ಮುಂಬೈ: ಬಾಲಿವುಡ್ ಬಾದ್ಶಾ ಶಾರುಖ್ ಖಾನ್ 2018ರ ಡಿಸೆಂಬರ್ನಲ್ಲಿ ಜೀರೋ ಸಿನಿಮಾ ಸೋಲಿನ ಬಳಿಕ ನಟನೆಯಿಂದ ಸುದೀರ್ಘ ಎರಡು ವರ್ಷ ಹಿಂದೆ ಸರಿದಿದ್ದರು. ನಟನೆ ಬದಿಗಿರಿಸಿ ಸಿನಿಮಾ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದರು. ಅಭಿಮಾನಿ ವಲಯದಲ್ಲಿ ಶಾರುಖ್ ಅವರ ಈ ನಿರ್ಧಾರ ಬೇಸರ ತರಿಸಿತ್ತು. ಮತ್ತೆ ಯಾವಾಗ ತೆರೆಮೇಲೆ ಬರುತ್ತೀರಿ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಪ್ರಶ್ನೆ ಮೇಲೆ ಪ್ರಶ್ನೆ ಕೇಳುತ್ತಿದ್ದರು. ಇದೀಗ ಅದೆಲ್ಲದಕ್ಕೂ ಉತ್ತರ ಸಿಕ್ಕಿದೆ.
ಇದನ್ನೂ ಓದಿ: ಆ್ಯಕ್ಟ್ 1978: ಕೊನೆಗೂ ನವೆಂಬರ್ನಲ್ಲಿ ಬಿಡುಗಡೆ
ಹೌದು, ಇತ್ತೀಚಿನ ಕೆಲ ತಿಂಗಳಿಂದ ಸಿನಿಮಾ ಒಪ್ಪಿಕೊಳ್ಳುವ ವಿಚಾರವಾಗಿಯೇ ಶಾರುಖ್ ಖಾನ್ ಸುದ್ದಿಯಲ್ಲಿದ್ದರು. ಪಠಾಣ್ ಸಿನಿಮಾ ಮಾಡುವುದಾಗಿ ಹೇಳಿದ್ದರು. ಅದರಂತೆ, ಇದೀಗ ಆ ಸಿನಿಮಾ ಸೆಟ್ಟೇರಲು ಸಿದ್ಧವಾಗಿದೆ. ನವೆಂಬರ್ನಲ್ಲಿ ಚಿತ್ರದ ಶೂಟಿಂಗ್ನಲ್ಲಿ ಶಾರುಖ್ ಖಾನ್ ಭಾಗವಹಿಸಲಿದ್ದಾರೆ. ಈ ಮೂಲಕ ಸುದೀರ್ಘ 678 ದಿನಗಳ ಬಳಿಕ ಮತ್ತೆ ಕ್ಯಾಮರಾ ಮುಂದೆ ನಿಲ್ಲುವ ನಿರ್ಧಾರ ತೆಗೆದುಕೊಂಡಿದ್ದಾರೆ ಶಾರುಖ್.
ಜೀರೋ ಸಿನಿಮಾ ಸೋಲಿನ ಬಳಿಕ ಬೇರಾವ ಸಿನಿಮಾ ಆಯ್ದುಕೊಳ್ಳದ ಶಾರುಖ್, ಇದೀಗ ಸುದೀರ್ಘ ಎರಡು ವರ್ಷದ ಬಳಿಕ ಪಠಾಣ್ ಚಿತ್ರದ ಶೂಟಿಂಗ್ನಲ್ಲಿ ಪಾಲ್ಗೊಳ್ಳಲು ಉತ್ಸುಕರಾಗಿದ್ದಾರೆ. ಸಾಲು ಸಾಲು ಸೋಲು ಕಂಡು, ಅದರಿಂದ ಕೊಂಚ ಬೇಸರಗೊಂಡಿದ್ದ ಶಾರುಖ್, ಇದೀಗ ಮತ್ತೆ ಹಳೇ ಲಯಕ್ಕೆ ಮರಳುತ್ತಿದ್ದಾರೆ. ಸದ್ಯ ಶಾರುಖ್ ಅವರ ಈ ನಿರ್ಧಾರ ನಿರಾಸೆಯಲ್ಲಿದ್ದ ಅಭಿಮಾನಿಗಳಿಗೆ ಈ ವಿಚಾರ ಖುಷಿ ನೀಡಿದೆ.
ಇದನ್ನೂ ಓದಿ: ನವರಾತ್ರಿ ವೈಭವ: ಹೆಣ್ಣನ್ನು ಗೌರವಿಸುವುದೇ ನಿಜವಾದ ನವರಾತ್ರಿ…
ಸಿದ್ಧಾರ್ಥ್ ಆನಂದ್ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿಬರಲಿದ್ದು, ದೀಪಿಕಾ ಪಡುಕೋಣೆ ನಾಯಕಿಯಾಗಿ ನಟಿಸಲಿದ್ದಾರೆ. ಜನವರಿ ವೇಳೆಗೆ ದೀಪಿಕಾ ಜತೆಗೆ ಜಾನ್ ಅಬ್ರಹಂ ಸಹ ಶೂಟಿಂಗ್ನಲ್ಲಿ ಭಾಗಿಯಾಗಲಿದ್ದಾರೆ. (ಏಜೆನ್ಸೀಸ್)
ಸಿಎಸ್ಕೆ ಕ್ಯಾಪ್ಟನ್ ಧೋನಿ ನಂತರ ನಟ ವಿಜಯ್ ಸೇತುಪತಿ ಮಗಳಿಗೆ ಅತ್ಯಾಚಾರ ಬೆದರಿಕೆ..!