ಶಿಕ್ಷಣದಿಂದ ವಂಚಿತರಾಗದಿರಿ

ರಿಪ್ಪನ್‌ಪೇಟೆ: ಮಕ್ಕಳು ಯಾವುದೆ ಕಾರಣಕ್ಕೂ ಶಿಕ್ಷಣದಿಂದ ವಂಚಿತರಾಗಬಾರದು. ದೇಶದಲ್ಲಿ ಎಲ್ಲ ಮಕ್ಕಳಿಗೂ ಉತ್ತಮ ಭವಿಷ್ಯವಿದೆ ಎಂದು ಶಾಸಕ ಗೋಪಾಲಕೃಷ್ಣ ಬೇಳೂರು ಹೇಳಿದರು.

ಪಟ್ಟಣದ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಆಯೋಜಿಸಿದ್ದ ಕ್ರೀಡಾ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಮನೆಯಲ್ಲಿ ಕಷ್ಟದ ಪರಿಸ್ಥಿತಿ ಇದ್ದರೂ ಶಿಕ್ಷಣ ನಿಲ್ಲಿಸಬೇಡಿ, ಕಷ್ಟದಲ್ಲಿರುವ ವಿದ್ಯಾರ್ಥಿಗಳಿಗೆ ನೆರವು ನೀಡುತ್ತೇನೆ. ಶಿಕ್ಷಣ ಪಡೆಯುವ ಜತೆಯಲ್ಲಿ ಗುರು ಹಿರಿಯರಿಗೆ ಗೌರವ ನೀಡುವುದನ್ನು ಕಲಿತರೆ ಉತ್ತಮ ವ್ಯಕ್ತಿತ್ವ ರೂಪುಗೊಳ್ಳುತ್ತದೆ ಎಂದು ತಿಳಿಸಿದರು.

ಶೈಕ್ಷಣಿಕ, ಕ್ರೀಡೆ, ಮತ್ತು ಸಾಂಸ್ಕೃತಿಕ ಚಟುವಟಿಕೆಯಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು. ಸಿಡಿಸಿ ಸಮಿತಿ ಉಪಾಧ್ಯಕ್ಷ ಜಿ.ಆರ್.ಗೋಪಾಲಕೃಷ್ಣ, ಸದಸ್ಯರಾದ ಬೋರಪ್ಪ, ರಫೀ, ನಾಗಪ್ಪ, ಗ್ರಾಪಂ ಸದಸ್ಯ ಆಸಿಫ್, ಮಹಾಲಕ್ಷ್ಮೀ, ಮಧುಸೂದನ್, ಗಣಪತಿ, ನಿರುಪಮಾ, ಪ್ರಕಾಶ್ ಪಾಲೇಕರ್, ಪ್ರಾಚಾರ್ಯ ವಾಸುದೇವ ಇತರರಿದ್ದರು.

https://www.vijayavani.net/shivamogga-scheme-to-provide-quality-education