ಗ್ಲೌಸ್​ ಅಥವಾ ಬಾಲ್​? ಇದು ಗಿಲ್​ಗೆ ಅಂಪೈರ್​ ಮಾಡಿದ ಮೋಸ! ಫ್ಯಾನ್ಸ್​ ಅಸಮಾಧಾನ | Shubman Gill

Shubman Gill: ನಿನ್ನೆ (ಮೇ.02) ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಗುಜರಾತ್ ಟೈಟನ್ಸ್​ ಮತ್ತು ಸನ್​ರೈಸರ್ಸ್​ ಹೈದರಾಬಾದ್​ ಪಂದ್ಯದಲ್ಲಿ 38 ರನ್​ಗಳಿಂದ ಶುಭಮನ್ ಗಿಲ್​ ಪಡೆ ಗೆದ್ದು ಬೀಗಿತು. ಪಂದ್ಯ ಗೆದ್ದಿದ್ದೇ ಆದರೂ ಶತಕ ಬಾರಿಸುವ ಅವಕಾಶ ಕಳೆದುಕೊಂಡ ಕ್ಯಾಪ್ಟನ್​ ಗಿಲ್​, ಮೈದಾನದಲ್ಲೇ ಅಂಪೈರ್​ ವಿರುದ್ಧ ತಮ್ಮ ಅಸಮಾಧಾನ ಹೊರಹಾಕಿದ್ದು ಕ್ರಿಕೆಟ್​ ಪ್ರಿಯರ ಬೇಸರಕ್ಕೂ ಕಾರಣವಾಗಿದೆ.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಇಂದು ಆರ್​ಸಿಬಿ-ಸಿಎಸ್​ಕೆ ಕಾವೇರಿದ ಕಾದಾಟ; ಪ್ಲೇಆಫ್​​ನತ್ತ ಪಾಟೀದಾರ್​ ಪಡೆ ಚಿತ್ತ

218 ರನ್​ಗಳ ಬೃಹತ್​ ಗುರಿಯನ್ನು ಬೆನ್ನಟ್ಟುವಂತೆ ಸವಾಲೆಸೆದ ಗುಜರಾತ್ ಟೈಟನ್ಸ್​, ಅಂತಿಮವಾಗಿ ಪಂದ್ಯ ಗೆದ್ದು ಬೀಗುವಲ್ಲಿ ಯಶಸ್ವಿಯಾಯಿತು. ಟಾಸ್​ ಸೋತು ಮೊದಲು ಬ್ಯಾಟ್ ಮಾಡಿ ಜಿಟಿಗೆ ಅದ್ಭುತ ಓಪನಿಂಗ್ ಪ್ರದರ್ಶನ ನೀಡಿದ ಗಿಲ್​, 38 ಎಸೆತಗಳಲ್ಲಿ 76 ರನ್​ ಬಾರಿಸಿದರು. ಸ್ಫೋಟಕವಾಗಿ ಕಾಣಿಸುತ್ತಿದ್ದ ಗಿಲ್​, ಶತಕ ಬಾರಿಸುವತ್ತ ಸಾಗುತ್ತಿದ್ದ ವೇಗಕ್ಕೆ ಕ್ಲಾಸೆನ್​ ಬ್ರೇಕ್ ಹಾಕಿದರು. ಮೊದಲಿಗೆ ಇದು ಔಟ್​ ಎಂದೇ ಹೇಳಲಾದರೂ ವಿಡಿಯೋ ಮತ್ತು ಫೋಟೋಗಳನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ಇದು ಔಟ್ ಅಲ್ಲ ಎಂಬ ಮಾತುಗಳು ಕೇಳಿಬಂದಿವೆ.

ರನ್​ ಔಟ್​ ಆದ ಗಿಲ್​ ಅಂಪೈರ್​ ವಿರುದ್ಧ ಕಿಡಿಕಾರಲು ಕ್ಲಾಸೆನ್​ ವಿಕೆಟ್​ ಪಡೆದ ರೀತಿ. ಬಾಲ್​ನಿಂದ ವಿಕೆಟ್​ಗೆ ಬೀಸಬೇಕಿದ್ದ ಕ್ಲಾಸೆನ್​ಮ ತಮ್ಮ ಗ್ಲೌಸ್‌ನಿಂದ ಸ್ಟಂಪ್‌ ಔಟ್ ಮಾಡಿರುವುದು ಮೇಲ್ನೋಟಕ್ಕೆ ಕಂಡುಬಂದಿದೆ. ಫೀಲ್ಡ್​ ಅಂಪೈರ್​ಗಳು ತಮ್ಮಿಂದ ನಿರ್ಧರಿಸಲು ಸಾಧ್ಯವಾಗದ ಹಿನ್ನೆಲೆ ಈ ನಿರ್ಧಾರವನ್ನು ಮೂರನೇ ಅಂಪೈರ್​ಗೆ ಹಸ್ತಾಂತರಿಸಿದರು. ಹಲವು ಬಾರಿ ಪರಿಶೀಲಿಸಿದ ಬಳಿಕ ಗಿಲ್​ ಕ್ರೀಸ್​ನೊಳಗೆ ಬರಲು ವಿಫಲವಾಗಿದ್ದಾರೆ ಎಂದು ಔಟ್​ ಘೋಷಿಸಿದರು. ಈ ನಿರ್ಣಯ ಗಿಲ್​ ಸೇರಿದಂತೆ ಕ್ರಿಕೆಟ್​ ಪ್ರಿಯರನ್ನು ಕೆರಳಿಸಿತು.

ಇದನ್ನೂ ಓದಿ: ಯುವಿ ಬಯೋಪಿಕ್​ಗೆ ಕೇಳಿಬಂತು ಮೂವರ ಹೆಸರು! ಯುವರಾಜ್​ ಸಿಂಗ್ ಪಾತ್ರಕ್ಕೆ ಯಾವ ನಟ ಸೂಕ್ತ? | Yuvraj Singh Biopic

ತಕ್ಷಣವೇ ಸಿಡಿದೆದ್ದ ಗಿಲ್, ಮೈದಾನದಲ್ಲಿದ್ದ ಅಂಪೈರ್​ಗಳ ನಿರ್ಧಾರದ ಬಗ್ಗೆ ಭಾರೀ ಅಸಮಾಧಾನ ವ್ಯಕ್ತಪಡಿಸಿದರು. ನನ್ನದು ಔಟ್ ಅಲ್ಲ. ಔಟ್​ ಎನ್ನಲು ಹೇಗೆ ಸಾಧ್ಯ? ಎಂದು ಫೀಲ್ಡ್​ ಅಂಪೈರ್​ಗಳನ್ನು ಪ್ರಶ್ನಿಸಿದ್ದಾರೆ. ಕೆಲ ನಿಮಿಷ ತೀವ್ರ ವಾಗ್ವಾದ ಶುಭಮನ್​ ಗಿಲ್​, ಅದೇ ಬೇಸರದಲ್ಲಿ ಪೆವಿಲಿಯನ್​ನತ್ತ ಸಾಗಿದರು. ಅಂಪೈರ್​ ಕೊಟ್ಟ ತೀರ್ಪು ಕ್ರಿಕೆಟ್​ ಪ್ರಿಯರಲ್ಲಿ ಅಚ್ಚರಿ ಮೂಡಿಸಿದ್ದು, ಹಲವರು ಗಿಲ್ ಪರ ಧ್ವನಿ ಎತ್ತಿ, ಅದು ಔಟ್ ಎಲ್ಲ ಎಂದು ವಾದಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/yuvaraj-singh-biopic-will-be-ready-to-lauch