ಕಳೆದ ಬಾರಿಗಿಂತ ಲಿಂಗನಮಕ್ಕಿ ಅಣೆಕಟ್ಟಿನಲ್ಲಿ ಈ ವರ್ಷ 20 ಅಡಿ ನೀರು ಅಧಿಕ ಸಂಗ್ರಹವಿದೆ. ಇದು ಜಲಾಶಯದ ಒಟ್ಟು ನೀರಿನ ಸಂಗ್ರಹದಲ್ಲಿ ಶೇ. 25.16ರಷ್ಟು ಮಾತ್ರ. ಕಳೆದ ವರ್ಷ ಮೇ ವೇಳೆಗೆ ಜಲಾಶಯದಲ್ಲಿ ಕೇವಲ 1,749.65 ಅಡಿ ನೀರು ಸಂಗ್ರಹವಿತ್ತು. ಸಮುದ್ರ ಮಟ್ಟದಿಂದ 1,819 ಅಡಿ ಎತ್ತರದ ಲಿಂಗನಮಕ್ಕಿ ಜಲಾಶಯದಲ್ಲಿ ಹಾಲಿ 1,768.90 ಅಡಿ ನೀರು ಸಂಗ್ರಹವಿದ್ದು, ಪ್ರತಿನಿತ್ಯ ಸಾಮಾನ್ಯವಾಗಿ ಶರಾವತಿ ಜಲವಿದ್ಯುದಾಗದಿಂದಲೇ 17ರಿಂದ 18 ಮಿಲಿಯನ್ ಯೂನಿಟ್ ವಿದ್ಯುತ್ ಉತ್ಪಾದಿಸಲಾಗುತ್ತಿದೆ. ಇದಕ್ಕಾಗಿ ಜಲಾಶಯದಿಂದ 8 ಸಾವಿರ ಕ್ಯೂಸೆಕ್ ನೀರನ್ನು ಬಳಸಲಾಗುತ್ತಿದೆ. ಇದೇ ರೀತಿ ವಿದ್ಯುತ್ ಉತ್ಪಾದನೆ ಮುಂದುವರಿದರೆ ಜೂನ್ ಅಂತ್ಯದವರೆಗೆ ವಿದ್ಯುತ್ ಉತ್ಪಾದನೆ ಹಾಗೂ ಕುಡಿಯುವ ನೀರಿಗೆ ಸಮಸ್ಯೆಯಿಲ್ಲ.
