುವ ಅಲೆಕ್ಸಾದಲ್ಲಿ ಕೇಳಿ ಬರಲಿದೆ. ಈ ಮೂಲಕ ಅಲೆಕ್ಸಾಗೆ ಧ್ವನಿ ನೀಡುತ್ತಿರುವ ಭಾರತದ ಮೊದಲ ಸೆಲೆಬ್ರಿಟಿ ಎಂಬ ಹೆಗ್ಗಳಿಕೆಗೆ ಅಲೆಕ್ಸಾ ಪಾತ್ರವಾಗಲಿದೆ.

ಇದನ್ನೂ ಓದಿ: ಪರಪ್ಪನ ಅಗ್ರಹಾರ ಜೈಲಿಗೆ ‘ಮಾದಕ’ ನಟಿ ರಾಗಿಣಿ ಶಿಫ್ಟ್

ಈ ಕುರಿತು ಅಮಿತಾಭ್​ ಬಚ್ಚನ್​ ಮತ್ತು ಅಲೆಕ್ಸಾ ಮಧ್ಯೆ ಬಹುಕೋಟಿ ಮೊತ್ತದ ಒಪ್ಪಂದವಾಗಿದ್ದು, 2021ರಲ್ಲಿ ಅಮಿತಾಭ್​ ಬಚ್ಚನ್​ ಅವರ ಧ್ವನಿಯನ್ನು ಅಧಿಕೃತವಾಗಿ ಕೇಳಬಹುದಾಗಿದೆ.

ಅಮಿತಾಭ್​ ಬಚ್ಚನ್​ ಅವರ ಧ್ವನಿಯಲ್ಲಿ ಜೋಕ್​ಗಳು, ಶಾಯರಿ, ಹವಾಮಾನ ಸೂಚನೆಗಳು, ಸ್ಫೂರ್ತಿದಾಯಕ ಸಂದೇಶಗಳು ಮುಂತಾದ ಹಲವು ವಿಷಯಗಳನ್ನು ಕೇಳಬಹುದಾಗಿದೆ. ಹಾಗಂದೆ ಇದು ಉಚಿತವಲ್ಲ. ಇದಕ್ಕಾಗಿ ಹಣ ಪಾವತಿ ಮಾಡಬೇಕಿದೆ.

ಇದನ್ನೂ ಓದಿ: ಸೂರ್ಯ ವಿರುದ್ಧ ನ್ಯಾಯಾಂಗ ನಿಂದನೆಗೆ ಕೋರಿದ ಜಡ್ಜ್!​ ಅಷ್ಟಕ್ಕೂ ಮಾಡಿರೋ ತಪ್ಪೇನು?

ಈ ಕುರಿತು ಮಾತನಾಡಿರುವ ಅವರು, 'ಸಿನಿಮಾ ಇರಲಿ, ಟಿವಿ ಕಾರ್ಯಕ್ರಮಗಳು, ಪಾಡ್​ಕಾಸ್ಟ್​ಗಳು, ಈಗ ಇದು ... ಹೀಗೆ ಹೊಸತನಕ್ಕೆ ಅಳವಡಿಸಿಕೊಳ್ಳುವುದಕ್ಕೆ ನನಗೆ ಹಲವು ಅವಕಾಶಗಳು ಸಿಕ್ಕಿವೆ. ಅಮೇಜಾನ್​ ಮತ್ತು ಅಲೆಕ್ಸಾ ಮೂಲಕ ಹೊಸ ವೇದಿಕೆ ಸಿಕ್ಕಂತಾಗಿದೆ. ಧ್ವನಿ ತಂತ್ರಜ್ಱನದ ಮೂಲಕ ಅಭಿಮಾನಿಗಳ ಜತೆಗೆ ಇನ್ನಷ್ಟು ಸಂಪರ್ಕ ಸಾಧಿಸಲು ಸಾಧ್ಯವಾಗಿದೆ' ಎಂದು ಅಮಿತಾಭ್​ ಹೇಳಿಕೊಂಡಿದ್ದಾರೆ.

https://www.vijayavani.net/sanjana-handover-to-ccb-custody/