ಸುಮ್ಮನೆ ಫೋನ್​ನಲ್ಲಿ ಮಾತಾಡಿ ಗೆಳೆತನ ಬೆಳೆಸಿದ್ದಕ್ಕೆ ಜೀವ ಕಳೆದುಕೊಂಡಳು..!

ಗೋಪಾಲ್​​ಗಂಜ್​: ಹುಡುಗಿಯರು ಅಪರಿಚಿತ ನಂಬರ್​ನಿಂದ ಬರುವ ಕರೆಗೆ ಪ್ರತಿಕ್ರಿಯಿಸದಿರುವುದೇ ಒಳಿತು. ಅಂಥ ಒಂದು ಕಾಲ್​ಗೆ ಪ್ರತಿಕ್ರಿಯಿಸಿದ್ದೇ ಈಕೆಯ ಪಾಲಿಗೆ ಒಂದು ರೀತಿಯಲ್ಲಿ ಕಾಲನ ಕರೆಯಾಗಿಬಿಟ್ಟಿತು. ಒಂದು ಕರೆಯಿಂದ ಉಂಟಾದ ಪರಿಚಯ ಈಗ ಈಕೆಯ ಮನೆಯವರೆಲ್ಲ ಪರಿತಪಿಸುವಂತೆ ಮಾಡಿದೆ.

ಬಹುಶಃ ಆತನೊಂದಿಗೆ ಫೋನ್​ ಮೂಲಕ ಮಾತನಾಡುತ್ತಿದ್ದಾಗ ಅವಳಿಗೆ ಹೀಗೆಲ್ಲ ಆಗುತ್ತದೆ ಎಂಬ ಕಲ್ಪನೆಯೂ ಇದ್ದಿರಲಿಕ್ಕಿಲ್ಲ. ಹಾಗೆ ಫೋನ್​ ಮೂಲಕ ಪರಿಚಿತನಾದ ಯುವಕನೊಂದಿಗೆ ಆಕೆ ಗೆಳೆತನ ಮುಂದುವರಿಸಿದ್ದಳು. ಆತ ಅದನ್ನು ಪ್ರೀತಿ ಎಂದುಕೊಂಡು, ಮದುವೆಯಾಗುವಂತೆ ಒತ್ತಾಯಿಸಿದ. ಹೀಗೆ ಫೋನ್​ ಕರೆ ಮೂಲಕ ಫ್ರೆಂಡ್​ ಆಗಿದ್ದ ಯುವತಿಯ ಮನೆಗೆ ತೆರಳಿದ ಆತ ಮದುವೆ ಆಗುವಂತೆ ಒತ್ತಾಯಿಸಿದ್ದ. ಆದರೆ ಮದುವೆಯಾಗಲು ಆಕೆ ನಿರಾಕರಿಸಿದ್ದರಿಂದ ಬೇಸರಗೊಂಡು ಸಿಟ್ಟಾದ ಆತ ಆಕೆಗೆ ಚಾಕುವಿನಿಂದ ಇರಿದಿದ್ದಾನೆ. ತೀವ್ರ ಗಾಯಗೊಂಡ ಅವಳನ್ನು ಆಸ್ಪತ್ರೆಗೆ ಸಾಗಿಸುವಾಗ ಮಾರ್ಗಮಧ್ಯೆಯೇ ಪ್ರಾಣಬಿಟ್ಟಿದ್ದಾಳೆ.

ಇದನ್ನೂ ಓದಿ: ಶ್ರೀಮಂತರ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದ ಮುಕೇಶ್​ ಅಂಬಾನಿ ಈಗ ಟಾಪ್​ 10ನಿಂದಲೇ ನಾಪತ್ತೆ!

ಇಂಥದ್ದೊಂದು ಅಪರಾಧ ಪ್ರಕರಣ ಬುಧವಾರ ಸಂಭವಿಸಿದೆ. ಬಿಹಾರದ ಗೋಪಾಲ್​ಗಂಜ್ ಜಿಲ್ಲೆಯ ಸಿಧ್ವಾಲಿಯಾ ಎಂಬಲ್ಲಿ ಬುಧವಾರ ರಾತ್ರಿ ಈ ಘಟನೆ ನಡೆದಿದೆ. ಯುವತಿಯ ಸಾವಿನ ಹಿನ್ನೆಲೆಯಲ್ಲಿ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ಅನಿಲ್​ ಯಾದವ್ ಹಾಗೂ ಆತನ ಗೆಳೆಯ ಧೀರಜ್ ಎಂಬಾತನನ್ನು ಗುರುವಾರ ಬಂಧಿಸಿದ್ದಾರೆ. ಜಲಲ್​ಪುರ ಗ್ರಾಮದ ಅನಿಲ್ ಯಾದವ್ ಸಂತ್ರಸ್ತ ಯುವತಿಗೆ ಫೋನ್​ ಮೂಲಕ ಪರಿಚಿತನಾಗಿದ್ದ. ಆಕೆ ಮದುವೆಗೆ ಒಪ್ಪದ್ದಕ್ಕೆ ಆತ ಈ ಕೃತ್ಯವೆಸಗಿದ್ದು, ಪೊಲೀಸರು ಮತ್ತಷ್ಟು ತನಿಖೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/two-drug-peddlers-arrested/

https://www.vijayavani.net/they-stopped-entry-of-vehicle-into-tirumala-reason-is-rss-sticker/

https://www.vijayavani.net/c-m-ibrahims-statement-about-go-hathya-at-hubballi/

https://www.vijayavani.net/this-incidents-unfolds-the-story-of-cinema-drishya/