ಬುಮ್ರಾ ಓರ್ವ ಅದ್ಭುತ ವೇಗದ ಬೌಲರ್. ಟೆಸ್ಟ್ ಕ್ರಿಕೆಟ್ಗಿಂತ ಏಕದಿನ ಮತ್ತು ಟಿ20 ಮಾದರಿ ಪಂದ್ಯಗಳು ಅವರಿಗೆ ಸೂಕ್ತವಾಗಿವೆ. ಏಕೆಂದರೆ, ಅವರು ಲೈನ್ ಅಂಡ್ ಲೆಂಥ್ ಅನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳುತ್ತಾರೆ. ಡೆತ್ ಓವರ್ಗಳಲ್ಲಿ ಮತ್ತು ಪವರ್ಪ್ಲೇನಲ್ಲಿ ಚೆಂಡನ್ನು ಅದ್ಭುತವಾಗಿ ಎಸೆಯುತ್ತಾರೆ. ಅವರು ಚೆಂಡನ್ನು ಎರಡು ರೀತಿಯಲ್ಲಿ ಸ್ವಿಂಗ್ ಮಾಡುವ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಆದರೆ ಬುಮ್ರಾ ತಮ್ಮ ವೃತ್ತಿಜೀವನವನ್ನು ದೀರ್ಘಕಾಲದವರೆಗೆ ಮುಂದುವರಿಸಲು ಬಯಸಿದರೆ, ಅವರು ಟೆಸ್ಟ್ ಅನ್ನು ತ್ಯಜಿಸಬೇಕು. ಏಕೆಂದರೆ, ಟೆಸ್ಟ್ಗಳಲ್ಲಿ ದೀರ್ಘ ಕಾಲ ಬೌಲಿಂಗ್ ಮಾಡಬೇಕು. ಇಲ್ಲಿ ಬ್ಯಾಟ್ಸ್ಮನ್ಗಳು ಎಲ್ಲ ಸಮಯದಲ್ಲೂ ವೇಗದ ಬೌಲರ್ಗಳ ಮೇಲೆ ದಾಳಿ ಮಾಡಲು ಪ್ರಯತ್ನಿಸುವುದಿಲ್ಲ. ಹೀಗಾಗಿ ಇನ್ನು ಹೆಚ್ಚಿನ ವೇಗದಲ್ಲಿ ಬೌಲಿಂಗ್ ಮಾಡಬೇಕಾಗುತ್ತದೆ. ಒಂದು ವೇಳೆ ಬೌಲಿಂಗ್ನಲ್ಲಿ ಯಾವುದೇ ವೇಗವಿಲ್ಲದಿದ್ದರೆ, ಚೆಂಡು ಸೀಮ್ ಅಥವಾ ರಿವರ್ಸ್ ಸ್ವಿಂಗ್ ಆಗುವುದಿಲ್ಲ. ಇದು ಬೌಲಿಂಗ್ ಶೈಲಿಯ ಬಗ್ಗೆ ಅನೇಕ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ ಎಂದು ಅಖ್ತರ್ ಹೇಳಿದರು.
