ಟಿಬಿಲಿಸಿ (ಜಾರ್ಜಿಯಾ): ಕರೊನಾ ಲಾಕ್ಡೌನ್ನಿಂದ ಹಲವು ದಿನಗಳವರೆಗೆ ಮುಚ್ಚಿದ್ದ ಜಾರ್ಜಿಯಾ ಮಾಲ್ ಮರು ತೆರೆಯಲಾಗಿದ್ದು, ಮೊದಲ ದಿನವೇ ಮಾಲ್ ಹೊರಭಾಗದಲ್ಲಿ ಹೈಡ್ರಾಮವೊಂದು ನಡೆದಿದೆ. ಮೂವರ ನಡುವೆ ನಡೆಯುತ್ತಿದ್ದ ಜಗಳದ ವೇಳೆ ವ್ಯಕ್ತಿಯೊಬ್ಬ ಹಾರಿ ಮಹಿಳೆಯ ಹೊಟ್ಟೆಗೆ ಒದ್ದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ: ಕಿಲ್ಲರ್ ಕರೊನಾಗೆ ರಾಮಬಾಣವಾಯ್ತಾ ಪಾಚಿ ಕಡಲೆ ಮಿಠಾಯಿ…?
ಜಾರ್ಜಿಯಾದ ಅಟ್ಲಾಂಟಾದಲ್ಲಿರುವ ಕ್ಯುಂಬರ್ಲ್ಯಾಂಡ್ ಮಾಲ್ ಮುಂದೆ ಮಂಗಳವಾರ ನಡೆದ ಹೈಡ್ರಾಮವನ್ನು ಸ್ಥಳದಲ್ಲಿದ್ದವರು ಮೊಬೈಲ್ನಲ್ಲಿ ಸೆರೆಹಿಡಿದಿದ್ದಾರೆ. ಪಾರ್ಕಿಂಗ್ ಸ್ಥಳದಲ್ಲಿ ವಾಗ್ವಾದಕ್ಕೆ ಇಳಿದಿದ್ದಾಗ ಮಾತಿಗೆ ಮಾತು ಬೆಳೆದು ಒಬ್ಬರಿಗೊಬ್ಬರು ಕಿತ್ತಾಡಿಕೊಂಡರು ಎಂದು ಮೊಬೈಲ್ನಲ್ಲಿ ಘಟನೆ ಸೆರೆಹಿಡಿದ ವ್ಯಕ್ತಿ ತಿಳಿಸಿದ್ದಾರೆ. ಆದರೆ ಯಾವ ವಿಚಾರಕ್ಕೆ ಅವರು ಜಗಳವಾಡಿದರು ಎಂಬುದು ಅಸ್ಪಷ್ಟವಾಗಿದೆ.
ವಿಡಿಯೋದಲ್ಲಿ ಏನಿದೆ?: ಮೂವರು ಮಹಿಳೆಯರು ಕಿತ್ತಾಡುವುದರೊಂದಿಗೆ ವಿಡಿಯೋ ಆರಂಭವಾಗುತ್ತದೆ. ಅದರಲ್ಲಿ ಇಬ್ಬರು ಮಹಿಳೆಯರು ನೆಲದ ಮೇಲೆ ಬಿದ್ದು ಫೈಟ್ ಮಾಡುವಾಗ ಇನ್ನೊರ್ವ ಮಹಿಳೆ ಕೆಳಗೆ ಬಿದ್ದಿರುವವಳ ಜಡೆ ಹಿಡಿದು ಎಳೆಯುತ್ತಾಳೆ. ಈ ವೇಳೆ ಸೆಕ್ಯುರಿಟಿ ಗಾರ್ಡ್ ಒಬ್ಬರು ಗಲಾಟೆ ಬಿಡಿಸಲು ಯತ್ನಿಸುತ್ತಾರೆ. ಆದರೆ ಅದು ಸಾಧ್ಯವಾಗಲ್ಲ. ಈ ನಡುವೆ ಸ್ಪೋರ್ಟ್ಸ್ ಜರ್ಸಿ ಧರಿಸಿದ್ದ ವ್ಯಕ್ತಿಯೊಬ್ಬ ತಕ್ಷಣ ಓಡಿ ಬಂದು ಹಾರಿ ನೆಗೆದು ಜಡೆ ಹಿಡಿದು ಎಳೆಯುತ್ತಿದ್ದ ಮಹಿಳೆಯ ಹೊಟ್ಟೆಗೆ ಒದಿಯುತ್ತಾನೆ. ಬಳಿಕ ಸೆಕ್ಯುರಿಟಿ ಗಾರ್ಡ್ ಮತ್ತು ಮತ್ತೊಬ್ಬ ಮಹಿಳೆಯನ್ನು ನೂಕಿ ಓರ್ವ ಮಹಿಳೆಯನ್ನು ಅಲ್ಲಿಂದ ಕರೆದೊಯ್ಯುತ್ತಾನೆ.
ಇದನ್ನೂ ಓದಿ: ಕಾಸ್ಟಿಂಗ್ ಕೌಚ್ ಬಗ್ಗೆ ರಣವಿಕ್ರಮನ ಬೆಡಗಿ ಕೊಟ್ರು ಶಾಕಿಂಗ್ ಸ್ಟೇಟ್ಮೆಂಟ್!
ಘಟನೆ ಬಗ್ಗೆ ಮಾತನಾಡಿರುವ ಸೆಕ್ಯುರಿಟಿ ಗಾರ್ಡ್, ಹೊರ ಹೋಗಿ ಇಲ್ಲದಿದ್ದರೆ ಇಬ್ಬರಿಗೂ ಪೆಪ್ಪರ್ (ಮೆಣಸು) ಸ್ಪ್ರೇ ಮಾಡಬೇಕಾಗುತ್ತದೆ ಎಂದು ಹೇಳಿದೆ. ಆದರೆ ಅವರು ಕೆಳಲಿಲ್ಲ ಒಬ್ಬರಿಗೊಬ್ಬರು ಕಿತ್ತಾಡಿಕೊಂಡರು ಎಂದು ತಿಳಿಸಿದ್ದಾರೆ.
ಇನ್ನು ಕಿತ್ತಾಟದಲ್ಲಿ ಯಾರಿಗೂ ಹಾನಿಯಾಗಿಲ್ಲ. ಈ ಘಟನೆ ಜಾರ್ಜಿಯಾದಲ್ಲಿ ಚರ್ಚೆಗೆ ಕಾರಣವಾಗಿದ್ದು, ಅಟ್ಲಾಂಟಾ ಕರೊನಾದಿಂದ ತಹಬದಿಗೆ ಬರುತ್ತಿದೆ. ಈಗಲೇ ಮಾಲ್ಗಳನ್ನು ಓಪನ್ ಮಾಡಬೇಕಿತ್ತಾ? ಇನ್ನು ಸ್ವಲ್ಪ ದಿನ ಸದ್ಯದ ಪರಿಸ್ಥಿತಿಯೇ ಮುಂದುವರಿಯಬೇಕಿತ್ತು ಎಂದು ನೆಟ್ಟಿಗರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಜಾರ್ಜಿಯಾ ಗವರ್ನರ್ ಬ್ರೈನ್ ಕೆಂಪ್ ಅವರು ಅಕಾಲಿಕವಾಗಿ ದೇಶದ ಆರ್ಥಿಕತೆಯನ್ನು ಓಪನ್ ಮಾಡಿದ್ದಾರೆಯೇ ಎಂದು ನೆಟ್ಟಿಗರು ಕಿಡಿಕಾರಿದ್ದಾರೆ. (ಏಜೆನ್ಸೀಸ್)
ಇದನ್ನೂ ಓದಿ: VIDEO| ಚಲಿಸುತ್ತಿದ್ದ ಆಂಬುಲೆನ್ಸ್ನಿಂದ ಸ್ಟ್ರೆಚರ್ ಸಮೇತ ರಸ್ತೆಗೆ ಬಿದ್ದ ರೋಗಿ: ಮುಂದೇನಾಯಿತು ನೋಡಿ!