Siberian Tiger: ಪ್ರೀತಿಸಿದ ಹುಡುಗಿಗಾಗಿ ಯಾವುದೋ ಮೂಲೆಯಿಂದ ಮತ್ಯಾವುದೇ ಮೂಲೆಗೆ ಸಂಚರಿಸುವ ಪ್ರೇಮಿಯ ತವಕ, ಕಾತರ ನಾವೆಲ್ಲಾ ಜಾಲತಾಣಗಳಲ್ಲಿ ಕೇಳಿಯೂ ಇದ್ದೇವೆ, ಅಲ್ಲಲ್ಲಿ ನೋಡಿಯೂ ಇದ್ದೇವೆ. ಇಂತಹ ಘಟನೆಗಳ ಹಲವು ನಿದರ್ಶನಗಳು ಇಂದು ನಮ್ಮ ಕಣ್ಣು ಮುಂದಿವೆ. ಆದರೆ, ಪ್ರಾಣಿಗಳಲ್ಲಿ ಸಹ ಇದೇ ರೀತಿಯ ನಂಟು, ಬೇಸುಗೆಯಿದೆ ಎಂದರೆ ನಂಬಲು ನಿಜಕ್ಕೂ ಸಾಧ್ಯವಿಲ್ಲ. ಸರಳವಾಗಿ ಹೇಳುವುದಾದರೆ ಇಂತಹ ವಿಷಯಗಳು ಸತ್ಯಕ್ಕೆ ದೂರವೆಂದೆ ಅನೇಕರು ವಾದಿಸುತ್ತಾರೆ. ಆದರೆ, ಇಲ್ಲೊಂದು ಘಟನೆ ಅಂತಹ ವಾದಗಳನ್ನು ಸುಳ್ಳು ಎನ್ನುವಂತೆ ಮಾಡಿರುವುದು ಸದ್ಯ ಭಾರೀ ಅಚ್ಚರಿಗೆ ನೂಕಿದೆ. ತನ್ನ ಮಾಜಿ ಸಂಗಾತಿಯನ್ನು (Former Mate) ಹುಡುಕಿಕೊಂಡು ಬರೋಬ್ಬರಿ 200 ಕಿಮೀ ರಷ್ಯಾ ಕಾಡಿನ ಮಧ್ಯೆ ಸಂಚರಿಸಿದ ಸೈಬಿರಿಯನ್ ಹುಲಿ, ನೆಟ್ಟಿಗರು ಮತ್ತು ವನ್ಯಜೀವಿಗಳ ಹುಬ್ಬೇರಿಸಿದೆ.
