ಧನುಷ್ ನಾಯಕನಾಗಿರುವ 49ನೇ ಸಿನಿಮಾ ‘ಕ್ಯಾಪ್ಟನ್ ಮಿಲ್ಲರ್’. ವಿಶೇಷ ಅಂದರೆ ಈ ಚಿತ್ರದಲ್ಲಿ ಕನ್ನಡದ ಶಿವರಾಜಕುಮಾರ್ ಸಹ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಕಳೆದ ವರ್ಷ ರಜಿನಿಕಾಂತ್ ನಾಯಕರಾಗಿದ್ದ ‘ಜೈಲರ್’ ಸಿನಿಮಾದಲ್ಲಿ ‘ನರಸಿಂಹ’ ಎಂಬ ಸಣ್ಣ ಪಾತ್ರದಲ್ಲಿ ನಟಿಸಿದ್ದ ಶಿವಣ್ಣ ದೊಡ್ಡ ಮಟ್ಟದಲ್ಲಿ ಮಿಂಚಿದ್ದರು. ಹೀಗಾಗಿಯೇ ‘ಕ್ಯಾಪ್ಟನ್ ಮಿಲ್ಲರ್’ ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಿದೆ.
ಇದನ್ನೂ ಓದಿ : ಕ್ರಶ್ಗಾಗಿ ಎದೆಯ ಮೇಲೆ ಟ್ಯಾಟೂ ಹಾಕಿಸಿಕೊಂಡ ಯೂಟರ್ನ್ ಬೆಡಗಿ ಶ್ರದ್ಧಾ ಶ್ರೀನಾಥ್! ಯಾರು ಕ್ರಶ್? ಟ್ಯಾಟೂ ಅರ್ಥವೇನು?
ಜತೆಗೆ ಚಿತ್ರದ ಫಸ್ಟ್ ಲುಕ್ ಮತ್ತು ಟೀಸರ್ ಈಗಾಗಲೇ ರಿಲೀಸ್ ಆಗಿದ್ದು, ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ. ಹೊಸ ವರ್ಷದ ಸಡಗರದಲ್ಲಿ ಚಿತ್ರತಂಡ ‘ಕ್ಯಾಪ್ಟನ್ ಮಿಲ್ಲರ್’ ರಿಲೀಸ್ ದಿನಾಂಕ ೋಷಿಸಿದೆ. ಪೊಂಗಲ್ ಹಬ್ಬದ ಸಂಭ್ರಮದಲ್ಲಿ ಸಿನಿಮಾ ಜ. 12ರಂದು ವಿಶ್ವಾದ್ಯಂತ ತೆರೆಗೆ ಬರಲಿದೆ. ಇದು ಆ್ಯಕ್ಷನ್ ಜಾನರ್ ಚಿತ್ರವಾಗಿದ್ದು ಸ್ವಾತಂತ್ರ್ಯ ಹೋರಾಟದ ಸಮಯ ನಡೆಯುವ ಕಥಾಹಂದರ ಹೊಂದಿದೆ.
ಇದನ್ನೂ ಓದಿ : ಕಾಟೇರ ಒಟಿಟಿ ರಿಲೀಸ್ ಯಾವಾಗ? ಯಾರ ಪಾಲಾಯ್ತು ಹಕ್ಕು? ಇಲ್ಲಿದೆ ಮಾಹಿತಿ..
ಚಿತ್ರವನ್ನು ‘ರಾಕಿ’ ಖ್ಯಾತಿಯ ಅರುಣ್ ಮಾಥೇಶ್ವರನ್ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ಧನುಷ್ಗೆ ಪ್ರಿಯಾಂಕಾ ಮೋಹನನ್ ನಾಯಕಿಯಾಗಿದ್ದಾರೆ. ಉಳಿದಂತೆ ಜಿ.ವಿ. ಪ್ರಕಾಶ್ ಕುಮಾರ್ ಸಂಗೀತದಲ್ಲಿ ‘ಕ್ಯಾಪ್ಟನ್ ಮಿಲ್ಲರ್’ ಮೂಡಿಬರಲಿದೆ.