ಐಪಿಎಲ್​ ಮೆಗಾ ಹರಾಜು ಪ್ರಕ್ರಿಯೆ ವಿಚಾರವಾಗಿ ಪಂಜಾಬ್​ ಕಿಂಗ್ಸ್​ಮಾಲೀಕರೊಂದಿಗೆ ಶಾರುಖ್​ ಕಿತ್ತಾಟ; ಬಳಿಕ ಹೇಳಿದ್ದಿಷ್ಟು

ಮುಂಬೈ: 18ನೇ ಆವೃತ್ತಿಯ ಐಪಿಎಲ್​ ಶುರುವಾಗುವುದಕ್ಕೆ ತಿಂಗಳುಗಳು ಬಾಕಿ ಉಳಿದಿದ್ದು, ಬಿಸಿಸಿಐ ಮೆಗಾ ಹರಾಜಿಗೆ ಭರದಿಂದ ಸಿದ್ಧತೆ ನಡೆಸುತ್ತಿದೆ. ಇದರ ನಡುವೆಯೇ ಬಿಸಿಸಿಐ ಐಪಿಎಲ್​ ಫ್ರಾಂಚೈಸಿಗಳ ಮಾಲೀಕರ ಸಣೆಯನ್ನು ಜುಲೈ 31ರಂದು ನಡೆಸಿದ್ದು, ಆಟಗಾರರ ರಿಟೀನ್​ ಮಾಡುವ ವಿಚಾರವಾಗಿ ಸಿಎಸ್​ಕೆ, ಎಸ್​ಆರ್​ಎಚ್​ ಹಾಗೂ ಕೆಕೆಆರ್​ ವಿರೋಧ ವ್ಯಕ್ತಪಡಿಸಿವೆ ಎಂದು ವರದಿಯಾಗಿದೆ.

ಬುಧವಾರ (ಜುಲೈ 31) ಮುಂಬೈನ ಬಿಸಿಸಿಐ ಮುಖ್ಯ ಕಚೇರಿಯಲ್ಲಿ ನಡೆದ ಐಪಿಎಲ್​ ಮಾಲೀಕರ ಸಭೆಯಲ್ಲಿ ಶಾರುಖ್​ ಖಾನ್​ ಮೆಗಾ ಹರಾಜಿಗೆ ವಿರೋಧ ವ್ಯಕ್ತಪಡಿಸಿದ್ದಾರೆಂದು ಕ್ರಿಕ್​ಬುಕ್​ ವರದಿ ಮಾಡಿದೆ. ಮೆಗಾ ಹರಾಜು ಬದಲು ಸಣ್ಣ ಮಟ್ಟದ ಹರಾಜು ನಡೆಯಲಿ ಎಂದು ಬಿಸಿಸಿಐ ಬಳಿ ಶಾರುಖ್​ ಕೇಳಿದಾಗ, ಪಂಜಾಬ್​ ಕಿಂಗ್ಸ್​ ಸಹ ಮಾಲೀಕ ನೆಸ್​ ವಾಡಿಯ ಮಧ್ಯಪ್ರವೇಶಿಸಿ ವಿರೋಧ ವ್ಯಕ್ತಪಡಿಸಿದರು. ಈ ವೇಳೆ ಶಾರುಖ್​ ಮತ್ತು ವಾಡಿಯ ನಡುವೆ ವಾಗ್ವಾದ ನಡೆದಿದೆ ಎಂದು ವರದಿಯಾಗಿದೆ.

ಈ ಕುರಿತು ಪ್ರತಿಕ್ರಿಯಿಸಿರುವ ಪಂಜಾಬ್​ ಕಿಂಗ್ಸ್​ ಸಹ ಮಾಲೀಕ ನೆಸ್​ ವಾಡಿಯಾ, ಶಾರುಕ್‌ ಖಾನ್ ಅವರನ್ನು ನಾನು 25 ವರ್ಷದಿಂದ ಬಲ್ಲೆ. ಇಲ್ಲಿ ಯಾವುದೇ ದ್ವೇಷ ಇಲ್ಲ. ಎಲ್ಲರೂ ಅವರವರ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. ಕೊನೆಯಲ್ಲಿ ಎಲ್ಲರಿಗೂ ಸರಿಹೊಂದುವಂತೆ ನಿರ್ಧಾರ ಕೈಗೊಳ್ಳಬೇಕಿದೆ ಅಷ್ಟೇ. ನನ್ನ ಹಾಗೂ ಶಾರುಖ್​ ನಡುವೆ ವಾಗ್ವಾದ ನಡೆದಿದೆ ಎಂಬುದು ಸುಳ್ಳು ಎಂದು ನೆಸ್​ ವಾಡಿಯಾ ಹೇಳಿದ್ದಾರೆ.

ಇದನ್ನೂ ಓದಿ: ಬಿಗ್​ಬಾಸ್​ ಸೀಸನ್​-11 ಆರಂಭಕ್ಕೆ ಡೇಟ್​ ಫಿಕ್ಸ್​; ಯಾರೆಲ್ಲಾ ಸ್ಪರ್ಧಿ, ಇಲ್ಲಿದೆ ಕಂಪ್ಲೀಟ್​ ಡೀಟೇಲ್ಸ್​

ಶಾರುಖ್​ ಖಾನ್​ ವಾದಕ್ಕೆ ಎಸ್​ಆರ್​ಎಚ್​ ಮಾಲಕಿ ಕಾವ್ಯಾ ಮಾರನ್​ ಬೆಂಬಲ ಸೂಚಿಸಿದ್ದಾರೆ. ಅಲ್ಲದೇ ಕಾವ್ಯಾ ಮಾರನ್ ಐಪಿಎಲ್ ಮೆಗಾ ಹರಾಜು ನಡೆಸುವ ವಿರುದ್ಧ ಮಾತನಾಡಿದರು. ಒಂದು ತಂಡವನ್ನು ಕಟ್ಟಲು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ. ಅಲ್ಲದೆ, ಕಿರಿಯ ಆಟಗಾರರು ತಯಾರಾಗಲು ಸ್ವಲ್ಪ ಸಮಯ ಮತ್ತು ಹೂಡಿಕೆಯನ್ನು ತೆಗೆದುಕೊಳ್ಳುತ್ತದೆ. ನಮ್ಮ ತಂಡದ ಅಭಿಷೇಕ್​ ಶರ್ಮ ಅವರು ಸ್ಥಿರ ಪ್ರದರ್ಶನ ನೀಡಲು ಮೂರು ವರ್ಷ ಸಮಯ ತೆಗೆದುಕೊಳ್ಳಬೇಕಾಯಿತು. ಇತರ ತಂಡಗಳಲ್ಲಿಯೂ ಇಂತಹ ಅನೇಕ ಉದಾಹರಣೆಗಳಿವೆ ಎಂದು ಕಾವ್ಯಾ ಸಭೆಯಲ್ಲಿ ಹೇಳಿದ್ದಾರೆ.

ಬಿಸಿಸಿಐ ಬುಧವಾರ (ಜುಲೈ 31) ಸಂಜೆ ಎಲ್ಲ ಐಪಿಎಲ್​ ಫ್ರಾಂಚೈಸಿ ಮಾಲೀಕರ ಸಭೆಯನ್ನು ಮುಂಬೈನ ಮುಖ್ಯ ಕಚೇರಿಯಲ್ಲಿ ಕರೆದಿತ್ತು. ಈ ವೇಳೆ ಮೆಹಾ ಹರಾಜು, ಆಟಗಾರರನ್ನು ಉಳಿಸಿಕೊಳ್ಳುವುದು ಮತ್ತು ಇಂಪ್ಯಾಕ್ಟ್​ ಪ್ಲೇಯರ್​ ನಿಯಮ ಸೇರಿದಂತೆ ಅನೇಕ ವಿಚಾರಗಳ ಬಗ್ಗೆ ಈ ವೇಳೆ ಚರ್ಚಿಸಲಾಗಿದೆ. ಫ್ರಾಂಚೈಸ್ ಮಾಲೀಕರು ಆಟಗಾರರ ನಿಯಮಗಳು, ವ್ಯಾಪಾರೀಕರಣ, ಲೈಸೆನ್ಸ್​ ಮತ್ತು ಗೇಮಿಂಗ್ ಸೇರಿದಂತೆ ಇತರ ವಾಣಿಜ್ಯ ಅಂಶಗಳ ಕುರಿತು ತಮ್ಮ ಅಭಿಪ್ರಾಯವನ್ನು ಮಂಡಿಸಿದ್ದಾರೆಂದು ತಿಳಿದುಬಂದಿದೆ.

https://www.vijayavani.net/state-government-to-launch-cyber-security-policy

https://www.vijayavani.net/actor-darshan-and-gang-sent-to-judicial-custody-till-august-14th-in-renukaswamy-murder-case